50歲楊崢近況曝光！淡出多年轉型飲食作家周遊列國同名廚打卡

Digital Editor

名模楊崢曾活躍於影視圈，擁豐富電視節目主持經驗，但在2014年被爆與黃宗澤譜出姐弟戀再極速分手後，便開始淡出娛樂圈。最近，佢在社交網分享近況，原來佢近年已轉型為美食專欄作家，經常到海外訪問世界級廚師！

Photo from 楊崢微博

楊崢精通多國語言，擁豐富主持經驗

現年50歲楊崢早在初中已經朋友介紹接拍廣告，並在1995年勝出超級模特兒大賽後入行，曾為多個名牌走時裝秀。能說粵語、英語、普通話、法文、和韓文嘅楊崢不時擔任節目主持，類型涵蓋美食、生活資訊等，又用韓文訪問過多位韓流明星。

Photo from 護舒寶廣告

Photo from WATSONS Hong Kong YouTube

Photo from 楊崢微博

廚藝不俗嘅佢亦曾出演烹飪綜藝，並在節目比賽環節中贏得亞軍。

Photo from 《美女廚房》截圖

到2014年，楊崢被拍到與細9年，以及剛同胡杏兒分手約一年半嘅黃宗澤（Bosco）在一間餐廳舉止親密，猶如一對情侶外出約會，又被爆已秘戀3個月。消息一出，好多人都估唔到二人有交情。據悉，Bosco係因為有意發展飲食業，而向對飲食有研究嘅楊崢請教。

Photo from WATSONS Hong Kong & 黃宗澤 IG

事後，雙方都承認互相了解中，楊崢也被拍到駕駛Bosco嘅仿古車代步。不過，呢段姐弟戀曝光不久後便告終。當時有傳因為Bosco媽媽唔滿意楊崢導致分手。

Photo from 黃宗澤 IG

Bosco在數年前開設了蠔吧餐廳，唔知當初有否受過楊崢指教？雖然餐廳於早前疫情下需要停業，但近期限聚令措施放寛後都恢復營業。

Photo from 黃宗澤 IG

二人分手後，楊崢形象大幅下降，在工作和感情上都有負面消息傳出。自此佢開始減少幕前演出，淡出娛樂圈。近日，佢嘅近況曝光，其實佢已將重心轉投飲食作家事業。

Photo from 楊崢 IG

語言能力超卓嘅楊崢周遊列國，經常到多國品嘗米芝蓮級餐廳，和採訪當地名廚，亦曾出版書籍，以及為不同報章寫專欄。

Photo from 楊崢 IG

從楊崢近照可見，佢保養得宜，皮膚和身形都Keep得幾好。上兩個月仍分別在西班牙、法國交流嘅佢，一星期前宣布已返回香港，入住酒店隔離，並感謝職員嘅照顧。到日前，佢再度分享新照，表示好高興回到香港，愛美食嘅佢已立即到訪一間高級中菜餐廳，生活過得非常惬意。

Photo from 楊崢 IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel