新升級 Estée Lauder 微精華！一瓶多效：雙重鞏固肌膚屏障～ 對抗夏日肌膚問題，瞬間淨、透、亮！

如果你出現缺水乾燥、毛孔粗糙、黯沉、敏感等等肌膚問題，就要留意，好可能係因為肌膚防禦力不足！

除此之外，其實皮膚都會受外界環境所傷害，加劇降低肌膚防禦力，例如係做 Gym 爆汗過後、長期戴口罩或者户外曬太陽等等，從而變得脆弱敏感，出現唔穩定嘅肌膚狀況，例如泛紅、暗粒等。所以唔止身體要健康，皮膚都要強化，先可以抵禦外來刺激，咁就喺邊度玩都唔怕啦！

又要補濕又要增強抵禦力，咁咪要塗好多嘢？錯啦！我哋需要嘅其實係一瓶多效嘅佢——推出至今Keep住熱賣嘅 Estée Lauder #微精華 ！做到即時讓肌膚重拾平衡狀態，長效深層保濕之餘，仲輕盈清爽唔黏笠，一直深得用家一致好評，不斷空瓶再回購，最近，佢哋系列仲全新升級！

新升級！雙重鞏固肌膚屏障，提升防禦力！

今次升級，包括全新微精華活膚原生液同全新櫻花微精華活膚原生液，兩者都加入全新專利嘅後生元 12+及 98.9% 生物活性乳酸菌，比起第一代增加屏障修護功效，以雙重屏障嘅形式修護並鞏固肌膚屏障，提升肌膚防禦力，亦更加強3大主要功效：舒緩、水潤、透亮！

科學層面上，新一代係透過增強第一道防線（對抗外在刺激及傷害肌膚嘅因素）同第二道防線（增加肌膚表皮層厚度）去做到：

• 「雙重屏障修護鞏固肌膚」：長遠提升肌膚原生力量，塑造穩定平衡嘅健康肌膚
• 「舒緩」及「透亮」：即時褪紅、鎮靜及降溫，煥發水晶般剔透光采
• 「水潤」：持久保濕、深層滋養，打造柔滑細嫩肌膚

咁兩支微精華又有咩分別呢？簡單嚟講，微精華活膚原生液，適合中性肌膚，而櫻花微精華活膚原生液就適合油性肌膚。

全新微精華活膚原生液

新加入甘草萃取，有助肌膚對抗顯著泛紅及刺激，仲有全新2D透明質酸複合物，為乾性同中性肌膚提供持續24小時長效保濕，收細毛孔及減淡細紋。

全新櫻花微精華活膚原生液

加入採摘自日本岩手縣嘅櫻花酵素，有助水油平衡及提升肌膚剔透度。另外仲有全新雙重海藻成分，有效控油、顯著收細毛孔及減淡暗瘡印。

兩支微精華都可以幫助鞏固肌膚屏障，養出健康肌膚，大家可以根據自己嘅肌膚需要，選擇適合嘅微精華啦！

懶人必備恩物～公開#微精華 4大用法！

至於用法方面，大家係咪一直以為微精華只係可以拍面用呢？點止咁簡單呀！唔同用法可以加強唔同功效，無論即時效果，定發揮全新雙重屏障修護功效，一支搞掂，夠晒方便又慳位，簡直係懶人必備！

官方用法有3個，包括：

1. 日常使用︰將微精華分3次拍打吸收，注入肌膚。
   每日使用，可以作為即時穩定肌膚及長效修復肌底之用。

2. 急救濕敷︰將微精華倒入並滲透化妝棉，濕敷於額頭、雙頰同下巴位置5分鐘。

臨瞓前攰得濟或者朝早趕住出門口，都可以選擇5分鐘極速急救，濕敷有助吸收，令毛孔更細緻，有效防止痘痘閉口，肌膚更有即時飲飽水嘅感覺。

3. 妝前輕拍︰化妝之前輕拍上面。

有化妝或者返 Office 嘅朋友仔，妝前使用，有效調節水油平衡，肌膚保持水潤，令妝容更貼服持久。

除此之外，小編都發現另一個隱藏用法——噴霧！將微精華入落個樽仔度，方便攜帶，隨時隨地噴一噴，即時補水，兼解決肌膚唔穩定嘅情況。例如去完行山、玩水，覺得塊面曬到乾燥泛紅，噴一噴就可以即時補水舒緩啦！

配合皇牌產品使用，效果更昇華！

除咗微精華之外，皇牌Advanced Night Repair - 升級再生基因修復精華，同升級新生活膚彈活面霜都係大獲好評嘅好物，配合埋一齊使用，效果更佳！

使用方法：

1. 早晚潔面後，先以化妝棉或雙手抹上微精華原生液，以穩定肌膚
2. 再使用升級再生基因修復精華，調整並激活年輕細胞
3. 最後以新生活膚彈活面霜，幫助肌膚自然產生天然膠原及彈性蛋白，全面修護肌膚

限時優惠！趁踏入 WFH 尾聲在家入貨～

全新升級微精華售價 HK$930/200ml，而家做緊限時優惠，即日起至5月31日，購買 #微精華 200ml，即可額外獲贈極速修復活膚體驗4件裝乙份（價值HK$530）。在家無痛入手，鞏固肌膚屏障，肌膚健康 - 淨．透．亮！

優惠數量有限，贈完即止。大家快點到https://bit.ly/3vO5CUc行動吧！

Text: HolidaySmart Editorial
Photo from: Estée Lauder
Featured for: Estée Lauder