阿嬌鍾欣潼罕有露出性感小蠻腰，身材回復當年勇！私底下偏愛寬鬆長型衣服，卻越遮越出事？！
阿嬌（鍾欣潼）近年將事業重心轉移返內地，最近佢就忙於拍攝真人騷《乘風破浪的姐姐3》，而佢亦似乎非常努力咁執行瘦身計畫，被網民指狀態大勇，顏值重返巔峰！其實佢私底下就比較鍾意寬鬆嘅造型，所以經常都令身材比例有啲臃腫？！
Photo from 鍾欣潼微博
阿嬌正於內地拍攝真人騷！
現年41歲嘅阿嬌（鍾欣潼）宜家正忙於拍攝內地人氣真人騷《乘風破浪的姐姐3》，出演藝人名單陣容鼎盛，包括有好拍檔阿Sa（蔡卓妍）、胡杏兒以及薛凱琪等人，尚未開播就已經獲得大量內地網民嘅支持！
Photo from 鍾欣潼微博
最近似乎修身成功，獲網民大讚！
同時間，阿嬌似乎正在努力修身，希望身材能夠回復當年勇！而佢最近於微博上載嘅自拍照就睇得出臉形變成尖尖嘅瓜子面，而且亦冇之前咁浮腫；仲罕有地穿上短版上衣，露出小蠻腰，獲網民大讚美貌依然～
Photo from 鍾欣潼微博
Photo from 鍾欣潼微博
上年身型一度發福？
阿嬌近年身型變化頗大，曾經話過自己屬於容易水腫嘅身形，所以多年來都努力保持身型。上年，佢就曾經被身型發福，外界盛傳當時嘅佢受荷爾蒙失調所影響，但佢就回應係為戲增肥！
Photo from 《怦然心動20歲》
穿衣風格/戲中造型顯擁腫？！
其實穿搭有時候可以幫助修飾藝人們嘅身型，然而阿嬌過往就因爲服裝而被網民稱為「炒車時尚」嘅代表人物之一，宜家即睇佢過往嘅穿搭：
1.電影《封神：妲己》狐裘服裝
相信大家最近最深刻嘅一定係阿嬌喺電影《封神：妲己》中飾演絕世美人「妲己」嘅造型喇！當中金光閃閃嘅華麗服裝就被大家指似皇太后多啲，而且厚重嘅狐裘服裝仲令佢更加擁腫，網民都笑稱「以為演緊楊貴妃！」
Photo from 《封神：妲己》
Photo from 《封神：妲己》
2. 寬鬆幻彩衫
阿嬌入行後嘗試過唔同長度嘅髮型～圖中剪咗清爽短髮嘅佢，身穿粉色幻彩衫，配上同色系嘅吊帶連身裙，寬鬆嘅衣服版型令佢嘅身材線條完全被遮蓋，而且短髮令佢嘅面型變得更加「包包面」，令部份網民覺得佢似「大媽」！
Photo from 鍾欣潼小紅書
3.《怦然心動20歲》粉綠色大衣
上年阿嬌被指身材突然發福，而當時網民就係佢有份出演嘅綜藝節目《怦然心動20歲》中率先發現佢身型有變。只見佢身穿粉綠色有領大衣，不過由於當時佢面型比較圓潤，服裝反而令佢「睇落冇咗條頸」，而且仲令佢嘅肩膀變得好橫！
Photo from 《怦然心動20歲》
4. 2018年Twins《LOL》世界巡迴 演唱會
2018年，Twins喺加拿大多倫多舉辦《LOL》演唱會，同各地嘅粉絲們慶祝出道17年，而其中一套蓬蓬裙就被網民表示不能理解！只見阿嬌身穿天藍色加青綠色嘅連身公主裙，配上黑色靴子，但就令佢嘅雙腿睇落比較短；同身型較爲瘦削嘅阿Sa形成鮮明對比！
Photo from 娛樂新聞台
5. 私底下都偏愛較長服裝
阿嬌近來經常喺內地拍攝綜藝節目，有時候出外景嘅時候都會被唔少網民拍下幕後照片。從照片中所見，阿嬌私底下都鍾意寬鬆而且較長嘅服裝，配上短靴，但就令佢嘅身型比例顯得有啲奇怪，整體變得好腫！
Photo from 小紅書
Photo from 微博
過往有網民仲拍到阿嬌同阿Sa穿衣風格截然不同嘅畫面，阿嬌身穿長版嘅衣服；而阿Sa 就穿上短版上衣，露出腰部位置，凸顯身材比例，當時就有網民笑稱「以為阿嬌是助理呢！」；而佢出席活動時身穿嘅黑色花花連身褲都令無法凸顯佢嘅身材線條！
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
阿嬌鍾欣潼誘人自拍重回顏值巔峰！移居上海想置業，外賣每次慳8元
17 Apr , 2022
Photo from 阿嬌微博
阿嬌北上拍網絡電影演妲己，造型不討好？
阿嬌喺內地參加好多綜藝節目，又出演唔少網絡電影，工作不斷嘅佢人氣有增無減。接下嚟更會亮相《乘風破浪的姐姐3》，事業有望更進一步！
Photo from 阿嬌微博
早前喺電影《封神：妲己》中阿嬌飾演絕色美人妲己，不過佢嘅造型卻狂收負評，網友直言阿嬌於戲內顯得十分臃腫，但電影上架兩日就狂收200萬人民幣分帳，電影結尾更鋪路拍續集。
Photo from 《封神：妲己》
Photo from 《封神：妲己》
晒自拍重回顏值巔峰
《封神：妲己》反應唔錯，阿嬌又接拍《青蛇：前緣》出演青蛇，從劇照可見阿嬌造型清麗動人，身型窈窕纖細，與妲己嘅look有頗大分別。
Photo from 《青蛇：前緣》
近日阿嬌喺微博晒出自拍：「結束一天滿滿當當的工作，來冒個泡和大家說晚安」，佢更罕有小露性感大騷「事業線」，雖然阿嬌有化全妝，但下顎線突出，明顯回復瓜子面型，加上皮膚光滑零瑕疵，網民紛紛激讚佢重回顏值巔峰，相信出演《乘風破浪的姐姐3》會得到好多人支持！
Photo from 阿嬌微博
Photo from 阿嬌微博
阿嬌公開上海獨居公寓
移居上海一段時間嘅阿嬌喺綜藝節目《辣媽學院》就公開佢獨居住所，客廳擺設唔多，裝修簡約。阿嬌又坦言有意買樓，為咗下定決心，佢更養咗兩隻愛猫。
Photo from 《辣媽學院》
Photo from 《辣媽學院》
有意買樓，分享慳錢秘訣
阿嬌又分享嗌外賣嘅慳錢秘訣，佢指每次叫完外賣會送100嘅「金豆」：「送那麼少，我在研究怎麼可以拿多一點。」阿嬌發現每日都有一個「膨脹豆」，一張單差唔多可以減7、8蚊人民幣，又自豪表示：「我現在有8000多個啦！」
Photo from 《辣媽學院》
Photo from 《辣媽學院》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
