download HolidaySmart 假期日常 app
楊冪自爆唔怕另一半貪錢,霸氣表示:因為我有錢!傳身家高達59億!回復單身後緋聞對象都係弟弟類型?

楊冪自爆唔怕另一半貪錢,霸氣表示:因為我有錢!傳身家高達59億!回復單身後緋聞對象都係弟弟類型?

娛樂新聞
By Stephanie on 11 May 2022
Digital Content Writer

內地一線女星楊冪曾出演多部電視劇、電影等,近年仲開始發展唔同嘅事業,吸金力強~最近,佢獲邀上真人騷《毛雪旺》並大談自己嘅感情觀,指唔擔心將來嘅伴侶係「軟飯王」,霸氣咁話「我可太開心了,因為我有錢!」

楊冪現時依然係內地嘅一線人氣女星~Photo from 楊冪微博

楊冪變成內地一線女星

現年35歲嘅楊冪童星出身,4歲就開始拍劇,直到2003年再正式出道。過往佢曾經拍攝多部經典電視劇及電影,包括《三生三世十里桃花》、《小時代》系列、《古劍奇譚》等,人氣極高,係內地嘅一線女星!近年佢開始著手發展幕後事業,變成電視劇製片人以及娛樂經紀人公司老闆,吸金力超強~

楊冪2003年出道,拍攝過多部經典電視劇及電影,知名度高!Photo from 楊冪微博

罕有大談感情觀,不介意另一半「為錢」

早前,楊冪獲邀上真人騷《毛雪旺》,佢於節目中開腔大談對感情嘅睇法。主持人毛不易詢問佢「戀愛中的安全感來自哪?」,楊冪隨即回答「自身吧」,仲揚言「如果他是因為我有錢而跟我好的話,我可太開心了,因為我有錢。」言下之意即係唔介意將來嘅另一半賺到嘅錢比佢少!呢番霸氣嘅言論隨即獲網民感到羨慕不已~

楊冪最近出演節目《毛雪旺》Photo from 毛雪旺微博

認為戀愛中嘅安全感全源於自己!Photo from 毛雪旺微博

仲覺得即使對方係喜歡佢嘅錢,都唔會介意!Photo from 毛雪旺微博

傳身家已達59億!

外界盛傳楊冪身價高達50億人民幣(約港幣59億港幣),絕對有資格講出以上呢番話!現時嘅佢同時擁有多個代言、戲約,加上投資有道成為「嘉行傳媒」老闆之一,旗下藝人就有同樣係一線女星嘅迪麗熱巴~

據悉楊冪現時身家已經達到59億港幣!Photo from 楊冪微博

楊冪旗下公司仲有人氣女星迪麗熱巴~Photo from 迪麗熱巴微博

2013年與劉愷威結婚,2018年正式離婚!

同一時間,唔少網民十分心疼楊冪,祝福佢能夠盡快搵到情投意合嘅另一半~過往楊冪與劉愷威於2013年結婚,並誕下女兒「小糯米」;然而二人2015年就開始爆出婚變傳聞,直到2018年先正式對外宣佈離婚!

2013年,楊冪與劉愷威結婚,並誕下女兒「小糯米」Photo from 電影《Hold住愛》

不過2015年開始就屢傳婚變,直到2018年宣佈離婚!Photo from 電影《Hold住愛》

與內地男星魏大勛傳緋聞

回復單身嘅楊冪感情生活都備受大眾關注!過往曾多次與比佢細2年嘅男星魏大勛傳出緋聞,網上流傳多張疑似二人約會嘅照片;而本身二人一齊固定出演嘅綜藝節目《密室大逃脫》,男方喺緋聞傳出嘅時候退出節目,種種跡象反而令網民覺得佢哋似係默認戀情?!然而,上年8月傳媒就大爆二人已經分手。

之後,楊冪曾與魏大勳傳出緋聞Photo from 《密室大逃脱》

雖然二人並冇正面回應過戀情,但內地網民都堅信佢哋曾經一齊過?!Photo from 《密室大逃脱》

與公司旗下藝人19歲周柯宇熱戀?!

上年11月,楊冪與年僅19歲嘅富二代周柯宇傳出緋聞。眼利嘅網民發現二人會深夜相約打機,就連七夕、生日等重要日子都會一齊玩,亦會使用情侶「角色skin」!不過由於周柯宇係楊冪公司旗下藝人,所以部份網民二人關係親密都係正常嘅~

上年年尾,楊冪與細16年嘅周柯宇傳出熱戀!Photo from 周柯宇微博

網民發現二人經常半夜一齊打機雙排!Photo from 微博

已經超過1年無法與女兒見面!

而本身工作忙碌嘅楊冪似乎亦甚少來港探望女兒「小糯米」,據悉因為疫情關係已經接近2年冇見過囡囡;而前「老爺」劉丹上年就表示甚少聽孫女提及媽媽,但呢句話就激嬲唔少內地網民;而最近佢接受傳媒訪問時再度被問到會否安排「小糯米」與楊冪見面,但佢都一概回應「我真係唔知啊!」

據悉,楊冪已經接近一年多冇見過囡囡!Photo from 楊冪微博

劉丹多次被傳媒問到有關楊冪與小糯米嘅事情,而佢就一概以「唔知道」回應!Photo from 《愛回家》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

歐陽娜娜與楊冪撞衫超大對比!後生14年零修圖機場照曝光被指慘變路人

4 Aug , 2021

台灣出生嘅歐陽娜娜近年喺內地發展,上過好多綜藝節目人氣唔錯。近日佢現身機場但就被發現同一線花旦楊冪撞衫!歐陽娜娜更被指不及楊冪!

台灣出生嘅歐陽娜娜近年喺內地發展,上過好多綜藝節目Photo from 歐陽娜娜微博

歐陽娜娜喺內地發展以嚟無咩大熱作品,雖然仲讀緊書,但平日拍下vlog仍吸納唔少fans。佢最近更一改以往氣質公主形象,剪咗一頭清爽短髮。

歐陽娜娜喺內地發展以嚟無咩大熱作品,雖然仲讀緊書,但平日拍下vlog仍吸納唔少fansPhoto from 歐陽娜娜微博

歐陽娜娜最近一改以往氣質公主形象,剪咗一頭清爽短髮。Photo from 歐陽娜娜微博

近日短髮嘅歐陽娜娜現身機場,一身打扮自然亦成為焦點。佢以全黑造型亮相,頭戴黑色cap帽,黑口罩、黑色短上衣配針織外套、黑長褲。

短髮嘅歐陽娜娜以全黑造型現身機場Photo from 微博

有眼利網民就發現歐陽娜娜身穿嘅短款T-shirt同楊冪撞衫!巧合嘅係楊冪當時都係戴黑色cap帽、外穿黑色外套。

歐陽娜娜身穿嘅短款T-shirt同楊冪撞衫Photo from 微博

楊冪當時都係戴黑色cap帽、外穿黑色外套。Photo from 微博

楊冪雖然已即將35歲,但一直保養得宜,衣著打扮都非常young,更獲封為「少女冪」。而「00後」歐陽娜娜比楊冪後生14年,但今次撞衫就被指同少女冪有好大對比!

楊冪雖然已即將35歲,但一直保養得宜,衣著打扮都非常young,更獲封為「少女冪」Photo from 楊冪微博

楊冪微博Photo from 楊冪微博

楊冪著呢件短款T-shirt輕露小蠻腰,雖然著上外套但都顯得身型纖幼。而歐陽娜娜著就有擁腫嘅感覺,佢件冷衫更顯得手臂圓潤,同楊冪相比,身型無乜線條感。

楊冪著呢件短款T-shirt輕露小蠻腰,雖然著上外套但都顯得身型纖幼Photo from 微博

歐陽娜娜著就有擁腫嘅感覺,佢件冷衫更顯得手臀圓潤Photo from 微博

其實歐陽娜娜嘅衣著近嚟經常被指「無品味」,更有fans希望佢換走個造型師,但亦有人認為同造型無關,係身型出事,著咩衫都唔靚。

微博Photo from 微博

其實歐陽娜娜嘅衣著近嚟經常被指「無品味」,更有fans希望佢換走個造型師Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel