何猷君在家被奚夢瑤剪髮好驚青 怕老婆樣笑翻網民 上海過億豪宅引熱議！

內地疫情持續，已故賭王何鴻燊四房兒子何猷君與太太奚夢瑤因上海封城，都留守在家中抗疫，久未剪髮嘅猷君要靠老婆幫手，二人打情罵俏模樣笑翻網民，而佢哋居住嘅過億複式豪宅亦引起關注！

Photo from 微博

奚夢瑤在家幫何猷君剪髮

何猷君和太太奚夢瑤響應居家隔離，無得出街理髮嘅猷君就向老婆求救，於是奚夢瑤親自下手，更自誇好手藝，笑稱如果短片有超過一萬個讚就去小區擺檔。

Photo from 奚夢瑤 小紅書

片中可見，二人在家中嘅木系浴室進行剪髮，猷君顯得頗為緊張，尤其在老婆用水噴濕頭髮時左閃右避，剪髮時又遮掩耳朵怕受傷，一副驚老婆樣逗笑網民。但被老婆喝止後即刻坐定定，網民都大讚兩人好甜蜜，情景搞笑。

Photo from 奚夢瑤 小紅書

家住上海複式豪宅

何猷君與奚夢瑤2019年結婚，育有一子一女。據悉，一家住在價值過億嘅複式豪宅，並位於上海頂級住宅湯臣一品裡，單位面積約4千6百平方呎至1萬3千多平方呎，每個單位都可飽覽270度江景，非常豪華！早前，奚夢瑤上載嘅聖誕樹裝飾Vlog，就可見房間有多塊大落地玻璃窗，並連接著大露台，房內空間很大，放了聖誕樹仍有好多空位。

Photo from 微博

Photo from 微博

空間寬敞，走現代奢華風格

二人在節目《幸福三重奏》中亦曝光過家中環境，可見客廳超闊落、樓底高，裝潢富有現代奢華感，放有L型大梳化，旁邊仲有兒童玩樂區，等父母睇電視都可以照顧到子女，而梳化後方亦放有一個幾乎一比一大嘅機械人模型。

Photo from 微博

Photo from 微博

Photo from 微博

開放式廚房與飯廳則以灰白色為主，櫃枱上有好多調味料食材，非常有居家感，而飯枱旁就對著落地玻璃窗門，可一邊吃飯，一邊望向戶外花園，相當愜意。

Photo from 微博

Photo from 微博

相關文章：奚夢瑤錯手公開大仔正面樣貌！精靈樣激似何猷君 網民質疑影片違法？！

相關文章：何猷君出席電競比賽與對方互鬧 形象盡毀！ 挑釁行為被網民形容：小學生鬧交？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）