彭于晏上海封城逾1個月,留鬚look曝光!男神走樣變大叔

彭于晏上海封城逾1個月,留鬚look曝光!男神走樣變大叔

娛樂新聞
By Jennifer on 06 May 2022
Digital Editor

上海封城已經超過一個月,大部分居民仍然未能離開居住嘅小區。彭于晏亦同樣留喺家中隔離,佢除咗有帶愛犬落樓散步同做檢測外,其餘時間都無出門,唔使出席活動嘅佢近日喺IG Story拍片記錄日常生活,公開鬚根look,與以往男神形象相距甚遠。

彭于晏亦同樣留喺家中隔離,佢除咗有帶愛犬落樓散步同做檢測外,其餘時間都無出門Photo from 彭于晏 微博

彭于晏上海隔離超過一個月

現年40歲嘅彭于晏定居上海,佢落樓做檢測仲同醫護人員合照,相當親民。佢住喺上海富人區,但受到上海封城影響,佢大部分時間都留喺屋企。

現年40歲嘅彭于晏定居上海,佢落樓做檢測仲同醫護人員合照,相當親民Photo from 彭于晏 IG

不過男神不忘帶愛犬落樓散步,雖然唔可以離開佢所住嘅屋苑範圍,但佢仲不時拍下愛犬散步、食嘢嘅情況,並放上IG同fans分享。

男神不忘帶愛犬落樓散步,雖然唔可以離開佢所住嘅屋苑範圍,但佢仲不時拍下愛犬散步、食嘢嘅情況Photo from 彭于晏 微博

打扮隨意放狗

早前有網友偶遇落樓放狗嘅彭于晏,更大方合照,十分nice!彭于晏打扮隨意,只著上黑色T裇、戴cap帽,卻被網友指佢「瞎穿一通」,結果第二日佢出門明顯有認真打扮,白色衛衣配橙色冷帽,完全男友style~

彭于晏放狗打扮隨意,只著上黑色T裇、戴cap帽,卻被網友指佢「瞎穿一通」,結果第二日佢出門明顯有認真打扮Photo from 小紅書

留鬚根、額頭「火車軌」形象曝光!男神大走樣?

近日彭于晏連續更新咗幾個IG Story,其中除咗影愛犬男神仲自拍咗幾張相,不過少咗出門嘅佢日日戴口罩似乎懶得剃鬚,滿面鬚根之餘,佢攤喺床上連眼睛都睜唔大,同以往男神形象相差甚遠,秒變普通大叔!

近日彭于晏連續更新咗幾個IG Story,其中除咗影愛犬男神仲自拍咗幾張相Photo from 彭于晏 微博

少咗出門嘅彭于晏日日戴口罩似乎懶得剃鬚,滿面鬚根之餘,佢攤喺床上連眼睛都睜唔大Photo from 彭于晏 IG

彭于晏同以往男神形象相差甚遠,秒變普通大叔!Photo from 彭于晏 IG

彭于晏仲大晒額頭「火車軌」,一啲都唔介意形象崩壞,之前佢曾留長髮,加上滿臉鬍鬚,比依家隔離不修邊幅嘅鬚根look更誇張!不過男神始終係男神,底子超好嘅彭于晏剪去長髮後顏值即刻回復巔峰。

彭于晏仲大晒額頭「火車軌」,一啲都唔介意形象崩壞Photo from 彭于晏 IG

之前彭于晏曾留長髮,加上滿臉鬍鬚,比依家隔離不修邊幅嘅鬚根look更誇張Photo from 彭于晏 IG

腳趾公意外成焦點

除咗外型外,男神連腳趾都引起關注,彭于晏影狗狗食飯時意外公開腳趾,有網民「錯重點」指佢腳趾公同其他腳趾相比好似特別短,仲話「原來男神也不是完美的」。

彭于晏影狗狗食飯時意外公開腳趾,有網民「錯重點」指佢腳趾公同其他腳趾相比好似特別短Photo from 彭于晏 IG

隔離期間彭于晏回覆網民IG,為女生揀唇膏

其實男神隔離期間除咗放狗的確無咩嘢做,早前好多網民喺網上公開彭于晏回覆佢哋IG嘅截圖,笑言:「彭于晏隔離到底有多無聊!!」,唔少網友喺IG tag彭于晏或直接私chat男神,佢都有一一回應。

其實男神隔離期間除咗放狗的確無咩工作,早前好多網民喺網上公開彭于晏回覆佢哋IG嘅截圖Photo from 彭于晏 微博

唔少網友喺IG tag彭于晏或直接私chat男神,佢都有一一回應。Photo from 小紅書

除分享日常生活照,有網民叫男神幫忙揀衫,彭于晏勁nice咁回答,有網友問佢買唔買手袋好,男神竟回:「你包夠多了吧」,超親民!

有網民叫男神幫忙揀衫,彭于晏勁nice咁回答Photo from 小紅書

有網友問佢買唔買手袋好,男神竟回:「你包夠多了吧」,超親民!Photo from 小紅書

仲有人叫彭于晏幫手揀唇膏顏色:「口紅顏色哪個好看?」彭于晏十分直男咁覆:「有差嗎?」但佢都有選到右邊,當對方指兩隻色一種更紅、另一種偏橘色,男神再次發揮「直男本色」表示:「哪裏」,非常爆笑。

仲有人叫彭于晏幫手揀唇膏顏色Photo from 彭于晏 IG

當對方指兩隻色一種更紅、另一種偏橘色,男神再次發揮「直男本色」表示:「哪裏」,非常爆笑。Photo from 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

40歲余文樂做掌上壓體力不支驚現滿頭白髮?盤點4大昔日高顏值男神

27 Apr 2022

余文樂移居台灣後主力經營個人品牌,又推出NFT,賺到盤滿缽滿。現年40歲嘅余文樂最近喺IG公開做運動嘅片段,佢落力做掌上壓,頭上驚現唔少白頭髮!被歲月蹉跎嘅人唔只佢一個,好多昔日嘅男神都變化不少。

余文樂移居台灣後主力經營個人品牌,又推出NFTPhoto from 余文樂 IG

移居台灣搞個人潮牌、NFT

余文樂現年40歲,結婚後佢移居台灣,近年減少出演電影、電視劇,集中精力發展個人潮牌,又致力開拓NFT,屢破紀錄勁賺過億!

余文樂現年40歲,結婚後佢移居台灣,近年減少出演電影、電視劇,集中精力發展個人潮牌Photo from 余文樂 IG

40歲余文樂做掌上壓體力不支驚現白頭髮

雖然無影視作品,但余文樂仍然不時做gym,早年更擁有臂肌、腹肌,身型操到勁fit。日前佢喺IG Story就公開做掌上壓嘅片段,不過可能因為佢將大部分時間放喺家庭同潮牌事業上,做掌上壓明顯體力不支,只做咗幾下就谷到滿面通紅。

雖然無影視作品,但余文樂仍然不時做gym,早年更擁有臂肌、腹肌,身型操到勁fitPhoto from 余文樂 IG

日前余文樂喺IG Story就公開做掌上壓嘅片段,不過可能因為佢將大部分時間放喺家庭同潮牌事業上,做掌上壓明顯體力不支Photo from 余文樂 IG

而且唔知係咪燈光問題,余文樂頭上更有唔少白頭髮,令人唏噓。男神早生華髮,又開始留鬚,余文樂成個人顯得十分成熟。除咗余文樂之外仲有部分男明星近年狀態與昔日帥氣形象大相逕庭。

唔知係咪燈光問題,余文樂頭上有唔少白頭髮Photo from 余文樂 IG

陳冠希大晒魚尾紋

Edison同余文樂一樣近年主力搞個人品牌同照顧家庭,似乎未有心機保養自己,比起出道初期嘅混血靚仔look,陳冠希魚尾紋清晰可見,整個人憔悴不少。

Edison出道初期嘅混血靚仔lookPhoto from 《頭文字D》

陳冠希魚尾紋清晰可見,整個人憔悴不少Photo from 陳冠希 IG

吳彥祖髮線後移

吳彥祖同樣係好多人心目中嘅男神,不過近年佢被多次影到髮線後移,似有中年禿頭危機,加上鬚根未剃,成個人顯得非常滄桑。

吳彥祖同樣係好多人心目中嘅男神Photo from 吳彥祖 微博

吳彥祖髮線後移,似有中年禿頭危機Photo from 吳彥祖 IG

彭于晏長髮鬚根look

余文樂嘅好兄弟彭于晏現年同樣係40歲,之前佢曾留長髮,加上滿臉鬍鬚,同以往嘅男神樣相差甚遠,不過男神始終係男神,底子超好嘅彭于晏剪去長髮後顏值即刻回復巔峰。

余文樂嘅好兄弟彭于晏現年同樣係40歲Photo from 余文樂 IG

彭于晏留長髮,加上滿臉鬍鬚,同以往嘅男神樣相差甚遠Photo from 彭于晏 IG

底子超好嘅彭于晏剪去長髮後顏值即刻回復巔峰。Photo from 彭于晏 IG

馮德倫白鬚造型撞樣曾俊華?

當年馮德倫同吳彥祖一齊出演《美少年之戀》,一頭長髮係另一類型嘅美男子,不過近年佢留白鬚造型大晒歲月痕跡,同以往有好大差距!

近年馮德倫留白鬚造型大晒歲月痕跡Photo from 馮德倫 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel