【何艷娟母親】合照晒餅印媽媽！與前夫、男友約會曾帶媽媽三人行
日前母親節唔少藝人都晒出媽媽嘅照片，何艷娟亦喺IG公開母女合照，何媽媽同佢十分似樣，而且保養得宜。何艷娟一向孝順，之前有報道指佢收到3億贍養費，又與富商新歡交往，其實何艷娟同男友約會都會帶埋媽媽，有福一齊享！
Photo from 何艷娟 IG
何艷娟母親節晒母女合照，媽媽獲讚後生
現年30歲嘅何艷娟有指係單親家庭長大，入行前住喺青衣。日前佢就喺IG公開唔少母女合照慶祝母親節：「母親節快樂！對我來說，其實每天都是母親節」
Photo from 何艷娟 IG
Photo from 何艷娟 IG
見佢媽媽同佢外型十分相似，何媽媽keep得勁好，睇落似何艷娟家姐多過似佢媽媽！唔少網友都留言大讚何媽媽好有氣質：「似兩姊妹多啲喎」、「媽媽好後生！」
Photo from 何艷娟 IG
偏愛成熟男士，傳離婚獲3億贍養費
可能因為何艷娟與媽媽相依為命，所以偏愛成熟男士。佢感情生活十分精采，2018年何艷娟被爆與相差40年嘅66歲澳博營運總裁吳志誠入紙結婚，被外界形容為「爺孫戀」。不過呢段婚姻僅維持幾個月，兩人便宣佈離婚。
Photo from 何艷娟 IG
有報道指何艷娟離婚分到$3億贍養費，喺公佈離婚前一日佢被影到同陳樹渠55歲長子陳燿璋熱情親吻，之後又傳佢與身家達百億富商交往，新歡家底仲比前夫更豐厚！
Photo from 何艷娟 IG
何艷娟出門行頭勁，首飾、手袋全是名牌
不過佢一直低調處理感情事，未有公開承認戀情。雖然離咗婚，但何艷娟生活依然富貴，隨時戴住價值一個首期嘅首飾出門歎下午茶，其中一張相手上戴咗3款Cartier飾物，包括JUSTE UN CLOU玫瑰金鑲鑽戒指、同系列手鐲、love系列鑲鑽手鐲，總值約67萬！
Photo from 何艷娟 IG
何艷娟更擁有大量名牌手袋，佢IG公開嘅相片可見，幾乎無重覆過，除咗Chanel、Dior等品牌，淨係Hermès佢已有好多款唔同顏色嘅Kelly、Kelly Mini、Birkin、Constance等，保守估計佢嘅手袋總值過百萬。
Photo from 何艷娟 IG
Photo from 何艷娟 IG
出門孭Hermès、另外戴嘅頸鏈係BVLGARI嘅SERPENTI，售價達13萬7千5，非常富貴。
Photo from 何艷娟 IG
何艷娟與富貴男友約會帶媽媽出席
何艷娟過優質生活不忘帶媽媽歎世界，佢之前同前夫出門時何媽媽亦有同行，離婚後傳出同陳樹渠55歲長子陳燿璋嘅緋聞，有人影到佢哋帶埋何媽媽食海鮮，相處十分融洽。
Photo from 何艷娟 IG
有傳媒影到何艷娟同媽媽去旅行，有指佢離婚後同媽媽去咗至少9個國家旅遊，佢哋母女又同住喺有傳係聘禮之一，價值$4,000萬港元嘅豪宅，何艷娟同媽媽感情要好，有福當然一齊享！
Photo from 何艷娟 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
徐淑敏沈卓盈先後嫁入豪門！近年鼻子越嚟越似！好姊妹相識15年對比照公開
10 Nov 2021
徐淑敏（徐菁遙）同沈卓盈係圈中出晒名嘅好姊妹，兩人合作《最緊要正字》相識至今已有15年，為人妻人母後感情仲係咁好，不時喺網上公開合照，兩位靚媽近年鼻子越嚟越相似，同好姊妹相處得耐，果然都會越嚟越似樣？！
Photo from 有線電視
徐淑敏、沈卓盈15年前合作《最緊要正字》後結成好友
現年37歲嘅徐淑敏（Suki）同39歲嘅沈卓盈（Jessie）於2006年合作主持節目《最緊要正字》而結識，隨即成為好友。喺另一電視台嘅節目中佢哋有提起一開始Suki因為啱啱選完香港小姐，個人好靜，感覺比較cool。
Photo from 有線電視
當時沈卓盈就主動同Suki傾偈，之後兩人就成為無所不談嘅朋友，呢段友誼就算Suki結婚做媽媽、淡出娛樂圈都無影響，依家喺兩人嘅IG仍不時會見到彼此嘅身影。
Photo from 有線電視
徐淑敏、沈卓盈好姊妹先後嫁入豪門
感情親如姊妹嘅兩人先後嫁入豪門，Suki於2009年下嫁飲食業界才俊黃浩；沈卓盈2019年就同家族經營內衣生意嘅富貴男友杜灝標結婚。
Photo from 沈卓盈 IG
兩人婚後不久都升呢做媽媽，依家淡出娛樂圈，同老公、兒子/女兒同住豪宅，過少奶奶生活。徐淑敏同沈卓盈都係圈中嘅靚女，近年兩人越嚟越有「姊妹相」，喺合照中更加明顯。
Photo from 沈卓盈 IG
近年Suki、Jess越嚟越有「姊妹相」
Suki同沈卓盈嘅鼻子十分相似，鼻樑挺而直，鼻頭包滿。可能真係美人自有相似之處，或者佢哋經常見面，與好姊妹相處越耐，面容亦越嚟越似！
Photo from 沈卓盈 IG
Photo from 沈卓盈 IG
沈卓盈曾經喺訪問中提到同Suki合作《最緊要正字》時忍唔住挑剔佢嘅衣著，兩人又成日一齊行街買衫，Suki亦表示佢哋最常講嘅話題就係關於打扮，兩人一樣咁貪靚，仲會互相督促大家嘅妝容，睇嚟咁多年Suki同Jessie都一直有交流化妝嘅事！
Photo from 有線電視
Photo from 有線電視
徐淑敏入行15年對比照
徐淑敏參選《2006年度香港小姐競選》後入行，佢係當年大熱人馬，雖然最終落選但仍獲TVB力捧，出演過唔同嘅劇集。入行初期Suki仲有啲Baby fat，演咗唔少楚楚可憐嘅角色。
Photo from TVB
Photo from TVB
Photo from TVB
近年佢甚少喺幕前出現，平時歎下tea、下廚煮嘢食等，生活十分寫意，衣著打扮亦越嚟越有貴氣。
Photo from 徐淑敏 IG
Photo from 徐淑敏 IG
沈卓盈入行19年對比照
沈卓盈早過好姊妹入行，佢第一套電視劇係《青出於藍》，飾演學生妹嘅佢樣子青澀，無咩違和感，酒窩非常甜美。
Photo from TVB
Photo from TVB
已為人母嘅Jessie同17年前變化不大，依然好靚女，絕對係凍齡女神！成為闊太後佢一身名牌行頭就好似貴婦出巡咁！
Photo from 沈卓盈 IG
Photo from 沈卓盈 IG
沈卓盈同徐淑敏相識至今已有15年，同2006年嘅《最緊要正字》時相比，兩位美貌依舊～
Photo from TVB
Photo from 沈卓盈 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
