download HolidaySmart 假期日常 app
時空旅人指2022年地球將會面臨危機?!公開3大「重要」日子!約200萬人將神秘消失?

時空旅人指2022年地球將會面臨危機?!公開3大「重要」日子!約200萬人將神秘消失?

時事熱話 生活熱話
By Stephanie on 13 May 2022
Digital Content Writer

坊間經常都會流傳各種傳言~近日有一位自稱係「時空旅人」嘅抖音帳號就發佈一條預告影片,指地球將會於今年夏天面臨危機,並且會有多達大約200萬人突然消失;仲列出咗3個今年嘅重要日子,並揚言會有新嘅生物降臨地球?!

大家相信呢個世界上有從未來穿越過來嘅「時空旅人」嗎?Photo from 《信義》劇照

自稱「時空旅人」抖音用戶

唔知大家又相唔相信呢個世界上有時空穿梭嘅「未來人」呢?!一直以「時空旅人」自稱嘅抖音用戶Kawhi Leonard (@thehiddengod1) 經常都會上載有關外星人、世界末日等相關嘅影片;日前佢就上載咗一條影片而引起熱議!

一位自稱係「時空旅人」嘅抖音用戶經常都上載唔同嘅傳言!Photo from 《The King:永遠的君主 》

表示2022年地球將會面臨危機?!

「時空旅人」Kawhi 表示今年夏天地球將會面臨前所未有嘅挑戰,爆發一連串接近世界末日嘅危機,仲列出咗2022年嘅3個「重要」日子,分別係7月14日、8月9日以及10月3日,希望警惕大家!

自稱來自未來嘅時空旅人「Kawhi Leonard」表示2022年夏天地球會面臨危機?!Photo from thehiddengod @抖音

仲列出咗3個日子Photo from thehiddengod @抖音

列出3個日期警惕大眾

從影片中所講,喺7月14日美國將會經歷史上最強嘅地震,仲會因此而導致美國土地出現大裂痕!而8月9日世界上將近約200萬人將會神秘消失,咁未好似MARVEL《復仇者聯盟》電影中嘅情節咁~

預言7月14日美國將會經歷前所未有嘅大地震?!Photo from 《你是我的確幸》

佢表示8月9日當日將會有約200萬人憑空消失,似乎同《復仇者聯盟》嘅劇情有啲相似?!Photo from 《復仇者聯盟:無限之戰》

網民反應大不同!

而今年10月3日就將會有一種名為「潛行者(Stalkers)」嘅不明物體來臨地球。然而,Kawhi就並冇講3件事是否有關聯,影片上載後獲得逾45萬個評論!大部分嘅網民都認為只係無稽之談,認為「時空旅人只係睇得太多科幻電影」等;然而亦有部份人認為萬事皆有可能,希望世界能夠一直和平~不過呢類型嘅傳聞都係「信則有,不信則無」,睇完要自行斟酌!

10月3日仲會有不明物體「潛行者」降落地球?!Photo from 《Stranger Things 3》

美國眾議院將舉行首個UFO主題聽證會!

另一邊廂,美國眾議院舉行59年來首個關於UFO嘅聽證會,並將於本月17日舉行!由於上年美國國家情報總監上載咗一份長達9頁嘅報告,當中提及144宗UFO目擊個案;而眾議院情報委員會主席Adam Schiff希望能夠藉此機會等美國市民了解一直以來嘅謎團~

美國眾議院將會喺5月17日舉行關於UFO嘅聽證會!Photo from 電影《長江7號》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

美國機密文件洩露歷年UFO目擊案例!1947年羅斯威爾飛碟事件內幕曝光!記載5宗外星人與人類親密接觸?

14 Apr , 2022

大家都應該聽過唔少關於外星人嘅傳說,唔知你哋又相唔相信呢啲傳聞呢?!根據美國國防部嘅機密文件,當中紀錄咗唔少關於不明飛行物體(UFO)嘅事件,而報告中竟然仲話外星人曾經同人類發生過親密關係;而且亦提醒大眾千祈唔好近距離接觸UFO,有可能會令身體出現嚴重後遺症?!

《太陽報》引述,美國國防部機密文件中有關UFO嘅案件!Photo from Pinterest

# 機密文件中記載有關UFO事宜

根據外國媒體報導,美國國國防情報局(DIA)擁有一份1,500頁嘅機密文件,當中內容涉及關於不明飛行物體(UFO)嘅事件。除咗市民目擊UFO嘅案例之外,仲有古怪嘅現象,包括:心電感應、瞬間移動等。

外界對於外星人嘅睇法都非常不一樣,唔少電影都會用呢個題材做賣點,包括:著名嘅Star War系列!Photo from 《Star War》

# 紀錄5宗關於外星人與人類發生關係事件!

然而,報告中居然紀錄咗5宗外星人與人類發生親密關係嘅事件,其中一名女子因此而懷孕!另外,內容亦提及UFO嘅出現有可能影響到國家利益,提醒大家若發現不明物體應該立刻遠離;因為UFO所散發嘅電磁輻射會使人受傷,嚴重嘅甚至會影響腦部神經。

機密文件中紀錄咗外星人同人類發生親密關係嘅案件?!Photo from 《ET》

而文件中亦提醒大眾若果見到UFO,必定要遠離,否則可能會影響身體!Photo from Pinterest

# 不解之謎大多被歸類為AN3!

而機密文件中亦有提及好多著名嘅神秘事件,例如:麥田圈、目擊精靈、神話等,以上種種都被歸類為AN3。若果曾經同與佢哋實體接觸,事件將會被歸類成AN4,而UFO目擊者就用「近距離接觸級別」分辨。以上資料都只係機密文件嘅一小部分,有關外星人嘅傳聞依然係超大嘅謎團!

過往世界各地經常都有唔少關於外星人嘅傳聞,如果曾同佢哋近距離接觸,案件將會被歸類為AN4!Photo from 《晚吹 就係唔科學》

有台灣節目報導有關麥田圈嘅新聞,仲成功解碼發現佢哋俾人類嘅訊息!Photo from 「關鍵時刻」@ YouTube

# 1947年「羅斯威爾飛碟事件」

過往,美國聯邦調查局(FBI)曾調查1947年7月4日所發生嘅「羅斯威爾飛碟事件」:事源當晚正落狂風暴雨,位於羅斯威爾西北方120公里嘅農場主人Mac' Brazel聽到超大嘅巨響,直到第二日佢發現農地有唔少金屬碎片,並向當局報告。7月8日,一位居住於梭克羅(Socorro)嘅工程師表示疑似發現碟型物體嘅金屬碎片,仲發現幾位已經離世嘅外星人,軍方得知後立刻封鎖現場!

1947年「羅斯威爾飛碟事件」非常轟動,當時有疑似飛碟嘅碎片出席!Photo from Twitter

農場主人發現疑似係飛碟零件嘅金屬歲嘅金屬碎片!Photo from Twitter

# 當局改口稱只係氣球?!

當年,美國各大媒體一收到消息都立刻爭相前往報導,事件傳出後亦引起國際嘅熱烈關注。不過事發6小時後,軍方發聲明改口解釋「事件與飛碟無關」,話只係一個有雷達反應快氣象氣球,但大眾都唔太接受呢個講法!

當年負責調查事件嘅Jesse Marcel 事後公開「氣球」照片,希望向大眾解釋。Photo from Getty

# 媒體發現事故機密文件,證實有外星人存在?

3後來,《太陽報》發現特工霍特爾於1950年所寫下嘅機密文件,內容提及「新墨西哥發現3個金屬UFO」、「飛碟形狀為橢圓形」等;而且仲表示疑似見到3個與人類十分相似嘅物體,大約3英尺高,全部都身穿金屬緊身衣,令大家都懷疑好大機會係外星人!

《太陽報》發現特工紀錄嘅文件中,表示見到疑似外星人嘅物體!Photo from Twitter

# 調查人員臨終前公開真相?!

多年後,曾負責調查案件嘅Jesse Marcel臨終前向兒子講述實情,仲吩咐兒子代佢將「羅斯威爾飛碟事件」公開。而兒子就以父親之名於2007年出版書本《The Roswell Leagcy》,提及當年的確目擊到飛碟碎片等,令大眾對於事件更好奇,亦對於當局隱瞞事實感到不解!

負責調查事件嘅Jesse Marcel曾向兒子透露實情,而後來兒子就出書透露當年真相!Photo from Amazon

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel