download HolidaySmart 假期日常 app
港男斷正內地妻偷食嬲爆拍片!結局反轉老公道歉?「還不到錢我都好內疚」

港男斷正內地妻偷食嬲爆拍片!結局反轉老公道歉?「還不到錢我都好內疚」

生活熱話 娛樂新聞
By Cheryl on 19 May 2022
Digital Editor

夫婦之間感情有變可引起激烈爭執。最近,有人在一個Facebook群組發佈3段影片,內容顯示一名香港男子與內地妻子對質,男方大罵對方偷食之餘,更一度動粗,但影片後段卻出現大反轉,男方竟然要向妻子道歉?!

夫妻當中,一旦有人偷情就難免爭執。Photo from 《夫妻的世界》劇照

日前,有網民在一個Facebook群組分享了3條短片,可見事發地點在一個停車場裡,鏡頭主要影著一名身穿桃紅色貼身裙、操流利普通話嘅中年女子(下稱內地妻),而拍攝者則係一名操純正廣東話男子(下稱港夫)。

短片主要拍攝一名桃紅色裙嘅女子。Photo from Facebook@香港江湖日報之ON9限定 2.0

港夫發現內地妻偷食激動對質

片中,港夫直指妻子手機通訊錄出現多名陌生男子資料,而且稱號特別,包括「完美醫生」和「老大」等,更指女方經常瞞住老公去滾,且情況持續了數月。心有不忿嘅港夫直斥:「唔好當我傻仔!」

港夫不斷質問妻子,女方則默不作聲。Photo from Facebook@香港江湖日報之ON9限定 2.0

港夫發現妻子有古怪後,便開始跟蹤對方,隨後發現佢多次在凌晨3時多前往酒店同人幽會,但自己就要留家照顧小孩,又曾目擊對方在私家車內同奸夫講情話,到今次佢終於斷正出發去滾嘅妻子,又明言已掌握證明妻子偷食嘅電話錄音。

丈夫越講越激動,對女方動手時情況一度混亂。Photo from Facebook@香港江湖日報之ON9限定 2.0

港夫激動大罵:「你畀綠帽我戴?」之後即對妻子動武,同時大叫「叫個男人落嚟呀!」原本默不作聲嘅女方,都勸喻:「不要那麼激動!」惟對方情緒失控,回罵:「你開房我唔激動?!」更聲稱會隨時打爛妻子嘅私家車,再疑用手抓住女方頭髮,大力將佢推向車身。

丈夫曾疑似用手抓著妻子頭髮。Photo from Facebook@香港江湖日報之ON9限定 2.0

港夫一度大力將妻子推落私家車上。Photo from Facebook@香港江湖日報之ON9限定 2.0

內地妻力數丈夫4宗罪

第二條短片中,內地妻質問:「你這幾年給過我甚麼?」然後開始力數丈夫「罪狀」,直言:「你一分錢家用都沒有給我」,再指對方生意失敗、要賣車賣樓同時欠債,媽媽更動用了不少金錢去挽救女婿生意。港夫則反駁,生意差並非控制範圍之內,亦唔代表妻子因此偷情係合理。

內地妻在第二段影片打爆丈夫在財政上嘅「罪狀」。Photo from Facebook@香港江湖日報之ON9限定 2.0

港夫道歉?

到第三條片,港夫叫妻子唔好攞媽媽做擋箭牌,斥對方偷食係個人選擇。但佢突然改變語氣指:「我對唔住你阿媽,我無諗到呢壇嘢會搞到咁大鑊,我都想還錢...」又用港普稱:「還不到錢我都好內疚!」佢坦言現在正全力做好工作,並會努力將錢賺回來。

丈夫因為錢財問題在爭執途中向妻子同佢嘅媽媽道歉。Photo from 《夫妻的世界》劇照

網民錯重點

有網民認為,男方借了女家錢就係弱勢,當然都有聲音狠批女方嘅偷情行為。不過,好多人都將重點放到內地妻身上,紛紛留言讚佢靚,「這個女人真是美」、「身材好好」。仲有人覺得,雖然佢愛慕虛榮但幾有貴氣,所以建議佢結識鑽石王老五。

有網民留言大讚內地妻嘅身材。Photo from Facebook評論

仲有網民讚佢有貴氣。Photo from Facebook評論

疑似有後續影片?

當網民以為只有3條片時,另有網友貼出一條後續片,當中顯示一名女士在餐廳自拍,鏡頭掃向坐在一起嘅港夫與內地妻,惟兩人只顧玩手機,並無談話。網民都不明所以,有人懷疑雙方已傾掂數,亦有人認為兩人剛吵完大架,真相係點就真係得當事人知道。

有人貼紙一段兩人無對話嘅影片。Photo from Facebook@香港江湖日報之ON9限定 2.0

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel