【何艷娟母親】合照晒餅印媽媽!與前夫、男友約會曾帶媽媽三人行

【何艷娟母親】合照晒餅印媽媽!與前夫、男友約會曾帶媽媽三人行

娛樂新聞
By Jennifer on 10 May 2022
Digital Editor

日前母親節唔少藝人都晒出媽媽嘅照片,何艷娟亦喺IG公開母女合照,何媽媽同佢十分似樣,而且保養得宜。何艷娟一向孝順,之前有報道指佢收到3億贍養費,又與富商新歡交往,其實何艷娟同男友約會都會帶埋媽媽,有福一齊享!

日前母親節唔少藝人都晒出媽媽嘅照片,何艷娟亦喺IG公開母女合照,何媽媽同佢十分像樣,而且保養得宜。Photo from 何艷娟 IG

何艷娟母親節晒母女合照,媽媽獲讚後生

現年30歲嘅何艷娟有指係單親家庭長大,入行前住喺青衣。日前佢就喺IG公開唔少母女合照慶祝母親節:「母親節快樂!對我來說,其實每天都是母親節」

現年30歲嘅何艷娟有指係單親家庭長大,入行前住喺青衣。日前佢就喺IG公開唔少母女合照慶祝母親節Photo from 何艷娟 IG

何艷娟:「母親節快樂!對我來說,其實每天都是母親節」Photo from 何艷娟 IG

見佢媽媽同佢外型十分相似,何媽媽keep得勁好,睇落似何艷娟家姐多過似佢媽媽!唔少網友都留言大讚何媽媽好有氣質:「似兩姊妹多啲喎」、「媽媽好後生!」

何艷娟媽媽同佢外型十分相似Photo from 何艷娟 IG

偏愛成熟男士,傳離婚獲3億贍養費

可能因為何艷娟與媽媽相依為命,所以偏愛成熟男士。佢感情生活十分精采,2018年何艷娟被爆與相差40年嘅66歲澳博營運總裁吳志誠入紙結婚,被外界形容為「爺孫戀」。不過呢段婚姻僅維持幾個月,兩人便宣佈離婚。

018年何艷娟被爆與相差40年嘅66歲澳博營運總裁吳志誠入紙結婚,不過呢段婚姻僅維持幾個月,兩人便宣佈離婚。Photo from 何艷娟 IG

有報道指何艷娟離婚分到$3億贍養費,喺公佈離婚前一日佢被影到同陳樹渠55歲長子陳燿璋熱情親吻,之後又傳佢與身家達百億富商交往,新歡家底仲比前夫更豐厚!

有報道指何艷娟離婚分到$3億贍養費,喺公佈離婚前一日佢被影到同陳樹渠55歲長子陳燿璋熱情親吻Photo from 何艷娟 IG

何艷娟出門行頭勁,首飾、手袋全是名牌

不過佢一直低調處理感情事,未有公開承認戀情。雖然離咗婚,但何艷娟生活依然富貴,隨時戴住價值一個首期嘅首飾出門歎下午茶,其中一張相手上戴咗3款Cartier飾物,包括JUSTE UN CLOU玫瑰金鑲鑽戒指、同系列手鐲、love系列鑲鑽手鐲,總值約67萬!

何艷娟生活依然富貴,隨時戴住價值一個首期嘅首飾出門歎下午茶Photo from 何艷娟 IG

何艷娟更擁有大量名牌手袋,佢IG公開嘅相片可見,幾乎無重覆過,除咗Chanel、Dior等品牌,淨係Hermès佢已有好多款唔同顏色嘅Kelly、Kelly Mini、Birkin、Constance等,保守估計佢嘅手袋總值過百萬。

何艷娟更擁有大量名牌手袋,佢IG公開嘅相片可見,幾乎無重覆過Photo from 何艷娟 IG

淨係Hermès佢已有好多款唔同顏色嘅Kelly、Kelly Mini、Birkin、Constance等Photo from 何艷娟 IG

出門孭Hermès、另外戴嘅頸鏈係BVLGARI嘅SERPENTI,售價達13萬7千5,非常富貴。

何艷娟出門孭Hermès、另外戴嘅頸鏈係BVLGARI嘅SERPENTI,售價達13萬7千5Photo from 何艷娟 IG

何艷娟與富貴男友約會帶媽媽出席

何艷娟過優質生活不忘帶媽媽歎世界,佢之前同前夫出門時何媽媽亦有同行,離婚後傳出同陳樹渠55歲長子陳燿璋嘅緋聞,有人影到佢哋帶埋何媽媽食海鮮,相處十分融洽。

何艷娟過優質生活不忘帶媽媽歎世界,佢之前同前夫出門時何媽媽亦有同行Photo from 何艷娟 IG

有傳媒影到何艷娟同媽媽去旅行,有指佢離婚後同媽媽去咗至少9個國家旅遊,佢哋母女又同住喺有傳係聘禮之一,價值$4,000萬港元嘅豪宅,何艷娟同媽媽感情要好,有福當然一齊享!

有傳媒影到何艷娟同媽媽去旅行,有指佢離婚後同媽媽去咗至少9個國家旅遊Photo from 何艷娟 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

徐淑敏沈卓盈先後嫁入豪門!近年鼻子越嚟越似!好姊妹相識15年對比照公開

10 Nov 2021

徐淑敏(徐菁遙)同沈卓盈係圈中出晒名嘅好姊妹,兩人合作《最緊要正字》相識至今已有15年,為人妻人母後感情仲係咁好,不時喺網上公開合照,兩位靚媽近年鼻子越嚟越相似,同好姊妹相處得耐,果然都會越嚟越似樣?!

徐淑敏(徐菁遙)同沈卓盈係圈中出晒名嘅好姊妹,Photo from 有線電視

徐淑敏、沈卓盈15年前合作《最緊要正字》後結成好友

現年37歲嘅徐淑敏(Suki)同39歲嘅沈卓盈(Jessie)於2006年合作主持節目《最緊要正字》而結識,隨即成為好友。喺另一電視台嘅節目中佢哋有提起一開始Suki因為啱啱選完香港小姐,個人好靜,感覺比較cool。

現年37歲嘅徐淑敏(Suki)同39歲嘅沈卓盈(Jessie)於2006年合作主持節目《最緊要正字》而結識,隨即成為好友Photo from 有線電視

廣告
廣告

當時沈卓盈就主動同Suki傾偈,之後兩人就成為無所不談嘅朋友,呢段友誼就算Suki結婚做媽媽、淡出娛樂圈都無影響,依家喺兩人嘅IG仍不時會見到彼此嘅身影。

沈卓盈提到當初係佢主動同Suki傾偈,之後兩人就成為無所不談嘅朋友Photo from 有線電視

徐淑敏、沈卓盈好姊妹先後嫁入豪門

感情親如姊妹嘅兩人先後嫁入豪門,Suki於2009年下嫁飲食業界才俊黃浩;沈卓盈2019年就同家族經營內衣生意嘅富貴男友杜灝標結婚。

Suki 2009年下嫁飲食業界才俊黃浩

沈卓盈2019年同家族經營內衣生意嘅富貴男友杜灝標結婚Photo from 沈卓盈 IG

兩人婚後不久都升呢做媽媽,依家淡出娛樂圈,同老公、兒子/女兒同住豪宅,過少奶奶生活。徐淑敏同沈卓盈都係圈中嘅靚女,近年兩人越嚟越有「姊妹相」,喺合照中更加明顯。

徐淑敏同沈卓盈都係圈中嘅靚女,近年兩人越嚟越有「姊妹相」,喺合照中更加明顯。Photo from 沈卓盈 IG

近年Suki、Jess越嚟越有「姊妹相」

Suki同沈卓盈嘅鼻子十分相似,鼻樑挺而直,鼻頭包滿。可能真係美人自有相似之處,或者佢哋經常見面,與好姊妹相處越耐,面容亦越嚟越似!

Suki同沈卓盈嘅鼻子十分相似,鼻樑挺而直,鼻頭包滿Photo from 沈卓盈 IG

沈卓盈、徐淑敏與好姊妹相處越耐,面容亦越嚟越似!Photo from 沈卓盈 IG

沈卓盈曾經喺訪問中提到同Suki合作《最緊要正字》時忍唔住挑剔佢嘅衣著,兩人又成日一齊行街買衫,Suki亦表示佢哋最常講嘅話題就係關於打扮,兩人一樣咁貪靚,仲會互相督促大家嘅妝容,睇嚟咁多年Suki同Jessie都一直有交流化妝嘅事!

Suki表示佢哋最常講嘅話題就係關於打扮Photo from 有線電視

兩人一樣咁貪靚,仲會互相督促大家嘅妝容Photo from 有線電視

徐淑敏入行15年對比照

徐淑敏參選《2006年度香港小姐競選》後入行,佢係當年大熱人馬,雖然最終落選但仍獲TVB力捧,出演過唔同嘅劇集。入行初期Suki仲有啲Baby fat,演咗唔少楚楚可憐嘅角色。

徐淑敏參選《2006年度香港小姐競選》後入行Photo from TVB

Suki係當年大熱人馬,雖然最終落選但仍獲TVB力捧Photo from TVB

入行初期Suki仲有啲Baby fat,演咗唔少楚楚可憐嘅角色。Photo from TVB

近年佢甚少喺幕前出現,平時歎下tea、下廚煮嘢食等,生活十分寫意,衣著打扮亦越嚟越有貴氣。

徐淑敏平時歎下tea、下廚煮嘢食等,生活十分寫意Photo from 徐淑敏 IG

徐淑敏近年衣著打扮越嚟越有貴氣。Photo from 徐淑敏 IG

沈卓盈入行19年對比照

沈卓盈早過好姊妹入行,佢第一套電視劇係《青出於藍》,飾演學生妹嘅佢樣子青澀,無咩違和感,酒窩非常甜美。

沈卓盈早過好姊妹入行,佢第一套電視劇係《青出於藍》Photo from TVB

沈卓盈飾演學生妹嘅佢樣子青澀,無咩違和感,酒窩非常甜美。Photo from TVB

已為人母嘅Jessie同17年前變化不大,依然好靚女,絕對係凍齡女神!成為闊太後佢一身名牌行頭就好似貴婦出巡咁!

已為人母嘅Jessie同17年前變化不大,依然好靚女,絕對係凍齡女神!Photo from 沈卓盈 IG

成為闊太後沈卓盈一身名牌行頭就好似貴婦出巡咁!Photo from 沈卓盈 IG

沈卓盈同徐淑敏相識至今已有15年,同2006年嘅《最緊要正字》時相比,兩位美貌依舊~

沈卓盈同徐淑敏喺2006年嘅《最緊要正字》同王貽興合作Photo from TVB

沈卓盈同徐淑敏嘅友誼15年未變~Photo from 沈卓盈 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel