鍾培生日本掃貨UNIQLO豪花20萬！唔試即買：港女買一件都唔止呢個價

娛樂新聞

By Jennifer on 11 May 2022

Digital Editor

「百億富三代」鍾培生近日飛咗去日本東京，除咗住Four Season Otemachi總統套房過超豪隔離生活外，更去到日本最大UNIQLO掃貨，佢唔試身狂買牛仔褲、T裇、襪等，最終花咗20萬日圓，張單差唔多有佢個人咁高！

Photo from 鍾培生IG

鍾培生飛日本東京UNIQLO掃貨

鍾培生日前就去咗日本，佢更將東京之旅拍成vlog放上佢嘅個人YouTube Channel與網民分享。最新一集中佢就親到位於銀座嘅日本最大UNIQLO掃貨。

Photo from 鍾培生YouTube

鍾培生入住東京东京大手町四季酒店（Four Seasons Hotel Tokyo at Otemachi）嘅總統套房，佢提到酒店嘅洗衣費好貴，一件衫要350日圓（約$21港元），所以佢決定買過啲新衫，認為仲平過喺酒店洗。

Photo from 鍾培生YouTube

鍾培生無試身入手各種淨色衣物

咁啱當日日本UNIQLO發售與《Final Fantasy》聯乘嘅35周年紀念T裇，佢一口氣買入兩個大禮箱，入面包晒所有聯乘系列嘅16款T裇，仲有額外紀念禮品。鍾培生稱一盒畀自己，一盒留畀《培生培心》會員。

Photo from 鍾培生YouTube

除咗《Final Fantasy》T裇，鍾培生又狂掃各種淨色T裇、牛仔褲、西裝褲、底褲、襪等，全部都無試身直接放入購物袋，而且佢同款衣物更買齊唔同色，並無多作考慮就入手，十分豪氣！

Photo from 鍾培生YouTube

豪花20萬，單據與鍾培生身高差唔多

佢共購入115件貨物，埋單約20萬日圓（約$1.2萬港元），而鍾培生就表示雖然價錢唔平但如果同港女入名牌店買衫，分分鐘一件都貴過佢呢115樣衣物。

Photo from 鍾培生YouTube

鍾培生掃貨後都十分滿意，只見佢有兩個正方型盒以及四大袋戰利品，又笑言超長單據同佢本人身高差唔多（林作曾指鍾培生身高為167cm），鍾培生大讚UNIQLO員工好細心，見佢115樣貨品其中一件衫上有少少污跡都即刻幫佢換過一件。

Photo from 鍾培生YouTube

鍾培生住東京新開四季酒店總統套房

之前鍾培生有為佢所住嘅Four Seasons Hotel總統套房拍片，佢稱CEO係佢嘅好朋友，獲得友情價入住，又大讚客飯廳好大好闊落，客廳電視比佢屋企嗰部更大。

Photo from 鍾培生YouTube

佢又介紹廚房雪櫃有唔少飲品，不過就唔係免費提供，但鍾培生表示為支持東京決定消費一樽果汁。有網民睇完佢掃貨vlog後留言指：「試都唔試，有錢真是任性」、「億億聲都要買uniqlo」

Photo from 鍾培生YouTube

相關文章：鍾培生新年豪派逾10萬蚊利是！網民：好離地去香港第二有錢地區派

相關文章：鍾培生承認有「資助」袁嘉敏，女方再爆料稱鍾培生堅持畀錢佢使

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

鍾培生分享Rolex入門款「最易炒」，炫耀6萬勞力士比女友20萬名錶保值

8 Apr 2022

勞力士（Rolex）同名牌手袋一樣都係身份嘅象徵，「百億富三代」鍾培生近日喺YouTube談及OMEGA聯乘Swatch推出嘅Moonswatch，佢分享咗個人對炒錶嘅睇法，又指勞力士入門款比起其他貴錶更值得炒。

Photo from 鍾培生 YouTube

鍾培生YouTube拍片大談MOONSWATCH

近日OMEGA聯乘Swatch推出嘅系列手錶MOONSWATCH，以太陽系嘅星球分別命名，錶面設計融入星球元素，一開賣即吸引大批市民排隊。

Photo from Swatch

雖然呢款手錶定價為$2,100港元，但炒價就高達幾萬蚊，開賣當日都有唔少「排隊黨」買錶以作炒賣之用。鍾培生嘅YouTube Channel就出咗新片，大談佢對呢個系列手錶嘅睇法。

Photo from Swatch

Photo from 鍾培生 YouTube

分享個人經歷指自己6萬勞力士比女友20萬名錶保值

鍾培生指品牌官網聲明MOONSWATCH並非限量發售，佢稱：「千祈唔好買潮流款式錶！」因為「買咗唔值錢」。鍾培生透露佢多年前曾同女朋友一齊去澳門過生日，當時兩人都戴咗手錶，鍾培生手上嘅係價值$6萬嘅勞力士，女友則戴咗值$20幾萬嘅Franck Muller，但去當鋪，鍾培生$6萬嘅勞力士可以當$5.5萬，女友$20萬嘅錶只係當到$2萬：「有啲錶係保值，有啲錶係唔保值嘅。」

Photo from 鍾培生 YouTube

Rolex入門款手錶炒得過

鍾培生又直言：「千祈唔好同我講咩Hermès保值」，佢指有機會會拍片同大家講下有關Hermès。鍾培生表示Rolex、Patek Philippe等嘅入門款手錶反而最難買到，價錢基本都會炒都兩至三倍。佢指價值百萬嘅名錶流通性唔大，入門款更容易變賣。

Photo from 鍾培生 YouTube

Photo from Rolex

Photo from Patek Philippe

Photo from 鍾培生 YouTube

相關文章：盤點入門級勞力士手錶　最平三萬幾就可以入手！

鍾培生讀錯咗「Hermès」？

鍾培生認為平時留意海關新聞可以多啲了解最近流行嘅手錶款式。最後佢總結出5大心得，又坦言自己唔會買Swatch系列嘅手錶。唔少網友都大讚鍾培生嘅分享好有用，不這有人就指鍾培生讀錯咗「Hermès」做「HER/MES」，事實上「H」係唔發音，好多人都會讀錯，但網民稱估唔到「富三代」鍾培生經常買名牌都一樣讀錯！