【許廷鏗女友】戴情侶頸鏈疑令關係曝光？入行後3大緋聞對象均為男生

娛樂新聞

By Jennifer on 10 May 2022

Digital Editor

現年34歲嘅許廷鏗（Alfred）入行以嚟緋聞甚少，近日有傳佢女朋友真身正係佢女助手Bonnie！許廷鏗出道以嚟傳過3大緋聞，對象都係同性好友，有指佢與女助手戴情侶頸鏈而透露兩人關係不淺，更已發展至同居？！

Photo from 許廷鏗Facebook

許廷鏗女友真身疑曝光？

許廷鏗早前宣佈創立個人唱片公司「自許紀錄」，為佢嘅唱歌事業踏出新一步。自組公司需要唔少人嘅幫忙，近日就有報道指許廷鏗女友真身疑曝光！

Photo from 許廷鏗IG

女友就係佢嘅女助手Bonnie，Bonnie作為助手，許廷鏗參加活動佢亦陪伴在身邊，有傳Bonnie本來就對許廷鏗有好感，更主動出擊最終做到佢嘅助手，而Bonnie嘅IG亦晒出多張許廷鏗工作照，最早已經係2019年1月，相信佢哋合作咗好耐。

Photo from 許廷鏗IG

許廷鏗不避嫌戴情侶頸鏈、兩人已同居？

許廷鏗2021年與華納唱片約滿、自組公司，Bonnie亦有喺IG發文支持：「出發吧許廷鏗，勇敢得你自許」，又hashtag「#有種感動湧上心頭」

Photo from Bonnie IG

Photo from 許廷鏗Facebook

報道指兩人更不避嫌戴上情侶頸鏈，似乎唔介意公開關係。除咗情侶頸鏈之外，許廷鏗喺屋企開live時亦經常會傳出Bonnie嘅聲音，疑似已共賦同居。不過許廷鏗嘅工作人員就否認佢哋有拍拖，指Bonnie同許廷鏗只係工作關係。許廷鏗嘅fans都認為唔太可能，不過有機會係大家都太想佢有另一半。

Photo from 許廷鏗IG

Photo from Bonnie IG

有指張敬軒將私家咪借畀初出道許廷鏗

入行至今超過10年，許廷鏗曾傳3大緋聞，不過對象都係男性。出道初期就有傳張敬軒非常欣賞佢，更借自己嘅御用價值10幾萬嘅私家咪畀許廷鏗用，關係密切。

Photo from 許廷鏗IG

Photo from 許廷鏗Facebook

被拍與同性好友攬攬、瞓大髀

2011年許廷鏗被媒傳影到同有圈外同性友人Kenny喺公園，期間更有攬攬、瞓大髀、錫錫等親密動作，許廷鏗後來解釋對方係佢多年老友，當日只係飲醉咗先會咁熱情，但以後會飲少啲以免再發生呢啲情況。

Photo from 許廷鏗IG

許廷鏗胡鴻鈞共度情人節？

佢離巢前與同公司嘅胡鴻鈞亦十分親近，經常相約出門，情人節都一齊過，又試過一齊去旅行、雙雙慶祝生日，唔少網民更直指佢哋係「友達以上」，不過佢哋近年關係大不如前，即使同場亦無交流。

Photo from 許廷鏗Facebook

嫌棄性感女頭像

許廷鏗IG曾被入侵，對方將佢嘅頭像換成一張性感女性相，而許廷鏗曾於Facebook大呻：「#點解要揀一張咁冇taste既相做profile」，成功取回帳號後再發文hashtag「轉返張profile相」、「之前嗰張真心bad taste」。

Photo from 許廷鏗IG

Photo from 許廷鏗Facebook

Photo from 許廷鏗IG

相關文章：許廷鏗同華納反面3大證據？！私下接Job 公然發難渣激嬲公司

圖片來源：許廷鏗Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

許廷鏗與父母合照　二千呎豪宅曝光　家姐阿哥全部都係精英

3 Feb 2021

許廷鏗（Alfred Hui） 2009 年參加第一屆《超級巨聲》入行，成績一直唔錯，今年年頭仲拎埋「叱咤樂壇男歌手金獎」，人氣即刻急升，事業受到肯定。日前，出名孝順嘅 Alfred 喺屋企煮咗嘢食畀屋企人食，仲罕有咁分享同屋企人嘅合照，但唔少網民都錯晒重點，聚焦咗落佢屋企嘅豪華大花園身上！

Photo from 許廷鏗 Official Instagram

疫情底下唔少人因為時間多咗同想出少啲街，都會選擇留喺屋企玩吓煮飯仔，連 Alfred 都唔例外。佢最近就頻頻喺 Instagram 度分享廚藝，並且寫住「#鏗gry廚房」，將佢嘅手藝同大家分享分享。

Photo from 許廷鏗 Official Instagram

日前佢更加喺 Instagram Post 出同父母嘅合照，Caption 寫話今次係第二次為佢哋下廚，雖然唔係啲咩健康食物，亦都唔係食咗好多，但屋企人想食，加上輕輕評論一句「OK啊」都已經令佢好滿足！就算屋企人唔想佢哋個樣曝光，但依件事對 Alfred 嚟講真係太值得紀念，忍唔住要出番個 Post晒吓啲合照。

不過，一眾網民嘅焦點既唔係許廷鏗嘅父母，亦都唔係佢高超嘅廚藝，而係影相背景嘅花園！大家可以見到個花園係幾大吓，而且有認真裝飾，睇嚟一家人周不時都會去花園度聚餐傾計，享受生活，而今次都唔係 Alfred 第一次曝光佢嘅豪華花園，有個咁正嘅地方，佢都不時會去影靚相，又或者邀請朋友一齊去開 Party。

Photo from 許廷鏗 Official Instagram