download HolidaySmart 假期日常 app
4月網紅Top10排行榜出爐!5位歌手榜上有名!第一名力壓歌手,以搞笑取勝?

4月網紅Top10排行榜出爐!5位歌手榜上有名!第一名力壓歌手,以搞笑取勝?

娛樂新聞
By Stephanie on 18 May 2022
Digital Content Writer

喺現今社交媒體盛行嘅時代,唔少藝人嘅一舉一動都因此而受到大眾嘅關注~日前,媒體分析公司「Cloudbreakr網紅數據分析平台」公佈4月份嘅Top 10網紅排行榜,當中上個月嘅熱門話題就係《CHILL CLUB推介榜 年度推介21/22》,所以唔少歌手都榜上有名!

「Cloudbreakr網紅數據分析平台」已經公開4月份10大網紅嘅排行!Photo from warnermusic

第10位:區明妙

現年21歲嘅區明妙係邵氏旗下藝人,綜合followers逾8萬,互動率有10.84%。近年佢有份出演多部大台電視劇,包括《青春不要臉》、《愛上我的衰神》等,演技獲得網民讚賞,而佢仲因為甜美嘅外表而被稱為「港版子瑜」!

現年21歲嘅區明妙近日有份出演唔同嘅大台電視劇!Photo from 區明妙IG

憑甜美青春外貌獲封為「港版子瑜」~Photo from 區明妙IG

第9位:游學修

YouTube 頻道「試當真」創辦人之一游學修嘅綜合followers有25萬人,互動率互動率係10位中最高,達到19.29%。最近,佢同「世一女神」Jessica(陳苡臻)公開戀情而備受關注,再加上「試當真」推出NFT亦成功引起網民熱議!

游學修係YouTube頻道「試當真」嘅創辦人之一!Photo from 游學修IG

4月尾,游學修與女神Jessica公開戀情!Photo from 游學修IG

第8位:保錡 @ERROR

保錡(吳保錡)嘅followers逾21萬,互動率就有10.16%。上個月佢就推出咗首支個人單曲《猥瑣》,成績唔錯~日前,佢上載自己有型揸車照,仲被網民講笑咁話同台灣明星汪東城撞樣?!

保錡早前推出首張個人單曲《猥瑣》Photo from 保錡IG

仲被網民指同前飛輪海成員汪東城超似?!Photo from 汪東成IG

第7位:許賢

YouTube 頻道「試當真」嘅另一位創辦人許賢followers達到15萬幾,而互動率就12.75%。近期,佢同成員蘇致豪以「MC KidNey」身份出席《Chill Club推介榜年度推介21/22》頒獎禮,同MIRROR表演《Black Mirror》獲大讚;仲疑似重演「關家姐」事件成為網民熱話!

許賢《Chill Club推介榜年度推介21/22》,仲疑似鬧出「關家姐事件」?!Photo from 許賢IG

上年佢以「MC KidNey」組合同Kayan9896所推出嘅《係咁先啦》大獲好評!Photo from 許賢IG

第6位:MC張天賦

歌手MC 張天賦嘅followers逾33萬,互動率有10.49%。而佢早前於《Chill Club推介榜年度推介21/22 》榮獲「年度新人金獎」,歌唱實力備受肯定!

MC張天賦於《Chill Club推介榜年度推介21/22》 獲得年度新人金獎!Photo from 張天賦IG

過往佢推出嘅《記憶棉》、《反對無效》等都獲得唔錯嘅成績!Photo from 張天賦IG

第5位:Gareth. T(湯令山)

R&B唱作歌手歌手Gareth. T(湯令山)followers超過13萬,互動率達到14.57%係。而佢亦有出席《Chill Club推介榜年度推介21/22 》,仲同姜濤一齊合唱《勁浪漫 超溫馨》x《鏡中鏡》~

唱作歌手湯令山係近年非常受歡迎嘅R&B歌手~Photo from 湯令山IG

喺頒獎典禮中,湯令山仲同姜濤合唱引起熱話~Photo from 《Chill Club推介榜年度推介21/22 》

第4位:陳蕾

創作女歌手陳蕾有逾31萬位followers,互動率達到8.03%。佢過往嘅歌曲都非常受歡迎,包括《相信一切是最好的安排》、《我想和你好好的》等,並於《Chill Club推介榜年度推介21/22 》獲得「年度女歌手銅獎」!

