download HolidaySmart 假期日常 app
54歲吳婉芳舊照曝光驚艷網民 20多年無老過 凍齡近照比女兒更青春?

54歲吳婉芳舊照曝光驚艷網民 20多年無老過 凍齡近照比女兒更青春?

娛樂新聞
By Cheryl on 09 May 2022
Digital Editor

前港姐吳婉芳育有兩子一女, 日前二仔胡智同(Lynus)趁母親節分享同媽媽多年來合照,當中可見Lynus成長了很多,而媽媽則展現了超強凍齡美貌,年紀越大越美,令一眾網民都驚歎不已!

吳婉芳二仔曬出媽媽合照,網民都讚歎吳婉芳凍齡技術超強!Photo from TVB

「不老港姐」吳婉芳崇尚自然保養之道

54歲吳婉芳和已故老公胡家驊育有3名子女:胡智略Casper、胡智同Lynus及女兒Helene,Lynus早前上載戶外照時曝光了媽媽素顏樣貌,不少人都大讚吳婉芳保養得宜。吳婉芳曾透露自己唔敢整容,而佢保持美態嘅秘訣就係:凡事不要執着、睇佛經練氣功,保持心境平靜、行山、不吸煙;另外洗臉徹底乾淨,一星期敷2-3次面膜。飲食方面,佢不多吃補品,但飲食清淡,多飲家常例湯,亦會搵中醫調理身體。

二仔早前意外曝光媽媽行山素顏照Photo from IG@lynuswoo

佢早前同周美鳳為好友周汶錡和梁思浩慶生,合照一出即被讚同47歲周汶錡猶如姊妹,甚至望落比對方更年輕。

吳婉芳眾人為汶錡和梁思浩慶生。Photo from 梁思浩 FB

真係完全睇唔出吳婉芳有5字頭。Photo from 梁思浩 FB

毫無老態,女人味隨年紀爆升!

孝順嘅Lynus在日前母親節出po感謝媽媽,同時曬出數張合照,更分了BB、青少年和大學畢業3個時期,可見Lynus越大越帥氣,而身旁嘅吳婉芳就彷如逆齡神話,多年狀態大勇,更越來越有女人味,所以有網民都盛讚佢係「最美媽媽」。

二仔BB時期,短髮嘅吳婉芳青春可愛。Photo from IG@lynuswoo

青少年時期,媽媽好優雅~Photo from IG@lynuswoo

Lynus大個曬,而媽媽好似無老過咁。Photo from IG@lynuswoo

學霸兼藝術家二仔熱愛健身

Lynus係家中二仔,畢業於英國牛津大學藝術系,同時熱愛健身嘅佢曾在一個英國健美先生比賽中奪得組別冠軍。佢曾為動物機構籌款,以健身教練身份進行義教,非常有愛心。Lynus現時從事藝術工作,並將會舉行個人藝術展,相信佢媽媽都為佢感到驕傲。

Lynus氣質陽光帥氣Photo from IG@lynuswoo

高材生大仔與霍英東孫女結婚

吳婉芳大仔Casper同樣係學霸,佢係倫敦大學經濟系一級榮譽畢業生,修讀碩士後返港工作。去年11月,Casper跟霍英東孫女霍詠盈Caroline結婚,兩家當日舉行豪門婚宴。吳婉芳在合照中非常搶鏡,毫無老態嘅佢,驟眼睇落同女兒與新抱年紀相差不多,更有網民認為「媽媽仲靚過個女」、「以為係佢家姐,原來係佢個女」,難怪佢早前高票入選「民選最靚港姐」之一。

大仔Casper去年與霍英東孫女霍詠盈Caroline拉埋天窗。Photo from IG@carolinefwy

媽媽吳婉芳企埋其他後生女度一啲都唔顯老!Photo from IG@lynuswoo

曾被大台雪藏?

吳婉芳80年代選美亞軍出身,曾被大台力捧,但有傳佢因病推掉一個電視劇角色後觸怒高層,繼而被雪藏。到1993年,佢跟交往7年嘅富商兼著名馬主胡家驊結婚並宣布息影。二人感情深厚,胡家驊出活動都會手牽着老婆,亦從未出現過任何桃色糾紛。可惜,胡家驊因病在2017年逝世,有指吳婉芳情緒大受影響,之後甚少公開露面。

有傳吳婉芳身體理由推掉角色後被大台雪。Photo from TVB

雖然3子女已長大成人,但做單親媽媽仍不容易。吳婉芳自認嚴格,堅決教導子女要從善、唔掂毒品、以及不入娛樂圈。喺佢悉心教導下,2名兒子都係高材生,曾就讀香港華仁書院,再到英國留學。

一家人好好感情Photo from IG@lynuswoo

吳婉芳3子女Photo from IG@lynuswoo

吳婉芳保養得宜Photo from 鄭紹康天下第一關 微博

家住2萬呎8層高豪宅

二仔Lynus不時上載生活照到社交網,同時曝光了一家在跑馬地嘅8層高2萬呎豪宅,呢間豪華獨立屋更曾經獲得國際建築大獎,被評為「香港五星級私人住宅」,其外型充滿現代感,樓梯外牆採用不規則設計,非常時尚獨特。

豪宅設計非常獨特Photo from Aedas

屋內用色柔和舒適Photo from IG@lynuswoo

Lynus曾曬出泳池照和健身室照,環境光度充裕。而其他房內則以木系裝潢為主,亦掛有多幅藝術畫作,優雅之餘又有個人風格。

泳池Photo from IG@lynuswoo

Gym RoomPhoto from IG@lynuswoo

好多藝術掛畫Photo from IG@lynuswoo

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel