55歲溫碧霞擔任時裝秀模特兒，超少女心穿搭被網民狠批！獨特穿衣風格頻頻惹關注，偏愛吊帶衫？
現年55歲嘅溫碧霞（Irene）一直都非常注重保養，仲嚴格管理自己嘅身材，獲網民大讚駐顏有術。近日，佢獲邀出席時裝秀做model，身穿粉紅色嘅公主短裙行catwalk；但卻引來網民批評，認為服裝風格同佢嘅年齡不符，而且佢嘅姿勢亦顯得十分僵硬！
Photo from 溫碧霞微博
溫碧霞獲封為「最美妲己」
被稱為「性感美女」嘅溫碧霞過往憑劇集《封神榜》將美豔動人嘅「妲己」演得唯妙唯肖獲得讚賞，直到宜家依然係唔少網民心目中嘅經典，仲被封為「最美妲己」！佢2000年與富商何組光結婚，二人收養一名兒子，而佢亦減少幕前工作專心照顧家庭。
Photo from 《封神榜》
Photo from 溫碧霞微博
身穿粉紅色公主短裙出席時裝秀
不過近年溫碧霞似乎「復出」幕前，工作量大增，並將事業重心轉移返內地。最近，佢就獲邀請成為時裝秀嘅模特兒，率先登場打頭陣！從照片中所見，佢當日身穿粉紅色嘅公主短裙，配上同色系嘅長靴；佢全程雙手叉腰，表情生硬，步伐亦甩晒beat。
Photo from 微博
Photo from 微博
網民狠批當日表現及服裝？！
唔少網民見到後都批評溫碧霞當日嘅穿著唔適合佢，反而令佢嘅身材比例變得十分奇怪；亦有部份網民批評佢當日嘅表現「走出了骨質疏鬆的感覺」、「幾十年同一個髮型」、「變成5：5身了」，引起網民熱議！
Photo from 微博
Photo from 百度
Photo from 百度
近年穿衣風格多次惹熱議！
溫碧霞一直以來都十分貪靚，仲曾經盛傳佢係因為保持苗條身材而拒絕生小朋友。近年，佢嘅亮相於幕前時嘅妝容都非常濃，而且打扮亦一如既往地有少女心，仲被網民發現佢經常穿吊帶衫，令大部分網民都覺得唔適合佢！有網民就曾經偶遇佢哋一家人一齊行山，然而當日溫碧霞卻身穿波希米亞風嘅長裙，與大家普遍嘅行山裝束大相逕庭！
Photo from 溫碧霞微博
Photo from 小紅書
部份粉絲力撐溫碧霞
但亦有部份粉絲力撐溫碧霞「對於普通人來說，56歲還這麼好看算不錯了」，認為佢只係偏愛睇落比較年輕嘅服裝，並冇任何問題。
Photo from 溫碧霞微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
網民野生捕獲溫碧霞一家行山，獨特衣著遭網民批評！養子樣貌與丈夫相似？！
10 Feb , 2022
Photo from 溫碧霞微博
# 溫碧霞一家三口感情超好！
現年55歲嘅溫碧霞於1982年出道，曾參與唔少電影，被網民封為「性感美女」～喺2000年嘅時候，佢同富商何組光結婚後就甚少於螢幕前曝光，並收養一名兒子，一家三口感情溫馨！
Photo from 溫碧霞微博
Photo from 溫碧霞微博
# 網民行山偶遇溫碧霞！
日前，有網民就偶遇溫碧霞同家人一齊行山嘅畫面，不過網民都講焦點放喺佢嘅衣著上。從影片中所見，溫碧霞甜蜜咁挽住丈夫嘅手臂，頭髮蓬鬆以及一身波希米亞風格嘅衣服，成功搶奪大家嘅目光！
Photo from 小紅書
# 溫碧霞衣著惹網民熱議！
而網民亦拍攝到溫碧霞暫時將口罩拉到下巴嘅畫面，雖然同平時拍照時使用濾鏡嘅佢有啲唔同，但佢嘅樣貌並冇太大分別；另一方面，佢就身穿米白色外套以及紮染飄逸長裙。唔少網民都認為佢嘅衣著唔適合行山，批評佢嘅穿衣品味：「成個丐幫幫主咁」、「行山著到咁...」等！
Photo from 小紅書
Photo from 小紅書
# 即將北上工作3個月！
而溫碧霞最近出席活動時，就表示將於情人節後返內地工作，當中包括廣告、電影等工作，預計需要逗留至少3個月時間！佢就透露最唔捨得嘅係丈夫同兒子Xavier，仲好sweet咁話囝囝一直都視佢為最靚嘅女神，感情非常好～
Photo from 溫碧霞微博
Photo from 溫碧霞微博
# 曾透露拒絕生小朋友嘅原因！
過往有唔少網民都認為囝囝Xavier同溫碧霞丈夫長相相似，儘管兩人並非真係有血緣關係，但感情卻非常好！外界曾猜測貪靚嘅溫碧霞唔願意生小朋友係因為想保持苗條身形，但佢就喺節目解釋係因為知道姐姐生產嘅經歷而感到害怕。
Photo from 溫碧霞微博
Photo from 溫碧霞微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
