download HolidaySmart 假期日常 app
何天兒重返娘家拍節目,被指樣貌「大進化」?!與Ali情同姐妹!過往緋聞最受觸目

何天兒重返娘家拍節目,被指樣貌「大進化」?!與Ali情同姐妹!過往緋聞最受觸目

娛樂新聞
By Stephanie on 16 May 2022
Digital Content Writer

現年33歲嘅何天兒(前名何傲兒)過往係大台旗下藝人,直到2015年正式對外宣佈離巢。最近,佢就獲邀上由李佳芯(Ali)及黃霆鋒所主持嘅清談節目《夢中.情.人》,久違地重返大台拍節目~而唔少網民就覺得佢嘅樣貌似乎變得唔同咗?!

何天兒近日獲邀上Ali主持嘅新節目,但就被網民發現樣貌升級?!Photo from 何天兒IG

何天兒2007年參選港姐入行

何天兒(前名何傲兒)2007年參加香港小姐競選,但最終大熱倒灶只係獲得「旅遊大使獎」,其後正式加入娛樂圈。過往曾出演多部電視劇,包括:《同事三分親》、《宮心計》等,亦有份主持節目,曝光率都幾高!直到2015年,佢喺出演完電視劇《波士早晨》後就宣佈離巢。

何天兒2007年參選港姐後就投身娛樂圈!Photo from 《Click入黃金屋》

離巢後,佢返內地發展,有份出演內地電視劇!Photo from 《歸去来》

獲邀上Ali主持節目《夢中.情.人》

日前,由視后李佳芯(Ali)以及黃霆鋒主持嘅全新清談節目《夢中.情.人》就邀請咗何天兒做嘉賓,亦係久違地再返「娘家」~而節目主要就係以探索夢境為主,仲會邀請各個範疇嘅專家分析大家嘅夢境,從而解開夢境嘅秘密。

何天兒最近獲邀上Ali主持嘅節目《夢中.情.人》Photo from 何天兒IG

據許呢個節目主要係大家嘅夢境~Photo from 何天兒IG

何天兒同Ali關係好,曾於劇中扮演姐妹!

而何天兒於IG Story上載拍攝節目嘅幕後花絮,只見佢同Ali關係非常好,二人仲頭貼頭咁傾計,情同姐妹!過往二人曾於電視劇《波士早晨》中飾演姐妹,而當時嘅何天兒就飾演哨牙妹「姚金鳳」,罕有地放地偶像包袱,可惜當時未能成功引起熱話。

只見何天兒同Ali關係非常友好~Photo from 何天兒IG

過往二人曾合作拍攝《波士早晨》,扮演姐妹!Photo from 《波士早晨》

而何天兒亦罕有地扮演哨牙妹!Photo from 《波士早晨》

網民懷疑何天兒樣貌「升級」?!

不過,有網民就認為何天兒嘅樣貌似乎同剛入行嘅時候唔同咗,五官變得更加精緻!本身已經眼大大嘅佢,雙眼皮變得更加明顯,亦褪去過往稚氣嘅圓潤嘅面形變成V型瓜子臉。

網民認為何天兒嘅外貌似乎變得更加精緻!Photo from 何天兒IG

本身眼大大嘅佢雙眼皮變得更加明顯,而且變咗V型面!Photo from 何天兒IG

有意轉型成為KOL!

近年,何天兒似乎有意轉型成為KOL,連續2日於YouTube頻道上載彈古箏以及鋼琴嘅影片,大晒音樂天份~而佢不時會喺頻道分享關於保養皮膚以及外出遊玩等影片,同Youtuber們非常相似~

何天兒最近似乎想轉型成為網紅?!Photo from 何天兒 YouTube

仲大晒彈鋼琴以及古箏嘅影片~Photo from 何天兒 YouTube

過往緋聞最受觸目!

過往何天兒嘅感情生活都非常精彩,最轟動嘅一段就係同已故娛樂老闆林建名所傳出嘅「爺孫戀」,當時佢因為飽受輿論壓力而公開同男方劃清界線,而男方隨即喺媒體面前哭訴;後來何天兒與「西貢地王」太子爺周子揚拍拖,不過二人最終不歡而散。而何天兒離巢後就簽約到林建名旗下嘅娛樂公司,二人正式上契!

何天兒過往同娛樂老闆林建名嘅緋聞最為轟動,最終二人上契,而女方亦成為旗下公司藝人!Photo from 娛樂新聞台

何天兒亦曾於周子揚公開戀愛,不過二人不歡而散,仲展開隔空罵戰!Photo from 周子揚IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

薛凱琪近照被指認不出!一文睇出道19年進化史,短髮大晒修長頸部

11 Apr , 2022

現年40歲嘅薛凱琪(Fiona)近日北上參加《乘風破浪的姐姐3》,但近照一出卻令網友驚呼唔認得!其實佢出道多年,出過好多大熱歌曲《奇洛李維斯回信》、《886》、《糖不甩》等,試過唔少造型,即刻回顧Fiona 19年嚟嘅變化!

現年40歲嘅薛凱琪(Fiona)近日北上參加《乘風破浪的姐姐3》但近照一出卻令網友驚呼唔認得Photo from 薛凱琪 IG

憑《奇洛李維斯回信》一曲走紅

薛凱琪初出道即以《奇洛李維斯回信》成為樂壇最hit女新人,Fiona一頭負離子碎髮,當時年僅22歲嘅佢臉上仲有baby fat,十分青春。憑一曲走紅嘅佢成為廣告界寵兒,為多個品牌代言。

薛凱琪初出道即以《奇洛李維斯回信》成為樂壇最hit女新人Photo from 《奇洛李維斯回信》

Fiona一頭負離子碎髮,當時年僅22歲嘅佢臉上仲有baby fat,十分青春。Photo from 《奇洛李維斯回信》

出演《學警雄心》女主角,改以短髮形象示人

2005年播出嘅《學警雄心》Fiona飾演女學警,更剪去長髮以清爽短髮亮相。剪咗短髮嘅Fiona大晒修長頸部,有唔少網友特意改圖。

2005年播出嘅《學警雄心》Fiona飾演女學警Photo from 《學警雄心》

薛凱琪剪去長髮以清爽短髮亮相Photo from 《學警雄心》

剪咗短髮嘅Fiona大晒修長頸部,有唔少網友特意改圖。Photo from 《學警雄心》

主演《早熟》演技備受肯定

與房祖名主演爾冬陞執導電影《早熟》,飾演未婚媽媽演技受到讚賞。戲中佢留齊蔭及肩曲髮,蘋果肌滿滿膠原蛋白,之後佢更擔任《新紮師妹3》女主角、與陳坤合作拍攝電視劇《新不了情》,開始演員之路。

薛凱琪與房祖名主演爾冬陞執導電影《早熟》,飾演未婚媽媽演技受到讚賞Photo from 《早熟》

戲中佢留齊蔭及肩曲髮,蘋果肌滿滿膠原蛋白Photo from 《早熟》

Fiona之後擔任《新紮師妹3》女主角Photo from 《新紮師妹3》

北上發展大展成熟女性魅力

2014年起Fiona開始將事業重心轉移至內地,佢推出廣東歌嘅次數減少,喺內地接拍唔少電影,間中亦有出演電視劇。喺電影《閨蜜》中薛凱琪飾演於閱人無數嘅情場高手,Fiona包包面消失、下巴尖尖,加上長曲髮造型,充滿女人味。其後佢於2018年再拍續集《閨蜜2》,五官精緻不少。

喺電影《閨蜜》中薛凱琪飾演於閱人無數嘅情場高手,Fiona包包面消失、下巴尖尖,加上長曲髮造型,充滿女人味Photo from 《閨蜜》

Fiona於2018年再拍續集《閨蜜2》Photo from 《閨蜜2》

《閨蜜2》時Fiona五官精緻不少Photo from 《閨蜜2》

2020年回歸香港樂壇,五官越嚟越精緻

Fiona宣佈與老東家華納唱片再次簽約,推出新單曲《南昌街王子》,回歸香港樂壇。Fiona不時會喺IG大晒近照,佢已完全褪去少女嘅青澀,展現成熟女性嘅嫵媚。

Fiona宣佈與老東家華納唱片再次簽約,推出新單曲《南昌街王子》Photo from 《南昌街王子》

Fiona不時會喺IG大晒近照Photo from 薛凱琪 IG

薛凱琪完全褪去少女嘅青澀,展現成熟女性嘅嫵媚。Photo from 薛凱琪 IG

薛凱琪以長曲髮造型示人Photo from 薛凱琪 IG

參加綜藝節目《乘風破浪的姐姐3》挑戰自我

Fiona北上錄製內地綜藝節目《乘風破浪的姐姐3》,佢晒出多張宣傳照卻被網友指:「成個范冰冰咁」、「已經認唔到了」、「p圖太勁定點?!完全唔同樣!」

Fiona北上錄製內地綜藝節目《乘風破浪的姐姐3》Photo from 薛凱琪 IG

薛凱琪晒出多張宣傳照卻被網友指:「已經認唔到了」Photo from 薛凱琪 IG

網民直言薛凱琪「完全唔同咗」Photo from 薛凱琪 IG

薛凱琪近年被指似范冰冰?與多位女星撞樣?

其實近年薛凱琪多次被指同多名女星,甚至卡通人物撞樣。包括DoDo姐鄭裕玲、孫燕姿、蔣雅文,仲有《Toy Story》嘅「嘉比嘉比」!

其實近年薛凱琪多次被指同多名女星Photo from 薛凱琪 IG

網友指:「成個范冰冰咁」Photo from 薛凱琪 IG

網民指同Fiona撞樣嘅仲有《Toy Story》嘅「嘉比嘉比」Photo from 《Toy Story 3》、薛凱琪 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel