聲生不息｜楊千嬅被王祖藍暗指年紀大感不悅！直言：我不承認！

《聲生不息》新一集主題為「港樂與我的『一生所愛』」，其中唔少「對決」都好有睇頭。除咗表演之外，台下歌手嘅交流都好受關注，王祖藍暗指楊千嬅年資高，即令佢扁嘴委屈否認。

Photo from 《聲生不息》

《聲生不息》新一集主題「港樂與我的『一生所愛』」

新一集中有3場對決，分別為曾比特、安崎《夏日傾情》VS 林子祥、馬賽克樂隊《愛情陷阱》；炎明熹、劉惜君《念親恩》VS 李克勤、毛不易《最佳損友》；李玟、林曉峰、魔動閃霸《半點心》VS 楊千嬅、周筆暢、單依純《高山低谷》。

Photo from 《聲生不息》

王祖藍暗指楊千嬅年紀大

其中楊千嬅一組中3位歌手嘅出道時間各有不同，楊千嬅係1995年出道（​27年）、周筆暢於2006年出道（16年）、單依純則喺2020年《中國好聲音》出道，所以演唱過後王祖藍就稱佢哋係「三代歌手」，未料卻引嚟楊千嬅「不滿」。

Photo from 《聲生不息》

楊千嬅眼神凌厲稱：「我不承認！」

楊千嬅委屈表示：「其實三代也真的不是三代，我們沒有距離很遠啊！」幕後其他嘉賓見到呢一幕都忍唔住笑咗！

Photo from 《聲生不息》

楊千嬅再強調：「我不承認！」喺凌厲嘅眼神下，王祖藍即刻補鑊指：「兩代半！」楊千嬅稱呢個稱呼比較好：「舒服一點。」

Photo from 《聲生不息》

Photo from 《聲生不息》

炎明熹與媽媽隔空合唱

另外今集主題與「一生所愛」有關，炎明熹、劉惜君演唱嘅《念親恩》就係講親情，節目中亦披露咗炎明熹嘅家庭背景，炎明熹與家人分隔兩地，佢獨自來港住喺姑丈家中，日前因為拍攝節目佢終於可以同家人團聚。

Photo from 《聲生不息》

Photo from 娛樂新聞台

同劉惜君合唱過後，喺台上劉惜君透露歌曲一開頭唱《月光光》嘅女聲其實係炎明熹嘅媽媽，而《念親恩》呢首歌就係炎明熹送畀父母嘅禮物。

Photo from 《聲生不息》

Photo from 《聲生不息》

炎明熹媽媽身份係抗疫護士

之後王祖藍補充指炎明熹同媽媽已經無見3年，原因係佢媽媽係一位抗疫護士，王祖藍又表示醫院入面有一部機器係由炎媽媽負責操作，如果佢離開咗就唔夠人手操作機器：「所以呢三年佢（炎媽媽）一直堅守崗位」，提及父母炎明熹亦忍唔住眼濕濕，更想強忍眼淚，有觀眾亦感動落淚。

Photo from 《聲生不息》

Photo from 《聲生不息》

Photo from 《聲生不息》

Photo from 《聲生不息》

相關文章：【聲生不息】曾比特首戰唱贏人氣歌手獲「排名第一」！炎明熹獲多位前輩盛讚成功入圍

相關文章：楊千嬅內地鄉村獻唱為春晚錄影咪嘴假唱？網民反應兩極：畀錢佢嚟播碟 VS 行走的CD！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

梅艷芳電影｜內地歌手伍珂玥攜CD懷緬梅姐！楊千嬅面色尷尬疑踢爆係老翻？！

8 Nov 2021

電影《梅艷芳》即將於香港、內地上映，日前主角王丹妮同楊千嬅就一齊出席宣傳路演，同行仲有內地女歌手伍珂玥，佢更上台分享自己珍藏嘅梅姐唱片，不過楊千嬅則表現尷尬，有眼利網民發現伍珂玥嘅珍藏疑似係老翻！

Photo from 電影梅艷芳微博

電影《梅艷芳》主演王丹妮、楊千嬅走遍內地城市宣傳新戲

為宣傳電影，主演王丹妮、楊千嬅等連日嚟走遍各大城市，而自細就中意梅姐嘅內地女歌手伍珂玥亦有同行，其中喺深圳站，伍珂玥睇電影期間更忍唔住落淚。

Photo from 電影梅艷芳微博

Photo from 電影梅艷芳微博

Photo from 電影梅艷芳微博

佢表示梅姐係佢嘅童年回憶，亦係音樂道路上嘅引路人，伍珂玥指喺成長過程中遇到困難時，梅姐給予佢唔少力量。

Photo from 電影梅艷芳微博

內地女歌手伍珂玥攜大量珍藏CD上台懷緬梅艷芳

而喺廣州站，伍珂玥更親自帶埋自己珍藏嘅梅姐唱片上台分享，佢表示梅姐係佢嘅偶像，有啲CD甚至比佢年紀更大，又稱屋企有梅姐嘅CD係一年值得引以為榮嘅事，仲話當時嘅鄰居都會借嚟聽。

Photo from 電影梅艷芳微博

Photo from 電影梅艷芳微博

楊千嬅拎住梅艷芳CD表情尷尬，疑揭伍珂玥珍藏唱片為老翻

而企喺伍珂玥旁邊嘅楊千嬅就接過佢手上嘅梅姐唱片，一開始千嬅表示：「很有歲月痕跡！」，不過睇睇下千嬅表情越嚟越尷尬，不停細看手上嘅CD，又同電影監製江志強一齊「研究」。

Photo from 電影梅艷芳微博

Photo from 電影梅艷芳微博

Photo from 電影梅艷芳微博

千嬅細細聲講：「好耐㗎喎」，千嬅之後雖然有點頭回應伍珂玥表示好中意梅姐嘅言論，但仍然難掩錯愕神情。有眼利網友懷疑有關嘅珍藏並非梅艷芳嘅正版唱片：「羅湖D老翻」

Photo from 電影梅艷芳微博

Photo from Facebook

伍珂玥係《2021中國好聲音》總冠軍，導師為李克勤

伍珂玥今年23歲，出生於廣東台山，自稱係梅艷芳忠實fans，佢參加咗《2021中國好聲音》，首輪就演唱偶像梅艷芳歌曲《蔓珠莎華》，更獲得所有導師轉身。

Photo from 伍珂玥微博

Photo from 伍珂玥微博

佢指自己自細已好中意聽粵語流行曲，之後加入導師李克勤嘅戰隊，喺總決賽合唱《月半小夜曲》同獨唱《最愛》，最終更贏埋「年度總冠軍」。

Photo from 伍珂玥微博

相關文章：楊千嬅台慶表演被唱歌老師批評走音/發錯音！ 整體表現唔合格 網民：保持一貫水準
相關文章：港星北上工作人氣更加旺？！ 楊千嬅唱功獲大讚/大灣區哥哥被讚貼地

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）