26歲謝嘉怡於英國坐擁2個物業！坦承香港房價偏貴！3大良好理財習慣2年成功儲到首期？

2020港姐冠軍謝嘉怡（Lisa）入行後工作機會並唔算多，近日佢於小紅書分享理財心得，大談如何喺香港租屋或者「上車」，坦承香港房價負擔大。而佢仲話現時自己於英國手持2個物業，讀大學嘅時候就已經做業主！

Photo from 謝嘉怡IG

謝嘉怡曾於蘇格蘭任職護士

現年26歲嘅謝嘉怡（Lisa）2020年從英國回流返港參加選美比賽，並榮獲冠軍以及「最上鏡小姐」殊榮！入行前，佢畢業愛丁堡納皮爾大學護理學系，仲喺蘇格蘭做過護士。

Photo from 謝嘉怡IG

Photo from 謝嘉怡IG

分享理財心得

日前，謝嘉怡喺小紅書向大家分享理財心得，佢認為現時大部分人都鍾意購物「買條裙穿一次就扔」，容易製造大量廢物，所以佢就堅持要將衣物都穿破爛先回收或扔掉！而且，佢覺得花錢購買有紀念價值嘅物品，先能夠令錢用得有意義；加上父母小時候用唔同方式教導佢理財，所以佢一直都有儲蓄嘅習慣。

Photo from 謝嘉怡小紅書

Photo from 謝嘉怡IG

驚嘆英國與香港房價差異大！

現時謝嘉怡於香港租樓住，仲話喺香港同英國置業截然不同！佢指英國有種說法係「如果要買樓，房價最高係你年薪嘅3倍以上！」；亦即係若果年薪係$30萬，就應該物色$60萬至$90萬嘅房屋。

Photo from 謝嘉怡小紅書

Photo from 謝嘉怡小紅書

坦承香港房價昂貴，現時只係租樓住

然而，呢種說法卻難以套用於香港，佢表示香港至少都要過百萬先能夠「上車」，對於佢而言負擔十分大，因此佢並未有於香港置業嘅打算，道出唔少香港人嘅心聲！

Photo from 謝嘉怡IG

Photo from 謝嘉怡小紅書

大學時就已經買樓！

謝嘉怡表示英國同香港之間嘅房價差異極大，兩房、上下樓梯、前後花園加上私人車位嘅大屋喺英國大約需要港幣$100萬就買到。而佢讀大學期間亦搵到一份全職工作「我非常幸運能和父母一起住，不需要買柴米油鹽。」所以佢當時將薪水儲起晒！

Photo from 謝嘉怡小紅書

Photo from 謝嘉怡小紅書

成功再購入第二個物業！

直到Year 2，謝嘉怡嘅儲蓄已經足夠支付首期，並買下人生第一個物業！後來，佢就將該房子出租，成功賺到錢後，又再購買第二個物業，表示自己真係十分幸運～

Photo from 謝嘉怡小紅書

Photo from 謝嘉怡小紅書

過往曾自爆於蘇格蘭做護士薪水！

入行前於蘇格蘭做護士嘅謝嘉怡曾自爆當時嘅收入穩定，月薪大約係$2.6萬，仲會有加班費！雖然薪水不及香港，但由於英國開支少「使費係香港嘅一半」，所以都能夠儲到唔少錢。

Photo from 謝嘉怡小紅書

相關文章：謝嘉怡拍片公開豪華住所！與家人同住超溫馨！超大客廳/舒適小露台

相關文章：謝嘉怡素顏拍片 自認唔似港姐「唔夠高瘦」連爸爸都嫌佢男仔頭！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

謝嘉怡自爆簽TVB收入低：我個底薪好少！公開英國做護士月薪

2 Feb , 2022

香港小姐冠軍謝嘉怡（Lisa）簽約TVB後工作唔算好多，近日佢於小紅書與陸浩明（6號）拍片大談簽約TVB後嘅收入，佢又自爆以前喺蘇格蘭做護士嘅月薪，直言英國花費比香港平好多。

Photo from 謝嘉怡 小紅書

港姐冠軍謝嘉怡簽約TVB後出演《愛·回家之開心速遞》

謝嘉怡2020年參選港姐成功奪得冠軍及「最上鏡小姐」，成雙料冠軍。之後簽約TVB，謝嘉怡奪冠後人氣唔錯，更成廣告商新寵，接咗唔少job。

Photo from 謝嘉怡 IG

不過佢中文唔流利，所以未有即時接拍劇集。謝家怡2021年加入《愛·回家之開心速遞》劇組，飾演接龍集團實習生「呂冠君」一角，亦係佢暫時接拍嘅唯一一套劇。

Photo from 謝嘉怡 IG

與陸浩明拍片分享收入

近日佢與6號拍片，喺小紅書向大眾分享港姐嘅收入。影片一開始6號就指新年唔少長輩都會問「搵幾錢人工？」，謝嘉怡指佢嫲嫲都佢問呢個問題，佢表示以前喺蘇格蘭嘅工作收入穩定，又有加班費，嫲嫲一直都擔心佢喺香港搵唔到錢。

Photo from 謝嘉怡 小紅書

Photo from 謝嘉怡 小紅書

謝嘉怡於蘇格蘭長大，2019年畢業於愛丁堡納皮爾大學護理學系，畢業後曾於醫院任職護士，直到2020年為咗完成爸爸夢想，所以報名參選《香港小姐競選》。

Photo from 謝嘉怡 IG

謝嘉怡公開英國做護士月薪，大爆簽TVB底薪低

6號問佢之前喺蘇格蘭做護士收入有幾多，謝嘉怡指月薪約為$2.6萬，雖然不及香港，但佢直言英國開支少好多，係香港一半。買樓嘅按揭為港幣$4,000。

Photo from 謝嘉怡 小紅書

Photo from 謝嘉怡 小紅書

Photo from 謝嘉怡 小紅書

之後6號又問佢喺簽咗TVB之後嘅收入，謝嘉怡稱每個月都唔同，視乎佢有無劇拍，喺6號再追問之下，佢坦言自己個底薪係好少，所以最低收入嘅一個月薪金都非常低。

Photo from 謝嘉怡 小紅書

Photo from 謝嘉怡 小紅書

Photo from 謝嘉怡 小紅書

相關文章：謝嘉怡拍片公開豪華住所！與家人同住超溫馨！超大客廳/舒適小露台

相關文章：香港小姐素顏對比照！謝嘉怡秒變鄰家女孩？照樣省鏡定係大走樣？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）