陳蕾於《Chill Club推介榜年度推介21/22 》榮獲「年度女歌手銅獎」~Photo from 陳蕾IG

佢本身亦會作曲作詞,十分厲害~Photo from 陳蕾IG

第3位:岑珈其

岑珈其 followers有19萬,互動率係7.78%~近年佢經常獲邀出演ViuTV電視劇,並有份擔任綜藝節目《膠戰》嘅主持人之一,人氣急升嘅佢工作接踵而來,成日都可以喺唔同嘅廣告或者視頻中見到佢嘅身影!

岑珈其有份出演多部ViuTV電視劇!Photo from 《IT狗》劇照

亦係綜藝節目《膠戰》嘅6大主持人之一~Photo from 岑珈其IG

第2位:Taylor R

加拿大籍模特兒 Taylor R 坐擁接近240萬粉絲,互動率達10.81%。近年佢轉型成為網絡紅人,而佢早前就向大家分享佢靠IVF人工受孕成功懷孕嘅經歷!值得一提嘅係Taylor R係3月份網紅排行榜冠軍~

加拿大籍模特兒兼網紅本身擁有240萬粉絲!Photo from Taylor R IG

早前向大家分享人工受孕成功而受到關注!Photo from Taylor R IG

第1位:阿正

阿正(黃正宜)綜合followers 有接近25萬人,互動率係6.91%。現時佢係叱咤903嘅電台DJ,亦有出演唔同嘅綜藝節目《膠戰》、《GO!執!事務所》等,憑搞笑主持風格深受網民喜愛~

阿正係4月10大網紅排行榜嘅冠軍!Photo from 阿正IG

阿正最近有份出演真人騷《GO!執!事務所》Photo from 阿正IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

網民選出10位「最靚港姐冠軍」!李嘉欣/朱玲玲美貌至今依然難以超越?絕大部分都係好戲之人?

18 Apr , 2022

昨日(17日)《2022香港小姐競選會》嘅記者會於將軍澳電視城舉辦,並開始全球招募,今年嘅主題將會係「時代在變 美麗不變」。而一眾港姐師姐們都現身呼籲大眾踴躍參與~宜家即睇過往大家認為最靚嘅10位港姐冠軍啦,~

原來香港小姐競選已經舉辦咗49年,網民都曾經選出認為最靚嘅10位港姐冠軍!Photo from 《美麗傳奇50載》

不知不覺香港小姐競選已舉辦咗49年,並邀請一班過往曾獲獎嘅港姐出演《美麗傳奇50載》,大談比賽背後嘅點滴以及幕後故事。當中出演嘅分別有陳凱琳、朱晨麗以及「大師姐級別」嘅林麗薇、唐麗球等。

久未露面嘅林麗薇、唐麗球都有份出演港姐特備節目~Photo from 《美麗傳奇50載》

幾位過往港姐大談當年參選時嘅事蹟~Photo from 《美麗傳奇50載》

過往曾參選嘅佳麗們都各有特色,宜家即刻睇下大眾認為嘅10位最靚嘅港姐冠軍啦(排名不分先後)!

