莫家堯接手家族生意近況曝光,做CEO豪擲逾2千萬購入跑馬地豪宅!

莫家堯接手家族生意近況曝光,做CEO豪擲逾2千萬購入跑馬地豪宅!

娛樂新聞
By Jennifer on 17 May 2022
Digital Editor

綠葉王莫家堯離巢多年,淡出娛樂圈嘅佢轉行從商,接手家族生意做CEO,近日有指佢花超過$2,300萬買入跑馬地一個單位,相信公司經營狀況唔錯。其實佢家族背景強大,雖然一直都係做綠葉角色,但從商後亦有所成就。

前綠葉王莫家堯離巢多年,淡出娛樂圈嘅佢轉行從商Photo from 《烽火奇遇結良緣》

莫家堯家境富裕,父親係總裁

莫家堯生於富裕之家,不過佢選擇修讀香港演藝學院表演系深造文憑,似乎無意從商。佢爸爸係充電器公司總裁、家姐則係歌手王傑嘅第二任妻子,家族背景十分強大。

莫家堯家境富裕,家族背景十分強大Photo from 劉喬方 IG

曾於亞洲電視擔任男主角,過檔後主要出演配角

醉心演藝事業嘅莫家堯喺1990年加入亞洲電視,擔任過男主角,更同萬綺雯合作。到1995年佢過檔另一電視台,多年嚟出演過好多電視劇。

醉心演藝事業嘅莫家堯喺1990年加入亞洲電視,擔任過男主角,更同萬綺雯合作Photo from 《點解阿sir係隻鬼》

1. 《點解阿sir係隻鬼》崔文健

莫家堯飾演中七學生崔文健,同萬綺雯飾演嘅汪家玲有感情線。

莫家堯飾演中七學生崔文健Photo from 《點解阿sir係隻鬼》

莫家堯同萬綺雯飾演嘅汪家玲有感情線。Photo from 《點解阿sir係隻鬼》

2. 《倚天屠龍記》殷六俠

莫家堯飾演殷六俠雖然戲份唔多,但係佢嘅表現仍令人留下深刻印象。

莫家堯飾演殷六俠雖然戲份唔多,但係佢嘅表現仍令人留下深刻印象。Photo from 《倚天屠龍記》

3. 《烽火奇遇結良緣》樊威

莫家堯飾演女主角樊梨花(宣萱飾)嘅大哥,對父親忠誠、關愛弟妹。

莫家堯飾演女主角樊梨花(宣萱飾)嘅大哥Photo from 《烽火奇遇結良緣》

莫家堯轉行從商,接手家族生意做CEO

雖然參演嘅電視劇眾多,但莫家堯一直擔任配角,演藝事業未見有咩發展,最終合約完結後就離巢,並開始接手家族生意。佢成為電子產品公司總裁,為開拓家族事業,莫家堯喺馬來西亞斥資7位數令吉發展充電器生意。

雖然參演嘅電視劇眾多,但莫家堯一直擔任配角,演藝事業未見有咩發展,最終合約完結後就離巢,並開始接手家族生意。Photo from 《點解阿sir係隻鬼》

近日傳莫家堯花$2,315萬買入位於跑馬地雲地利道金山花園一個「鳳凰樓層」單位,買家中英文名字同莫家堯同名,睇嚟佢轉行從商多年,生意搞得有聲有色。多年嚟有好多傳媒影到佢同疑為女友嘅女子同行,但卻未有佢結婚嘅消息傳出。

近日傳莫家堯花$2,315萬買入位於跑馬地雲地利道金山花園一個「鳳凰樓層」單位Photo from 黃嘉樂 IG

淡出娛樂圈多年,53歲莫家堯保養得宜

淡出娛樂圈多年嘅莫家堯仍然同唔少圈中好友保持聯絡,佢曾與唐文龍相約揸電單車,2018年應同屆演藝學院同學鄧偉傑邀請復出出演舞台劇。2019年鄭嘉穎50歲生日會佢亦有出席,莫家堯現年53歲仍keep得超好,外型幾乎無咩變化!

淡出娛樂圈多年嘅莫家堯仍然同唔少圈中好友保持聯絡,佢曾與唐文龍相約揸電單車Photo from 唐文龍 Facebbok

莫家堯018年應同屆演藝學院同學鄧偉傑邀請復出出演舞台劇Photo from Project Roundabout

莫家堯出席鄭嘉穎50歲生日會,現年53歲嘅佢仍keep得超好,外型幾乎無咩變化!Photo from 黃嘉樂 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

蔡思貝搬入西貢獨立屋/蔚雨芯做老闆有幾千呎辦公室!圈中10位突然富貴女星

29 Apr 2022

娛樂圈唔少藝人打扮光鮮,有啲本身係富二代,但亦有人家底雖不及富二代,但都擁有有唔少名牌手袋、住豪宅。細數圈中10位非富貴出身但過優質生活女星!

