金剛小嫻分手原因曝光,女方3月時已抱怨「受不了」!直播舉動洩露二人性格差異大?金剛歷任女友都擁有魔鬼身材

金剛小嫻分手原因曝光,女方3月時已抱怨「受不了」!直播舉動洩露二人性格差異大?金剛歷任女友都擁有魔鬼身材

娛樂新聞
By Stephanie on 12 May 2022
Digital Content Writer

台灣藝人金剛(李信樵)昨日(11日)宣佈與女藝人小嫻分手,二人一齊亮相於直播中,期間佢哋仲難過落淚。據悉,佢哋已經分手一個月,而女方於3月嘅時候就曾經表示受不了金剛嘅瞓覺習慣,加上個性差異十分大,導致感情決裂!

金剛小嫻昨日(11日)於直播中坦承已經分手一個月!
Photo from 小嫻IG

金剛於2009年來港發展,直到2017年返回台灣

現年41歲嘅台灣籍藝人金剛(李信樵)於2009年曾經來港發展,因有份主持綜藝節目《超級遊戲獎門人》而為人熟悉,憑獨特搞笑嘅廣東話口音獲得唔少觀眾嘅支持!過往佢曾經同港姐張嘉兒、蔡慧欣、搭檔阮小儀傳出緋聞,而喺香港發展期間唯一承認過嘅女友就係Sing之天使「桔」陳蕊蕊;直到2017年,佢與大台嘅合約期滿後就決定回台灣發展。

金剛於2009年來港發展,曾有份主持節目《超級無敵獎門人》,搞笑主持風格獲網民喜愛~
Photo from 《超級無敵獎門人》

金剛來港發展期間唯一認愛陳蕊蕊!
Photo from 金剛IG

2019年曾於台灣火辣女星梁云菲交往

其後,金剛於2019年4月被爆與身材火辣嘅梁云菲熱戀,二人愛得甜蜜,仲表示希望2年內結婚。可惜二人2020年4月突然對外宣佈分手,戀情僅維持1年!

金剛於22019年4月與「國光女神」梁云菲交往,但戀情只係維持咗1年!
Photo from 金剛IG

2020年8月開始與小嫻熱戀!

2020年8月,金剛隨即公開與比佢大1年嘅小嫻交往,據悉女方於墾丁打工換宿,而咁啱金剛亦於當地渡假,二人因此擦出愛火!上年佢哋就一齊定居於屏東,並開始經營雞翼生意,於墾丁街頭擺攤賣雞翼,以及網上送貨服務等;但就一度被網民質疑售價太高「一隻雞翼要40元台幣(約港幣$10)」,隨後金剛仲因為發現腫瘤而緊急動手術,但二人都互相扶持,共渡難關~

金剛與小嫻於2020年8月公開戀愛!
Photo from 金剛IG

期間金剛仲開始搞自製雞翼嘅生意~
Photo from 金剛IG

金剛進醫院動「肛門廔管」手術
Photo from 金剛IG

金剛小嫻宣佈分手,結束將近2年感情!

直到昨日(11日),金剛同小嫻一齊開直播正式宣佈分手消息,仲話其實分手已經一個多月時間,已經分開居住「一個住台北、一個繼續留在屏東」,令唔少網民感到可惜。據悉,昨日亦係二人分手後首度見面,二人都忍唔住哽咽,而金剛仲激動落淚!

金剛小嫻昨日開FB直播宣佈分手,期間金剛難過落淚!
Photo from 小嫻FB

據悉二人已經分開居住,一個回台北、一個留於屏東。
Photo from 小嫻FB

坦承分手原因!

二人強調係和平分手,未來亦將會以朋友身份互相支持大家。期間,小嫻有透露分手真正原因「個性差異大,嘗試磨合但沒效」,亦因此導致佢哋嘅衝突非常多!而直播嘅時候就似乎無意中暴露咗佢哋「性格不合」嘅證據:影片最後金剛想與小嫻擁抱,但就遭女方直接拒絕「不用!擁抱好像在做秀,不喜歡這種感覺。」

佢哋強調係和平分手,會以朋友身份繼續支持對方!
Photo from 金剛IG

直播尾聲,金剛想給予對方一個擁抱,但被小嫻直接拒絕!
Photo from 小嫻FB

3月時女方曾表示受不了金剛睡眠習慣?!

有網民仲發現小嫻早於今年3月就抱怨男方嘅瞓覺習慣,「再也受不了,翻來翻去睡不著,每次都比阿北(金剛)慢睡著,必須聽他的打呼聲,天知道他打呼若打雷」;而小嫻生日嘅時候,金剛亦提及「謝謝妳對我的記憶力不好的包容,也謝謝妳在我生日的時候說要改自己的脾氣」,睇嚟佢哋一直都努力嘗試為彼此做出改變,可惜最終都未能開花結果!祝福二人未來能夠搵到情投意合嘅另一半啦~

小嫻3月嘅時候曾抱怨金剛打鼻鼾嘅聲音好大!
Photo from 小嫻IG

睇得出二人都為咗彼此做出努力,但可惜最終都未能夠開花結果!
Photo from 金剛IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鄧麗欣王子分手原因曝光?男方被爆疑似一腳踏兩船,戀上女演員郭雪芙?!4大曖昧證據洩蜜

11 May , 2022

鄧麗欣(Stephy)與台灣男星王子(邱勝翊)上年宣佈分手,不過男方喺12月嘅時候就被爆與同劇女演員郭雪芙熱戀中,當時二人澄清只係好友關係。然而,有媒體再次大爆二人曖昧嘅時候男方尚未與鄧麗欣分手,疑似一腳踏兩船?!

近日,有媒體大爆王子與郭雪芙曖昧期間,尚未與Stephy 分手?!
Photo from 王子IG

鄧麗欣與王子上年6月分手

鄧麗欣(Stephy)同台灣藝人王子(邱勝翊)過往曾譜出姐弟戀,而且仲經常於IG大晒恩愛,但卻突然於上年6月宣佈分手,令唔少粉絲都感到可惜。直到上年12月,台灣媒體就大爆王子疑似有新戀情,而女方就係現年33歲嘅郭雪芙!

鄧麗欣與王子於上年6月分手!
Photo from 鄧麗欣IG

上年12月,王子就傳出與台灣女星郭雪芙熱戀中!
Photo from 王子IG

王子12月被爆出新戀情,但否認傳聞!

據悉,二人已經認識接近10年,但因為合作拍攝電影《山中森林》關係逐漸升溫,疑似戲假情真?!而台灣媒體仲多次拍攝到王子進出女方屋企嘅停車場,二人關係匪淺。不過,當時佢哋都分別透過經理人回應有關傳聞,強調佢哋只係朋友關係;而Stephy過往受訪時就大方回應「不評論太多,真又好假又好都祝福佢(王子)。」

王子與郭雪芙認識超過10年,但因為合作電影《山中森林》而變得熟悉~
Photo from 王子IG

被爆與郭雪芙曖昧,與Stephy拍拖時間重疊?!

日前,有媒體收到讀者爆料指王子與郭雪芙一齊嘅時候,同Stephy仲拍緊拖!傳聞指王子與郭雪芙拍戲時一拍即合,發展成曖昧關係。根據王子IG post顯示,當時係2021年4月,但當時王子同Stephy正在Long D(遠距離戀愛)未能經常見面。喺台灣嘅佢哋已經成日一齊食飯、上堂等,IG上載嘅「打卡照」經常都會巧合地喺同一個地方;而雙方家人亦有見面食飯,關係似乎同普通朋友有啲唔同!

二人為拍攝進行準備嘅時間係2021年4月,傳佢哋當時就已經成日一齊出街?!
Photo from 王子IG

但網民就指當時王子同Stephy依然拍緊拖!
Photo from 鄧麗欣IG

二人關係匪淺,連雙方家人都見過?

雖然王子曾表示同郭雪芙已經認識超過10年,難免會有唔少圈內嘅共同好友,但近來王子仲會帶女方去認識佢圈外嘅朋友,令佢融入自己嘅生活圈中。而郭雪芙嘅妹妹IG帳號唯一有Follow嘅圈內人就係王子,不禁令網民有所懷疑。

據悉二人身邊嘅好友都知道佢哋關係好好~
Photo from 郭雪芙IG

王子經紀人強調僅好朋友關係!

雖然王子同鄧麗欣已經分手,但每次Stephy出post佢都一定會秒like,分手係亦是朋友~但有網民就批評王子只係為塑造「好男生」形象?!對於今次傳聞,王子一方嘅經紀公司回應與郭雪芙只係好朋友關係。

雖然二人已經分手,但Stephy每個IG Post 王子幾乎都like晒~
Photo from Stephy IG

有網民質疑王子只係想塑造好形象?!
Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
3 hours ago
戀講嘢|林作下屬Bronte獲全公司男性追求?一日三餐有人請大感困擾
戀講嘢|林作下屬Bronte獲全公司男性追求?一日三餐有人請大感困擾
3 hours ago
蒙嘉慧素顏朝聖打卡熱點 居日生活寫意 保養得宜充滿自然美
蒙嘉慧素顏朝聖打卡熱點 居日生活寫意 保養得宜充滿自然美
20 hours ago
林利與台灣籍老婆再鬧婚變?!男方凌晨突然向妻子道歉,極力挽回婚姻?二人上年曾隔空吵架
林利與台灣籍老婆再鬧婚變?!男方凌晨突然向妻子道歉,極力挽回婚姻?二人上年曾隔空吵架
21 hours ago
Barbie真人版拍攝現場曝光 兩大主角災難級造型被網民嘲笑
Barbie真人版拍攝現場曝光 兩大主角災難級造型被網民嘲笑
a day ago
范冰冰「辟穀」減肥法7日唔食嘢,曾自嘲「范小胖」,為復出極速甩6公斤!
范冰冰「辟穀」減肥法7日唔食嘢,曾自嘲「范小胖」,為復出極速甩6公斤!
a day ago
Hottest Articles
最熱文章
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
2 days ago
YouTuber arhoTV備受爭議,被爆向觀眾賣淘寶貨?推出NFT不受年齡限制,被批誤導中小學生?!
YouTuber arhoTV備受爭議,被爆向觀眾賣淘寶貨?推出NFT不受年齡限制,被批誤導中小學生?!
3 days ago
何超欣清華大學畢業照曝光!賭王曾評價各房女兒,稱四房超盈「麻麻」?
何超欣清華大學畢業照曝光!賭王曾評價各房女兒,稱四房超盈「麻麻」?
2 days ago
歐陽震華上內地節目稱唔想再用英文名Bobby!訪問期間忽然落淚勁突兀
歐陽震華上內地節目稱唔想再用英文名Bobby!訪問期間忽然落淚勁突兀
2 days ago
40歲陳法拉拍美劇扮女僕 進軍荷里活片約不斷 有意回港拍劇?
40歲陳法拉拍美劇扮女僕 進軍荷里活片約不斷 有意回港拍劇?
2 days ago
戀講嘢|林作下屬Bronte獲全公司男性追求?一日三餐有人請大感困擾
戀講嘢|林作下屬Bronte獲全公司男性追求?一日三餐有人請大感困擾
3 hours ago