陳冠希新照再現「時裝災難」？網民笑「目測1米2」回顧出道至今風格變化

陳冠希（Edison）出道初期以混血帥樣迷倒萬千少女，雖然後來被指狀態不復當年，但其潮流裝扮仍不時引起熱話。近日，佢在社交網分享一張個人照，卻被網民恥笑係時裝災難！

Photo from CLOT YouTube

41歲陳冠希早年拍過不少戲劇，近年專注於潮流事業及家庭生活。早前母親節，佢就上載了老婆與囡囡嘅可愛合照，在帖文中大讚老婆秦舒培係一個絕世好媽媽，又向佢表白：「LOVE U ALWAYS AND FOREVER！（一世都咁愛你）」真係好甜蜜~

Photo from 陳冠希 IG

新照影到得「一米二」？

常用社交網貼近況嘅Edison，在日前上載了一張新照。照片中佢身穿紅色長身T-shirt和灰綠色外套，搭配藍色長褲，但角度等原因令原本有1米78高嘅Edison變得相當矮，有網民更搞笑留言指：「目測一米二」，亦有人問：「這個高度是秦舒培拍的嗎？」舒培身高與老公相約，難怪有網民咁問。亦有網民認為Edison膚況不好，建議佢要多保護皮膚，和多做面膜。

Photo from 陳冠希 IG

Photo from 陳冠希 IG

兒時已有亮眼外貌

Edison出生於加拿大，童年時五官已非常立體。佢嘅爸爸係中葡混血兒，而佢媽媽年輕時都很有千金氣質，難怪Edison自小就有亮眼外貌。

Photo from 微博

Photo from 微博

Photo from 微博

19歲出道爆紅

當年19歲嘅Edison於1999年拍攝廣告出道，年紀輕輕已同天王郭富城拍攝可樂廣告，當年佢非常青澀，輪廓深邃，同時帶點叛逆氣質。

Photo from 百事可樂廣告

Photo from 百事可樂廣告

之後佢正式成為歌手和演員，好快就拍了多套電影，例如《特警新人類2》、《玉女添丁》、《九個女仔一隻鬼》、《無間道》等，出道初期已同過楊千嬅、劉嘉玲、黃秋生等藝人合作，到2008年更客串過荷里活大作《蝙蝠俠：黑暗騎士》。

Photo from 《特警新人類2》劇照

Photo from 《玉女添丁》劇照

Photo from 討論區圖片

Photo from 《九個女仔一隻鬼》劇照

不時出現「獨特造型」

後來佢淡出香港娛樂圈，專心打理潮流品牌生意，並在2017年與模特兒秦舒培結婚。到2020年，Edison曾為一個國際名牌拍時裝照，但其光頭造型，配合衣服嘅效果都被指係「時裝災難」，唔少網民都人認為拍攝和形象指導都強差人意。

Photo from 陳冠希 IG

網民感歎「歲月不留人」

育有兒女Alaia後，Edison修心養性，全力做好爸爸角色，亦可能因為忙於兼顧生意及家庭，佢多次被網民指老態盡現。在去年中，Edison分享與老婆一同看籃球比賽嘅合照，當時佢以平頭裝示人，不少人指佢髮線超後移，身形亦有發福跡象。

Photo from 陳冠希 IG

到去年十一月，有網民在籃球比賽偶遇Edison，合照中佢頭髮長回不少，睇落比上次嘅照片帥，但有部分網民仍指佢魚尾紋很顯眼，直言「歲月真係好殘忍！」，仲有人將佢與同齡嘅謝霆鋒比較，話後者依然保留到「少年感」。

Photo from 微博

Photo from 謝霆鋒微博

雖然很多網民感歎「男神變了」，但都有唔少人欣賞現在嘅Edison崇尚自然，同時讚佢不用濾鏡，亦睇得出佢同家人活得自在幸福，直言咁樣先係最重要。

Photo from 陳冠希 IG

相關文章：陳冠希新相平頭裝髮際線超後移！網民：中佬嚟講都算型！

相關文章：41歲陳冠希零修圖近照曝光！ 網民：好似老同齡嘅謝霆鋒10歲！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）