細數圈中8位非富貴出身但過優質生活女星!Photo from 陸詩韻IG

蔡思貝被指左右逢緣入住西貢獨立屋

港姐亞軍蔡思貝曾公開表示佢住過200呎單位、瞓碌架床。不過升呢做視后嘅佢近年被指「突然富貴」,唔止喺IG大晒各種名牌手袋,仲出入西貢獨立屋,疑「食兩家茶禮」,一邊揸胡鴻鈞家姐名下跑車、一邊多次出入西貢獨立屋。

升呢做視后嘅蔡思貝近年被指「突然富貴」,唔止喺IG大晒各種名牌手袋,仲出入西貢獨立屋Photo from 蔡思貝 IG

佢喺IG Story回應傳聞,直言:「我的確很富貴」,表示身邊有好多愛錫、信任佢嘅朋友、親人同工作伙伴:「我會繼續照顧好自己,做好我的工作,謝謝你們的關心。#小時候上學不明白為何要學看圖作文 #長大後才發覺原來真的能夠學以致用 #enoughisenough」」

蔡思貝喺IG Story回應傳聞,直言:「我的確很富貴」Photo from 蔡思貝 IG

蔡思貝表示身邊有好多愛錫、信任佢嘅朋友、親人同工作伙伴Photo from 蔡思貝 IG

馮盈盈進駐住海景豪宅、孭$20萬Hermès

港姐冠軍馮盈盈向來愛喺IG晒精心打扮嘅造型,有網友發現其中一張生活照佢孭嘅Hermès Kelly袋價值$20萬,更要VIP訂製,其後佢晒出新居嘅坐擁無敵大海景亦引起關注。

港姐冠軍馮盈盈向來愛喺IG晒精心打扮嘅造型,有網友發現其中一張生活照佢孭嘅Hermès Kelly袋價值$20萬,更要VIP訂製Photo from 馮盈盈 IG

馮盈盈晒出新居嘅坐擁無敵大海景亦引起關注。Photo from 馮盈盈 IG

馮盈盈就回應指全部都係靠自己努力工作賺錢得嚟,海景豪宅係佢同家人一齊租住,爸爸喺佢18歲生日後一直都有keep住送名牌袋畀女兒。

馮盈盈就回應指全部都係靠自己努力工作賺錢得嚟,海景豪宅係佢同家人一齊租住Photo from 馮盈盈 IG

陸詩韻揸跑車出入、豪晒名牌手袋山

同樣係香港小姐出身嘅陸詩韻於2009年息影從商,生意越做越大。名下座駕為保時捷(Porsche),喺深水埗長大嘅佢歷任緋聞男友非富則貴。

廣告
廣告

香港小姐出身嘅陸詩韻於2009年息影從商,生意越做越大。名下座駕為保時捷(Porsche)Photo from 陸詩韻IG

佢IG一張晒出各種名牌手袋嘅舊照更引起關注,不過佢之後澄清相中嘅名牌手袋都係用作義賣之用。

陸詩韻IG一張晒出各種名牌手袋嘅舊照更引起關注,不過佢之後澄清相中嘅名牌手袋都係用作義賣之用。Photo from 陸詩韻IG

何依婷揸名車落九龍塘掃貨

2017年港姐亞軍何依婷之前喺《十月初五的月光》首度擔正做女主角,備受力捧。

2017年港姐亞軍何依婷喺《十月初五的月光》首度擔正做女主角Photo from 何依婷 IG

細個住黃大仙公屋嘅佢係一級榮譽畢業嘅高材生,曾於會計師事務所任職。佢被指「忽然富貴」,唔止揸$50萬名車出入,更喺貴價護膚品店僅用15分鐘極速掃貨。

細個住黃大仙公屋嘅何依婷被指「忽然富貴」,唔些揸$50萬名車出入,更喺貴價護膚品店掃貨。Photo from 何依婷 IG

蔚雨芯擁過百萬名牌手袋,住獨立豪宅

蔚雨芯入行10年星途平平,但佢似乎好有米,開展美容事業做老闆娘,有幾千呎嘅辦公室。佢曾被爆戀上大馬千億富二代,生活亦越嚟越富貴!進駐設私家泳池嘅獨立屋,家中放滿名牌手袋嘅高櫃更有Hermès、LV、Chanel、Gucci等各種名牌手袋,估計總值過百萬!

蔚雨芯入行10年星途平平,但佢似乎好有米,開展美容事業做老闆娘,有幾千呎嘅辦公室。Photo from 蔚雨芯 IG

蔚雨芯被爆戀上大馬千億富二代,生活亦越嚟越富貴!進駐設私家泳池嘅獨立屋Photo from 蔚雨芯 IG

蔚雨芯家中放滿名牌手袋嘅高櫃更有Hermès、LV、Chanel、Gucci等各種名牌手袋,估計總值過百萬!Photo from 蔚雨芯 IG

對於被指「突然富貴」,蔚雨芯表示已同大馬男友分手,自己擁有嘅都係來自屋企人。

對於被指「突然富貴」,蔚雨芯表示已同大馬男友分手Photo from 蔚雨芯 IG

蔚雨芯指自己擁有嘅都係來自屋企人。Photo from 蔚雨芯 IG

DaDa陳靜多次入手買豪宅,名牌手袋裝滿成個櫃

DaDa曾被拍與中年富商撐枱腳,佢當時表示兩人係朋友,平時有請教對方投資上嘅問題,另外DaDa又指同內地富二代王思聰係「識咗好耐嘅朋友」,身邊有唔少富豪朋友嘅DaDa出道後生活亦越嚟越富貴,經常周遊列國,享受生活。

身邊有唔少富豪朋友嘅DaDa出道後生活亦越嚟越富貴,經常周遊列國,享受生活。Photo from DaDa IG

佢21歲便以400萬買入700呎單位,之後越住越豪,再入票買3,000萬四房豪宅。DaDa住得富貴之餘,行頭都唔細,佢自拍大晒屋企嘅衣帽間,衣帽間空間超大,更放滿大量名牌手袋,似手袋店陳列櫃。

DaDa自拍大晒屋企嘅衣帽間Photo from DaDa IG

DaDa家中衣帽間空間超大,更放滿大量名牌手袋,似手袋店陳列櫃。Photo from DaDa IG

郭奕芯花800萬買樓,坐林寶堅民行頭遠超一線女星

𡃁模郭奕芯出道多年,雖然出過寫真,但星途平平,不過原來佢都好富貴!佢最近榮升業主,以$800萬買入西營盤一個新樓盤。

郭奕芯原來都好富貴!最近榮升業主,以$800萬買入西營盤一個新樓盤。Photo from 郭奕芯 IG

睇返佢IG,原來出門座駕係林寶堅尼,仲有Hermès mini Kelly,出門行頭已遠超唔少一線女星!

郭奕芯出門座駕係林寶堅尼,仲有mini Kelly,出門行頭已遠超唔少一線女星!Photo from 郭奕芯 IG

「餅碎」區文詩住3000萬西半山豪宅、擁60萬鱷魚皮Hermès

「Cookies餅碎」區文詩(Angela)雖然未見有咩代表作,但佢生活富貴,唔比其他Cookie成員差!平日經常喺遊艇開party嘅區文詩收藏唔少名牌手袋,最名貴嘅Hermès 鱷魚皮Birkin估值超過$60萬!

區文詩平日經常喺遊艇開partyPhoto from 區文詩 IG

區文詩嘅Hermès 鱷魚皮Birkin估值超過$60萬!Photo from 區文詩 IG

投資有道嘅佢早已成為業主,更以超過$3,000萬購入西半山一個頂層連天台過千呎單位,係圈中富婆之一!

區文詩以超過$3,000萬購入西半山一個頂層連天台過千呎單位Photo from 區文詩 IG

謝芷倫升呢做老闆娘,平日常出入遊艇會

喺《愛回家之開心速遞》飾演大小姐秘書「Mandy」嘅謝芷倫平日不時出入遊艇會開party。睇佢post嘅生活照,佢住嘅應該係複式單位,屋企超大之餘仲有巨型露台。

喺《愛回家之開心速遞》飾演大小姐秘書「Mandy」嘅謝芷倫平日不時出入遊艇會開party。Photo from 謝芷倫 IG

謝芷倫 IG post嘅生活照,佢住嘅應該係複式單位,屋企超大之餘仲有巨型露台。Photo from 謝芷倫 IG

佢之前更疫市投資6位數開設花膠生意做老闆娘,生活富貴又寫意。

謝芷倫最近更疫市投資6位數開設花膠生意做老闆娘Photo from 謝芷倫 IG

傅嘉莉晒Hermès袋竟比張寶兒、莊思敏更富貴?

傅嘉莉做《姊妹淘》主持時曾大晒佢收藏嘅手袋,佢曾分享自己擁有嘅LV、Dior手袋,佢更有兩個Hermès:紅色鴕鳥皮Kelly、Togo拼鱷魚皮Birkin,估計兩個袋總值已有$46萬,比大馬拿督女莊思敏同富家千金張寶兒更富貴!

傅嘉莉做《姊妹淘》主持時曾大晒紅色鴕鳥皮KellyPhoto from 《姊妹淘》

傅嘉莉仲有Togo拼鱷魚皮Birkin,估計兩個袋總值已超過$45萬,比大馬拿督女莊思敏同富家千金張寶兒更富貴!Photo from 《姊妹淘》

曾與已婚富商、富二代髮型師傳緋聞嘅傅嘉莉被指「突然富貴」,入住豪宅、揸名車,佢曾表示只係樓換樓。

曾與已婚富商、富二代髮型師傳緋聞嘅傅嘉莉被指「突然富貴」Photo from 傅嘉莉 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel