姜麗文生母早逝，主持問母親節點慶祝被斥無做功課！姜麗文大方回應

姜麗文日前自荷李活拍攝後返港，獲娛樂新聞台採訪，其中主持賴彥妤問佢母親節會點同媽媽慶祝，似乎唔知道姜麗文由爸爸秦沛獨力撫養，而生母更已於2016年離世，被網友斥佢唔做功課！

Photo from 姜麗文 IG

主持問姜麗文母親節回同媽媽慶祝出事

姜麗文近年出演電視劇表現大獲好評，演技備受認可，更成功喺頒獎禮攞獎證明自己。佢早前去荷李活拍攝電影，之後從泰國回港出席活動，並接受娛樂新聞台採訪。

Photo from 《萬千星輝頒獎典禮2021》

由於臨近母親節，主持賴彥妤就問姜麗文會有無plan好點同媽咪慶祝母親節，雖然姜麗文毫不猶豫大方回應，但之後主持卻面有難色望向鏡頭外，似乎有人提醒佢問錯嘢！

Photo from 娛樂新聞台

Photo from 娛樂新聞台

生母1歲時已離開，早於2016年逝世

原來姜麗文自細父母離異，佢1歲嘅時候生母梁盛子就離開咗佢，兩兄妹由爸爸秦沛獨力撫養長大，感情要好，而且梁盛子已於2016年離開人世，所以主持人問呢個問題即被網民斥佢無做好功課就訪問人，又指呢條問題十分無禮。

Photo from 姜麗文 IG

Photo from 姜麗文 IG

姜麗文表現大方獲讚

不過姜麗文表現十分專業，並無任何不耐煩，如常回答：「母親節會同爸爸慶祝，因為有好幾年爸爸係做單親爸爸，佢今年喺香港，會喺哥哥屋企煮餐飯畀佢食，我都DIY咗小小禮物送畀佢（爸爸）。」網友大讚姜麗文回應大方得體！

Photo from 姜麗文 IG

對生母無感覺

姜麗文曾經喺電台節目中提及罕有生母，佢表示自己對媽媽：「真係無乜feeling，亦唔係嬲」，反而得知爸爸為咗爭取兩兄妹嘅撫養權傾家蕩產，心中充滿感恩，更覺得爸爸好偉大。

Photo from 《1圈圈 星光背後》

Photo from 姜麗文 IG

主持賴彥妤係高材生？！

主持賴彥妤曾多次參加選美比賽，佢本人係英國高雲地利大學法律系碩士，擁有兩個碩士同深造文憑學位，係一位高材生，兩度參選港姐雖然落選獎場但最終成功加入娛樂新聞台，成為其中一位主持。

Photo from 賴彥妤 IG

Photo from 賴彥妤 IG

相關文章：黃婉恩採訪馬時亨、林子祥狂出事！嗌錯晒嘉賓名，叫停訪問勁尷尬

相關文章：【東京奧運】李靄璣/陳貝兒旁述頻頻出錯！講錯國家名/開幕式講成閉幕

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

超敬業！姜麗文為演好菲傭一角 向嫲嫲嘅工人姐姐請教菲律賓話

14 Aug 2019

日前播出嘅《愛回家之開心速遞》入面就有秦沛女女姜麗文客串演出，佢一人分飾兩角，演技備受好評！

姜麗文喺劇中飾演高小姐嘅工人姐姐同佢嘅孖生細妹Meli。有唔少網友大讚姜麗文嘅菲律賓廣東話口音好傳神，更希望佢可以成為常駐添！

Photo from TVB USA Official

原來姜麗文為咗演好菲傭姐姐呢個角色，特登向嫲嫲嘅工人姐姐Joey請教，仲參加埋Joey嘅生日party，同更多菲律賓同鄉交談，學講菲律賓話。

Photo from lesleychianglove@IG

Photo from lesleychianglove@IG

姜麗文喺IG post出佢同Joey嘅合照，感謝對方，佢更表示一開始擔心唔知點演繹Meli呢個角色，因為佢想尊重返菲傭姐姐嘅文化。

姜麗文多次問菲律賓人佢哋應該點演，佢哋都叫姜麗文只要盡情搞笑就得，最後姜麗文仲話希望佢有好嘅表現。

Photo from lesleychianglove@IG

佢嘅努力真係無白費！完全演繹出菲傭姐姐嘅神韻！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）