1. 朱玲玲

朱玲玲當年榮獲港姐冠軍以及「最上鏡小姐」,成為首位獲得2個獎項嘅港姐!佢入行後拍攝咗2部電視劇後,突然於1978年就與認識9個月嘅商人霍震霆結婚,令唔少大眾感到震驚,二人已經喺2004年宣佈離婚。

朱玲玲當年成為首位獲得冠軍以及最上鏡小姐嘅港姐~Photo from 1977年港姐競選

參選後嘅一年,佢就立刻與商人霍震霆閃婚!Photo from 1977年港姐競選

後來,朱玲玲於2008年與瑞安集團老闆羅康瑞結婚,再次嫁入豪門,令佢嘅婚姻再一次備受大眾關注!另一方面,佢亦係慧妍雅集創會會長以及永久名譽會長,集合歷屆港姐們,主要係做慈善及公益活動。

朱玲玲與前夫霍震霆育有3名兒子~Photo from 娛樂新聞台

朱玲玲仲係慧妍雅集嘅創會會長!Photo from 娛樂新聞台

2. 李嘉欣

李嘉欣喺1988年年榮獲港姐冠軍後,同年亦獲得「第一屆國際華裔小姐競選」冠軍,獲大眾封為「最美港姐」~入行後嘅佢曾出演唔少電影及劇集,包括《鹿鼎記II神龍教》、《墮落天使》等。

李嘉欣當年獲選為冠軍後,再於國際華裔小姐競選奪得冠軍!Photo from 1988年港姐競選

李嘉欣入行後曾出演多部電影!Photo from 李嘉欣IG

直到2008年,李嘉欣與富商許晉亨結婚,並於2011年誕下兒子許建彤(Jayden),佢就減少幕前工作,專心相夫教子!

李嘉欣於2008年與富商許俊亨結婚!Photo from 李嘉欣IG

3. 袁詠儀 

袁詠議當年榮獲冠軍以及「最上鏡小姐」2個獎項,其後入行拍攝多部電視劇,成為當紅花旦。1992年,佢開始拍攝電影,出演經典電影《新不了情》、《金枝玉葉》等,連續2年榮獲香港金像獎「最佳女主角」,演技實力備受肯定!

袁詠儀獲得港姐冠軍以及最上鏡小姐!Photo from 1990年港姐競選

袁詠儀於1993年榮獲金像獎新人獎,在於1994年及1995年連續2年榮獲最佳女主角!Photo from 1995年金像獎

2001年袁詠儀與張智霖結婚,並於2006年誕下兒子張慕童,一家三口非常幸福~現時袁詠儀與丈夫都將事業重轉往內地。

現時袁詠儀主要同張智霖夫妻檔拍綜藝節目居多!Photo from 《妻子的浪漫旅行2》

4. 郭藹明

郭藹明當年以碩士身份參選,仲同時獲得「國際親善小姐」及「最佳談吐幽默獎」,美貌與智慧並重!其後佢活躍於拍攝電視劇,出演《刑事偵緝檔案II》、《天地豪情》等,都大獲好評~

郭藹明係2001年港姐冠軍~Photo from 1991年港姐競選

喺拍攝《大時代》期間,郭藹明與劉青雲結緣。有指當時二人其實並唔熟悉,但喺周慧敏牽線之下成功擦出愛火花,佢哋於1998年結婚,婚後經常大晒恩愛,係大家眼中嘅模範夫妻!

郭藹明於1992年拍攝《大時代》而認識劉青雲!Photo from 《大時代》

二人於1998年結婚!Photo from 娛樂新聞台

5. 李珊珊 

李珊珊係1996年港姐冠軍,1997年再獲得國際華裔小姐競選亞軍,憑好身材以及高挑身形搶奪大眾目光,被大家稱為「性感女神」~1998年,佢與錢嘉樂公開戀情,可惜2007年被傳出因為對結婚意見不一而分手,8年情斷!

李珊珊1996年港姐冠軍得獎者!Photo from 1996年港姐競選

李珊珊 表示自己曾患有驚恐症,希望透過自身經歷替同路人加油打氣!Photo from 精神健康基金會@Facebook

6. 向海嵐

向海嵐榮獲1998年港姐冠軍殊榮後就立刻入行,當年備受力捧,而且大多出演古裝戲,演技獲大讚!直到2008年,佢宣佈離巢,並淡出幕前,轉行做公關,令唔少網民直呼可惜。有指佢近年回港與朋友合資做珠寶生意,成為事業型女強人~

向海嵐係1998年港姐冠軍!Photo from 1998年港姐競選

向海嵐出演古裝戲居多,佢於《楊貴妃》中出演楊玉環一角成為唔少網民心目中嘅經典!Photo from 《楊貴妃》

7. 郭羨妮 

郭羨妮係繼李嘉欣之後,第二位成功獲得香港小姐競選及國際華裔小姐冠軍嘅佳麗~入行後第一部電視劇就係重頭戲《尋秦記》,之後亦受到電視台重視,獲得唔少演出機會!

郭羨妮獲得1999年港姐競選,以及國際華裔小姐冠軍,成雙料冠軍!Photo from 1999年港姐競選

郭羨妮第一部電視劇就係《尋秦記》,可見當時一出道就已經備受力捧!Photo from 《尋秦記》

2011年,郭羨妮與內地動作導演朱少傑結婚,並育有一名女兒。淡出幕前多時嘅佢,最近被傳出將會出演ViuTV電視劇《冥冥之中》,令大家都非常期待佢嘅表現!

2011年與內地動作導演朱少傑結婚,並育有一女!Photo from 郭羨妮IG

有指佢接拍ViuTV劇集《冥冥之中》Photo from 郭羨妮IG

8. 徐子珊 

徐子珊2004年港姐競選獲得港姐冠軍、修身美態獎、最上鏡小姐及國際親善小姐一共4個獎項;次年就開始參與電視劇拍攝,曾出演《學警出更》、《法政先鋒III》等,多次入圍萬千星輝頒獎典禮「最佳女主角」最後5強;曾憑電影《跟蹤》榮獲香港金像獎最佳新人獎!

徐子珊係2004年港姐冠軍!Photo from 2004年港姐競選

曾榮獲「我最喜愛電視女角色」~Photo from 娛樂新聞台

2015年,徐子珊修讀專業珠寶設計及彩色寶石專業課程,開拓新事業;2019年佢宣佈息影,將會前往歐洲修讀心理學碩士課程!

徐子珊2019年正式宣佈息影,到國外修讀心理學碩士課程!Photo from 徐子珊微博

9. 陳凱琳 

陳凱琳憑著深邃五官以及甜美笑容,脫穎而出獲得2013年港姐冠軍!據悉,佢當年仲未卸任就已經獲安排出演台慶劇《名門暗戰》,而佢於2014年再獲得國際中華小姐競選冠軍。

陳凱琳係2013年港姐冠軍~Photo from 2013年港姐競選

陳凱琳尚未卸任時就已經出演台慶劇《名門暗戰》!Photo from 《名門暗戰》

2015年,陳凱琳因為拍攝電視劇《殭》而認識比佢大22年嘅鄭嘉穎,二人2018年結婚,並誕下大兒子鄭承悅(Rafael)及二子鄭承亮(Yannick)。

陳凱琳與鄭嘉穎於2018年結婚!Photo from 東張西望

一家四口超幸福~Photo from 陳凱琳IG

10. 麥明詩 

「十優港姐」麥明詩當年憑著美貌以及大方得體嘅談吐贏取評判們嘅歡心~入行後,佢被安排擔任主持工作,包括:明珠台英語節目《港生活港享受》、2016年里約奧運主持、《後生仔傾下偈》等,後來亦開始參演電視劇。

「10優港姐」麥明詩獲得2015年港姐冠軍殊榮!Photo from 2015年港姐競選

麥明詩入行後主要係主持節目居多~Photo from 《後生仔傾吓偈 》

2019年,麥明詩宣佈暫時淡出幕前工作,並轉行成為OL,但依然不時成為網民熱議對象。最近,佢有份主演嘅亞視電視劇《逐流時代》正在熱播中,睽違2年再度以電視劇形式出現於幕前,令大家都非常期待佢嘅演技!

麥明詩2019年宣佈暫時淡出娛樂圈,並轉行成為顧問!Photo from 麥明詩IG

麥明詩與黃德斌一齊出演《逐流時代》Photo from 麥明詩IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel