38歲「兩性博士」許藍方零濾鏡自拍照曝光！曾被爆介入男醫師婚姻？於節目罕有公開真相

生活熱話娛樂新聞

By Stephanie on 07 May 2022

Digital Content Writer

台灣「兩性博士」許藍方憑出眾外貌被網民封為「最美性學博士」，平時佢亦經常上綜藝節目分享專業知識，獲大讚智慧與美貌並重～最近，佢無意中於FB上載零濾鏡嘅自拍照，後來先發現自己發錯照片，但依然獲網民大讚保養得宜！

Photo from 許藍方IG

台灣「最美博士」許藍方經常獲邀出演綜藝節目

現年38歲嘅許藍方係臺北醫學大學護理學系博士畢業生，經常獲邀出演綜藝節目，並向觀眾分享正確嘅兩性知識。佢憑亮眼外型及fit爆身形成功吸粉無數，仲被封為「最美性學博士」！

Photo from 許藍方IG

Photo from 《同學來了》

上載零P圖自拍照

日前，許藍方突然於社交平台上載超近距離嘅自拍照，其中有網民就指佢「魚尾紋出現」、「皮膚不如以前」等留言。事隔幾日，佢喺幕後團隊嘅提醒下先發現自己po錯相！

Photo from 許藍方博士 Dr. Gracie @FB

發現自己無意中po錯相，美貌依然獲網民大讚！

隨後，許藍方再次上載原先想上載嘅照片，只見兩者分別只係在於後者有利用髮型幫手遮眼紋，並冇加上任何濾鏡。而佢坦承「我不喜歡修圖也不喜歡濾鏡」，強調即使年齡增長都有唔同嘅美態，並冇刪除po錯嘅自拍照！豁達面對嘅態度獲得大批網民讚賞「有自信的女人最美」、「其實分別不大啊」等。

Photo from 許藍方博士 Dr. Gracie @FB

上年曾被爆介入已婚男醫師家庭？！

人紅自然是非多！上年許藍方被爆與已婚男醫師發展親密關係，仲因此被男方正宮索償$300萬台幣（約港幣80萬），一度引起熱議！後來，許藍方亦有於FB澄清並冇介入他人家庭，強調同對方只係認識20年嘅學長，並冇發展任何超越朋友嘅行為；據悉案件現時尚在審議過程當中。

Photo from 許藍方IG

《小姐不熙娣》提及事件真相！

鮮少公開提及傳聞嘅許藍方，近日上小S節目《小姐不熙娣》時罕有提及事件真相！節目中提及女生與異性閨蜜容易發生問題，而許藍方就坦承當初認定對方係朋友互相分享心事，仲會為佢嘅感情問題提出建議，但最終男方同佢講「都不是真的」；而佢亦因此而獲得沈重代價，被冠上「小三」之名，種種跡象都疑似暗示緊男方就係已婚嘅康醫生？！