呂良偉姪女醉心幕前+選美出身 入大台2年只做閒角 轉戰內地即做女主角！

藝人呂良偉近年多在內地發展，而佢嘅姪女呂晨曦（前名呂善婷）在港發展數年後，也決定北上尋覓機會，在港無咩代表作嘅佢，早前終於獲邀擔正做女主角！

Photo from 呂晨曦 IG

呂良偉姪女選美真人騷出身

65歲呂良偉於2001年與內地女友楊小娟結婚後，便將事業重心轉到內地，除了拍節目外，佢亦有投資娛樂及廣告公司，更在港擁有醫學美容中心，身家估計有數十億元。已「上岸」嘅佢對家人亦相當支持，其姪女呂晨曦（Angel）在2016年曾參選ViuTv選美綜藝《美選D.n.A》，呂良偉都曾發聲支持，惟最終在12強止步。

Photo from 呂良偉 微博

Photo from 《美選D.n.A》宣傳照

呂晨曦曾被誤傳係「呂良偉私生女」

29歲呂晨曦父親呂良國係前ATV藝人，由於自小父母離異，Angel與胞姐很早就跟伯父呂良偉一起在西貢居住。2011年曾有報道誤指Angel和胞姐係呂良偉嘅私生女。呂良偉當時正在內地拍劇，所以由太太楊小娟、弟弟呂良國召開記者會，更出示出世紙證明二人係呂良偉姪女，該媒體事後也刊登了全版道歉啟事。

Photo from 呂晨曦 IG

在大台不被重用

Angel在2018年報名大台藝人訓練班，之後成為旗下藝員，參演了十多套劇集，但大多角色都係無名小角，缺乏發揮。佢曾在岑麗香及馬國明主演劇集《寶寶大過天》亮相，飾演幼稚園老師，不過只露面數秒亦無對白。到去年2月，Angel約滿離巢後由「呂善婷」改名成「呂晨曦」，並開始轉到內地發展。

Photo from 《寶寶大過天》劇照

Photo from 呂晨曦 IG

去年新年都要在內地渡過嘅Angel，雖然無法跟家人一起過年，但就喺當地同女星翁虹外出逛街打卡，跟凍齡女神合照嘅Angel都大讚對方樣貌似姐姐。

Photo from 呂晨曦 微博

轉到內地發展擔任女一

Angel跟隨伯父呂良偉步伐北上，早前佢終於獲得重要角色，擔正做電影《極速狂飆之彎道之王》嘅女主角，雖然電影已煞科，但幾時上映就要等待未來公佈，相信大家之後都會在更多作品中看到Angel身影。

Photo from 呂晨曦 IG

Photo from 呂晨曦 IG

相關文章：呂良偉中式豪宅曝光！豪華佈置常搞多人飯局 婚後靠老婆翻身？！

相關文章：64歲「愛妻號」呂良偉幫老婆慶生 Keep得好好 身材完全冇變化！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）