綠葉演員王偉樑3年前近照曝光!近況惹熱議!被網民指入戲太深導致精神狀態欠佳?!

綠葉演員王偉樑3年前近照曝光!近況惹熱議!被網民指入戲太深導致精神狀態欠佳?!

娛樂新聞
By Stephanie on 10 May 2022
Digital Content Writer

前大台綠葉演員王偉樑淡出娛樂圈多年,最近重播嘅經典劇集《封神榜》中亦能夠見到佢嘅身影~早前,有網民曾經為佢開設Facebook專頁指知道佢現時已經出家成為做和尚;亦有網民話目擊佢於街上自言自語,疑似入戲太深等,眾說紛紜,唔少人都對佢嘅近況感到好奇!

綠葉演員王偉樑淡出娛樂圈接近12年,唔少網民都對佢近況感好奇!Photo from 《陀槍師姐II》

「御用癲人」王偉樑

王偉樑於1990年初期活躍於電視圈,曾參與多部電視劇,但都係飾演配角角色居多。佢喺古裝戲中多數扮演醫生、擁有聰明頭腦嘅智者等;但喺現代劇中就飾演精神病患者、上癮者等,因此被網民稱為「御用癲人」,演技實力備受認可!

王偉樑活躍於90年代嘅電視劇圈,飾演配角居多!Photo from 《倚天屠龍記》

而佢喺現代劇中經常扮演精神病患者等,所以亦被稱為「御用癲人」!Photo from 《同事三分親》

2010年後就淡出娛樂圈!

最近,經典劇集《封神榜》正在重播,當中王偉樑有份扮演「鄧九公」一角,令網民開始好奇佢嘅近況!其實佢喺2010年拍攝完《施公奇案II》後就消失於幕前,突然淡出娛樂圈。

最近電視台正在重播《封神榜》,唔少網民都關注綠葉演員王偉樑嘅近況!Photo from 《封神榜》

然而,王偉樑喺2010年出演完《施公奇案II》後就消失於幕前!Photo from 《蘭花劫》

網民對王偉樑近況眾說紛紜,幾年前近照曝光!

近年有網民為王偉樑開設FB專頁,其中網民都對於佢嘅近況有各式各樣嘅講法。有網民就指曾見過佢剃光頭,並且身穿袈裟,懷疑佢已經出家做和尚;但亦有網民指曾經喺某間髮型屋見過佢,指佢負責幫人洗頭,完全脫離演藝圈!專頁上亦有人曝光佢大約3年前嘅近照,只見戴住cap帽嘅佢滿臉鬍鬚,但係精神唔錯~

有網民表示3年前見過王偉樑,指對方精神狀態好!Photo from 王偉樑 FB Page

大部分網民指見到佢精神狀態欠佳?!

但討論區中唔少網民都指於街上偶遇過王偉樑,但對方精神狀態似乎唔係咁好「呆下呆下唔知做咩咁」、「2004年果陣見到佢已經成日自言自語」等,認為佢好大機會係入戲太深,未能抽離角色!不過呢個說法尚未獲得任何證實,有媒體曾嘗試聯絡王偉樑,但因為聯絡號碼已經更換而未能確認。

唔少網民都表示曾經喺街頭偶遇王偉樑,但佢精神狀態並唔好?!Photo from 香港高登討論區

網民就懷疑佢係入戲太深?!Photo from 《同事三分親》

曾獲星爺賞識,參與近100部電視劇拍攝!

王偉樑1989年入行,首部拍攝嘅電視劇係《他來自江湖》仲有機會同周星馳(星爺)合作。後來佢獲得星爺賞識,1993年獲邀拍攝電影《唐伯虎點秋香》飾演好色之人「北濕」,角色深入民心;之後就參與多達100部電視劇拍攝,飾演角色十分百變,係一位有實力嘅演員!

1993年王偉樑曾經出演電影《唐伯虎點秋香》,角色至今依然令觀眾感到深刻!Photo from 王偉樑 FB Page

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

55歲劉玉翠移居廣州後「唔捨得走」,近況被讚保養得宜!入行32年不受重用!為健康而改名?

25 Apr , 2022

女藝人劉玉翠現時已經將事業重心轉移返內地,早前佢為咗健康宣佈改名為劉喬方,希望藉此轉運。宜家長居廣州嘅佢成日都同大家分享佢嘅日常生活,而佢亦非常滿足於現狀,大讚廣州嘅好處「完全唔捨得走」!

劉玉翠現時已經移居廣州居住,仲令佢嘅情緒病穩定下來?!Photo from 劉玉翠微博

劉玉翠一入行就獲獎!

廣告
廣告

劉玉翠於1990年出道,一入行就出演電影《廟街皇后》「阿Yan」一角,仲因此而獲得《第10屆香港電影金像獎》「最佳新人獎」以及「最佳女配角」殊榮,同時獲提名《第37屆金馬獎》「最佳女配角」,一下子就聲命大噪!

劉玉翠曾同時榮獲香港金像獎「最佳新人」以及「最佳女配角」嘅獎項!Photo from 有線電視

劉玉翠獲獎後就簽約成為大台藝人!Photo from 劉玉翠微博

卻不受電視台重用?!

其後劉玉翠簽約成為大台旗下嘅藝人,有份參與唔少電視劇拍攝,包括:《天龍八部》、《包青天》、《鹿鼎記》等。然而,佢並冇因為演技獲得肯定而備受重用,反而經常被安排出演配角角色,變成大家都熟悉嘅綠葉演員!

劉玉翠於電視劇《天龍八部》飾演阿紫,為人熟悉!Photo from 《非常靜距離》

可惜佢卻不受力捧,經常獲分配成為配角Photo from 《鹿鼎記》

曾插足樂壇,但最終放棄成為歌手

另一邊廂,劉玉翠亦嘗試向歌手之路發展,於1992年與新藝寶唱片簽約,先後推出過3張個人專輯。佢本身沙啞嘅聲線亦成為佢嘅個人特色,1993年佢香港電台頒發「最有前途新人獎(女)」銅獎,前途似乎無可限量,但佢次年就宣佈同唱片公司滿約,並決定專心演戲。

劉玉翠曾短暫地以歌手身份出道!Photo from 《流行經典50年》

拍攝《皆大歡喜》時患上抑鬱症!

劉玉翠曾於內地節目中自爆2003年患上抑鬱症,當時成年都只係拍攝一部電視劇《皆大歡喜》,但過程就並唔愉快「我演的角色讓我覺得是可有可無的,但其實公司是很看重我的」,仲坦承薪水算高;但就覺得角色冇挑戰性,而令佢開始懷疑自己嘅價值,陷入低潮之中!

劉玉翠當年拍攝《皆大歡喜》時患上抑鬱症!Photo from 劉玉翠微博

身體頻頻出現問題

直到2011年,劉玉翠約離巢並轉投HKTV,可惜HKTV最終不獲發牌,於2013年離開;而佢亦堅拒重返TVB!情緒壓力大嘅佢仲患上咗濕疹「皮膚問題蔓延到氣管,愈嚟愈嚴重。」即使多次向中醫或者西醫尋求幫助都未能解決問題,仲搞到內分泌失調,身體狀況不如以前,而佢為咗改運將名字改為劉喬方。

劉玉翠曾於內地清談節目分享患上抑鬱症嘅經歷!Photo from 《我是演說家》第2季

劉玉翠於2020年宣佈改名叫劉喬方!Photo from 有線電視

近年移居廣州長住

幸好,劉玉翠暫時停止演藝工作,並經過多番嘅醫學治療及身心靈課程後獲得改善。近年佢仲搬往廣州居住,仲出演內地節目分享自己嘅心路歷程,現時佢生活寫意,經常同朋友聚會,並上載至社交平台同網民分享。唔少網民都大讚佢保養得非常好,狀態大勇!睇嚟保持心境開朗真係好重要~

劉玉翠當時憑著藥物以及心理療法,成功戰勝病情!Photo from 有線電視

最近佢就上載同惠英紅見面嘅合照~Photo from 劉玉翠微博

大讚廣州2大優點!

日前,劉玉翠接受內地媒體訪問,大談移居內地後嘅各種好處「我親戚都喺廣州,廣州係我屋企嘅根嚟嘅!」,仲大讚廣州科技發展繁榮,只係天氣方面變化較大,直呼「我唔捨得走喇」!

大讚廣州科技發展高端!Photo from 微博

劉玉翠暢談居住廣州嘅好處!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel