金剛前女友小嫻被爆收入僅夠糊口？仍拒絕合體，雞翅生意現況公開

娛樂新聞

By Jennifer on 17 May 2022

Digital Editor

金剛（李信樵）與小嫻（黃瑜嫻）日前宣佈分手，令唔少網友大感婉惜。外界亦十分關心佢哋日後嘅發展，據知佢哋嘅工作仍然係由同一位經理人負責，小嫻更被爆經濟狀況！

Photo from 小嫻 Facebbok

金剛小嫻宣佈分手，回復朋友關係

小嫻喺Facebook同金剛合體開直播宣佈年半情斷，兩人更坦言已經分開咗一段時間，因為直播先再度見面。佢哋指問題出於彼此個性唔同，雖然嘗試磨合但無效，唔想連朋友都無得做決定分開。

Photo from 金剛 IG

直播中金剛更一度講到喊，令小嫻有啲不知所措。金剛表示感謝小嫻，又話喺呢段感情中學到好多，分手後依家有種「畢業」嘅感覺。

Photo from 小嫻 Facebbok

獨居昔日愛巢，小嫻被爆收入「勉強糊口」？

雖然唔再係情侶，但佢哋指大家仍然係朋友。分手後金剛亦搬離咗愛巢，小嫻現時住獨居。據台灣傳媒報道，小嫻一個月會接到3、4個「業配」，收入只能勉強糊口。

Photo from 小嫻 IG

不過經理人指小嫻3月參加導覽員課程，會持續到6月，佢有意留喺當地生活，加上已考獲潛水牌等，唔使擔心佢嘅經濟狀況，經理人又透露小嫻讀導覽員課程唔係為賺錢，主要係為興趣。

Photo from 小嫻 IG

金剛小嫻雞翅生意去向

分手之前金剛小嫻曾一齊經營雞翼檔，網民亦好關心攤檔會點處理，小嫻曾表示金剛會繼續打理雞翅生意，自己一開始就只係幫手，工作都係屬於金剛一人。而喺分手直播中金剛自爆本來要出單但唔記得咗，小嫻聽到本身想幫手，但佢提醒自己分咗手要互相尊重，唔好再插手，否則又會嗌交。

Photo from 金剛 IG

兩人唔再透露分手細節，拒絕合體

雖然分手後兩人都獲好多工作邀請，不過經理人就指因為疫情關係主力接線上工作，兩人都唔想再提分手原因等細節，小嫻亦表示佢同金剛和平分開，唔會再談論呢件事，其實喺直播最後金剛想同小嫻擁抱，卻被直接拒絕：「不用！擁抱好像在做秀，不喜歡這種感覺。」相信未來一段時間佢哋都唔會合體出現。

Photo from 小嫻 Facebbok

Photo from 金剛 IG

相關文章：江嘉敏宣佈分手tag富貴男友暗示偷食，對方竟刪除帳號劃清界線？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

金剛小嫻分手原因曝光，女方3月時已抱怨「受不了」！直播舉動洩露二人性格差異大？金剛歷任女友都擁有魔鬼身材

12 May 2022

台灣藝人金剛（李信樵）昨日（11日）宣佈與女藝人小嫻分手，二人一齊亮相於直播中，期間佢哋仲難過落淚。據悉，佢哋已經分手一個月，而女方於3月嘅時候就曾經表示受不了金剛嘅瞓覺習慣，加上個性差異十分大，導致感情決裂！

Photo from 小嫻IG

金剛於2009年來港發展，直到2017年返回台灣

現年41歲嘅台灣籍藝人金剛（李信樵）於2009年曾經來港發展，因有份主持綜藝節目《超級遊戲獎門人》而為人熟悉，憑獨特搞笑嘅廣東話口音獲得唔少觀眾嘅支持！過往佢曾經同港姐張嘉兒、蔡慧欣、搭檔阮小儀傳出緋聞，而喺香港發展期間唯一承認過嘅女友就係Sing之天使「桔」陳蕊蕊；直到2017年，佢與大台嘅合約期滿後就決定回台灣發展。

Photo from 《超級無敵獎門人》

Photo from 金剛IG

2019年曾於台灣火辣女星梁云菲交往

其後，金剛於2019年4月被爆與身材火辣嘅梁云菲熱戀，二人愛得甜蜜，仲表示希望2年內結婚。可惜二人2020年4月突然對外宣佈分手，戀情僅維持1年！

Photo from 金剛IG

2020年8月開始與小嫻熱戀！

2020年8月，金剛隨即公開與比佢大1年嘅小嫻交往，據悉女方於墾丁打工換宿，而咁啱金剛亦於當地渡假，二人因此擦出愛火！上年佢哋就一齊定居於屏東，並開始經營雞翼生意，於墾丁街頭擺攤賣雞翼，以及網上送貨服務等；但就一度被網民質疑售價太高「一隻雞翼要40元台幣（約港幣$10）」，隨後金剛仲因為發現腫瘤而緊急動手術，但二人都互相扶持，共渡難關～

Photo from 金剛IG

金剛小嫻宣佈分手，結束將近2年感情！

直到昨日（11日），金剛同小嫻一齊開直播正式宣佈分手消息，仲話其實分手已經一個多月時間，已經分開居住「一個住台北、一個繼續留在屏東」，令唔少網民感到可惜。據悉，昨日亦係二人分手後首度見面，二人都忍唔住哽咽，而金剛仲激動落淚！

Photo from 小嫻FB

坦承分手原因！

二人強調係和平分手，未來亦將會以朋友身份互相支持大家。期間，小嫻有透露分手真正原因「個性差異大，嘗試磨合但沒效」，亦因此導致佢哋嘅衝突非常多！而直播嘅時候就似乎無意中暴露咗佢哋「性格不合」嘅證據：影片最後金剛想與小嫻擁抱，但就遭女方直接拒絕「不用！擁抱好像在做秀，不喜歡這種感覺。」

Photo from 金剛IG

Photo from 小嫻FB

3月時女方曾表示受不了金剛睡眠習慣？！

有網民仲發現小嫻早於今年3月就抱怨男方嘅瞓覺習慣，「再也受不了，翻來翻去睡不著，每次都比阿北（金剛）慢睡著，必須聽他的打呼聲，天知道他打呼若打雷」；而小嫻生日嘅時候，金剛亦提及「謝謝妳對我的記憶力不好的包容，也謝謝妳在我生日的時候說要改自己的脾氣」，睇嚟佢哋一直都努力嘗試為彼此做出改變，可惜最終都未能開花結果！祝福二人未來能夠搵到情投意合嘅另一半啦～