download HolidaySmart 假期日常 app
消委會香腸測試|廚師牌雞肉腸被驗出獸藥,15款腸仔屬於高脂

消委會香腸測試|廚師牌雞肉腸被驗出獸藥,15款腸仔屬於高脂

時事熱話 健康資訊
By Jennifer on 16 May 2022
Digital Editor

香腸係唔少香港人煮公仔麵、打邊爐、BBQ必備食材,近日消委會檢測30款香腸樣本,近9成都係高鈉、15款屬於高脂,而港人最愛嘅廚師腸亦出事,被檢出歐盟及內地禁用獸藥!

香腸係唔少香港人煮公仔麵、打邊爐、BBQ必備食材Photo from HolidaySmart

消委會檢測市面上30款香腸樣本

喺抗疫期間,可以冷藏嘅香腸係好多家庭必備嘅食材,不過香腸始終係加工食品,當中亦含有化學物質,消委會檢測咗市面上30款香腸樣本,發現有26款每100克就有多過600毫克鈉,屬於「高鈉食物」。

消委會檢測咗市面上30款香腸樣本Photo from 消委會

有26款腸仔每100克就有多過600毫克鈉,屬於「高鈉食物」。Photo from 消委會

近9成都係高鈉食物

其中最高納嘅樣本係「Harvest Creek Chicken Franks with Variety Meats」,一條腸含435毫克鈉,佔成人每日建議鈉攝入上限嘅22%。

最高納嘅樣本係「Harvest Creek Chicken Franks with Variety Meats」Photo from 消委會

一條腸含435毫克鈉,佔成人每日建議鈉攝入上限嘅22%。Photo from 消委會

逾一半係高脂食物

另外檢測又發現16款腸仔樣本都屬於「高脂食物」,超過整體樣本嘅一半!香腸嘅平均總脂肪比以往檢測過嘅火腿、火雞片、午餐肉都要高。而30個香腸樣本中最高脂同最低脂相差5.5倍,食一條已超過成人每日總脂肪攝取量嘅1成。

檢測又發現16款腸仔樣本都屬於「高脂食物」,超過整體樣本嘅一半!Photo from 消委會

香腸嘅平均總脂肪比以往檢測過嘅火腿、火雞片、午餐肉都要高Photo from 消委會

30個香腸樣本中最高脂同最低脂相差5.5倍Photo from 消委會

最高脂樣本食一條已超過成人每日總脂肪攝取量嘅1成。Photo from 消委會

廚師腸驗出禁用獸藥

有3款樣本驗出歐盟及內地禁用獸藥「呋喃西林代謝物SEM」,分別係「御品皇蜜糖雞尾腸」、「al fresco Spicy Jalapeno with jalapeno’s and roasted peppers Chicken Sausage」同埋「廚師牌雞肉腸」

有3款樣本驗出歐盟及內地禁用獸藥「呋喃西林代謝物SEM」Photo from 消委會

廚師牌雞肉腸係港人最愛嘅香腸品牌之一,但今次檢測其SEM含量達14微克,超出歐盟行動參考點13倍!消委會指SEM可能會令實驗動物關節軟骨退化、四肢變形。

廚師牌雞肉腸係港人最愛嘅香腸品牌之一,但今次檢測其SEM含量達14微克Photo from Vallery Chef

2款香腸樣本含致癌物

30款樣本中,「TOPVALU特級Coarse-ground Pork Sausages」、「city’super Frankfurter Sausage Fireplace smoked」則驗出含致癌物多環芳香烴,可能同香腸經過煙燻製作有關,不過兩個樣本嘅檢出量都無超出歐盟嘅限量。

「TOPVALU特級Coarse-ground Pork Sausages」、「city’super Frankfurter Sausage Fireplace smoked」則驗出含致癌物多環芳香烴Photo from 消委會

兩個樣本嘅檢出量都無超出歐盟嘅限量。Photo from 消委會

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【消委會超市網購測試】5間網上超市購物實測!服務質素參差、錯漏百出

15 Dec 2020

肺炎疫情持續,好多人都會上網購物,可以唔出街又方便。消委會早前實測5間購物平台嘅服務,不過就發現喺網站選購嘅方便程度、送貨物流安排、貨品送達時狀態幾個方面,質素參差、錯漏百出。

消委會職員以普通消費者身份,於5間本地網上超市,包括百佳、惠康、city'super、HKTVmall、big big shop,各交易5次,喺避免使用關鍵詞搜尋功能下,每次購買15件相同或同類型指定貨品,包括新鮮、急凍、預先包裝食品、日用品。

5間網上超市網站中,其中4間由選擇到最終確認落單15件目標貨品,平均需時60分鐘至98分鐘。百佳網站於完成選購及揀選送貨時段後,多次出現大量已選購貨品售罄提示,要花費額外時間搵其他代替品,其中1次實試中更有超過一半(8件)貨品售罄,另選8件代替品,其中6件又再顯示為售罄,致電客戶服務熱線查詢時對方表示所有貨品均有存貨,出錯原因不明亦未能即時解決。

百佳網站於完成選購及揀選送貨時段後,多次出現大量已選購貨品售罄提示Photo from HolidaySmart

喺送貨效率方面,5間超市僅city’super提供即日送貨,另外4間需時1至26日送貨,big big shop 5次交易更分開17張訂單送貨,只有4張訂單能按時送達,其餘13張訂單送貨時間比原訂早到5至16日不等,甚至有訂單最終無送貨。

今次實測5間超市嘅送貨貨品質素參差,其中1次實試city’super網購,收到1箱屬於另一客戶嘅新鮮食品,應該係超市誤將訂單對調。雖然喺第二晚補回貨品,但送達時紙箱明顯已經開過,箱內提子已腐爛、急凍肉類已解凍,同一間超市另1次實試中,訂購價值$65美國無核紅提,送貨卻為標價$47.8提子。

5個平台網站選購嘅方便程度、送貨物流安排、貨品送達時狀態幾個方面,質素參差、錯漏百出Photo from 百佳超級市場

其他超市送達嘅貨品亦有不同問題:「HKTVmall」 午餐肉罐頭上發現明顯凹痕;「惠康」盒裝紙巾包裝破裂;「百佳」2次實試中訂購嘅雞蛋都有破裂;「big big shop」急凍餃子已被解凍、急凍雞柳包裝已打開。

「HKTVmall」 午餐肉罐頭上發現明顯凹痕Photo from HKTVmall

網購冷藏食品、奶製品、急凍肉類等送達時,溫度較高,25次實試交易中,有24次表面溫度未達到保鮮效果,包括急凍燒賣達20.8°C、冰鮮豬扒達19.3°C、豆腐達18.6°C、鮮奶、乳酪達16°C以上。

網購冷藏食品、奶製品、急凍肉類等送達時,溫度較高,25次實試交易中,有24次表面溫度未達到保鮮效果Photo from 消委會

Big Big Shop回應指,因為疫情關係,網購需求急增,銷售量比舊年同期急增5倍,商戶及合作物流公司面對巨大壓力及挑戰,引致配送延誤及狀態欠理想。BigBig Shop對顧客引起不便致以抱歉,表示會吸取經驗,加強與商戶的溝通、更換物流公司,檢討及改善商品配送流程,增撥更多資源,改善客戶服務以減少配送延誤嘅情況。

資料來源:消委會

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel