傳李冰冰已決定「不結婚不生子」,將10億身家留給外甥!上年宣佈結束4年姐弟戀!曾與台灣F4成員傳緋聞?

傳李冰冰已決定「不結婚不生子」,將10億身家留給外甥!上年宣佈結束4年姐弟戀!曾與台灣F4成員傳緋聞?

娛樂新聞
By Stephanie on 19 May 2022
Digital Content Writer

現年49歲嘅內地一線女演員李冰冰憑精湛演技,成功進軍荷李活成為國際演員~不過近日就傳出佢決定「不結婚、不生小孩」嘅傳聞,引起網民熱議,而且仲盛傳佢會將自己嘅巨額身家留俾2個外甥?!

有傳李冰冰已經決定「不婚不生」!
Photo from 李冰冰微博

李冰冰已成國際影星!

李冰冰入行至今已經28年,喺2009年憑電影《風聲」榮獲金馬獎視后殊榮,演技實力備受肯定!而佢亦憑清秀氣質成功紅遍全球,進軍荷李活,並獲邀出演《變形金剛4:毀滅紀元》、《巨齒鯊》等,事業發展順利~

李冰冰1994年入行,演出經驗豐富,獲獎無數!
Photo from 李冰冰微博

李冰冰憑精湛演技成功衝出亞洲!
Photo from 李冰冰微博

近日傳出決定「不婚不生」?!

然而,唔少網民都對於感情未有著落嘅李冰冰非常關注!近日,內地傳媒大爆佢其實已經唔考慮結婚或者生小朋友,仲打算將自己現時擁有逾10億嘅身家留俾2個外甥。

近日,內地媒體大爆李冰冰已經決定「不結婚、不生小孩」!
Photo from 李冰冰微博

將逾10億身家留給外甥子女!

據悉,李冰冰一直都對2個外甥子女視如己出,而呢對小朋友就係佢經理人兼胞妹李雪嘅子女!佢一有空閒就會帶同佢哋一齊出去玩,而佢嘅微博上亦有唔少同外甥嘅合照,睇得出佢真係十分疼愛佢哋~

李冰冰同一對外甥嘅關係好好~
Photo from 李冰冰微博

經常都會喺微博上見到佢哋嘅合照~
Photo from 李冰冰微博

曾被爆出有嚴重潔癖

過往李冰冰曾被爆出有嚴重潔癖,仲試過3年內換咗20個家務助理,即使用高薪$12萬都未能夠搵到合適嘅人選;令網民不禁猜測莫非係因為生活習慣,導致難以尋找另一半?!

李冰冰曾被爆有嚴重潔癖,換過唔少家務助理!
Photo from 李冰冰微博

而佢似乎對洗菜嘅要求非常講究!
Photo from 李冰冰微博

上年回復單身

而李冰冰對上一段公開嘅戀情,係2017年與細16年嘅圈外人許文楠交往,亦係佢首次公開承認戀情!直到上年,佢向媒體透露二人關係出現變化「關係上不再是戀人,但成了情逾骨血的親人」,結束大約4年嘅姐弟戀,並揚言二人分手後亦是朋友。

2017年,李冰冰公開與細16年嘅圈外男友許文楠嘅戀情!
Photo from 李冰冰微博

可惜二人於上年分手,但依然保持朋友關係
Photo from 李冰冰微博

出道初期緋聞多多,但後期卻成為「緋聞絕緣體」!

李冰冰剛出道嘅時候分別與男演員任泉、富豪石濤傳緋聞;而最為轟動嘅就係2007年同台灣F4成員朱孝天被傳媒拍攝到一同進出酒店,據悉當時佢哋正合作拍攝偶像劇《天空之城》。不過後來李冰冰就鮮少被爆出緋聞,全力專心工作!

李冰冰出道初期曾與任泉、石濤傳緋聞!
Photo from 李冰冰微博

2007年,李冰冰與同劇台灣演員朱孝天傳緋聞,引發熱議!
Photo from 《天空之城 》劇照

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

李冰冰潔癖嚴重 3年內辭退20位工人 出12萬一個月都請唔到人?!

25 Aug , 2021

唔少藝人都因為工作繁忙,而需要聘請家務助理為佢哋打點屋企嘅一切,不過要聘請到一位適合自己嘅工人都並非容易嘅事。近日有傳內地女星李冰冰原來有非常嚴重嘅潔癖,即使用高價$12萬都未能夠聘請到家務助理!

原來佢有嚴重潔癖?!
Photo from 李冰冰微博

金馬獎影后李冰冰憑精湛嘅演技以及有氣質嘅外表紅遍亞洲,仲進軍荷李活成為國際影星,事業發展可以話係一帆風順!唔少網民對李冰冰嘅印象都係非常平易近人,事關佢曾經以嘉賓身份上內地真人騷《嚮往的生活》時,好快就同主持人們打成一片,再加上節目於農場拍攝,就更加令網民覺得佢俾人感覺非常「貼地」~

進軍荷李活,奠定國際演員地位!
Photo from 李冰冰微博

於農莊拍攝 俾人感覺超好相處~
Photo from 《嚮往的生活》

不過李冰冰其實有非常嚴重嘅潔癖,就算用高薪$12萬聘請家務助理都未能搵到合適嘅人選。有傳佢仲曾經喺3年內換走咗20位家務助理,要求超高嘅佢仲會親自為佢哋面試進行考核,並且確保家務助理要跟足佢嘅標準去打掃先會受聘!

因潔癖而難搵家族助理?!
Photo from 李冰冰微博

據悉曾經有位女生接受考核時,單單係洗菜就已經洗咗8次咁多,洗到連菜葉都已經爛嘅程度。但李冰冰依然表示不滿,仲一下子將所有菜扔去垃圾桶入面,批評佢洗菜唔夠乾淨!

對洗菜特別執著?!
Photo from 李冰冰微博

洗8次菜都唔夠?
Photo from 李冰冰微博

應徵者當時就十分困惑,詢問李冰冰「正確」嘅洗菜方法。李冰冰隨即話洗菜嘅時候,必須戴上手套否則病菌會黏係菜上面,就算點洗都係徒勞無功!而佢仲話洗完嘅菜就要盡快烹煮,因為菜長期暴露於空氣之中,就同冇洗過一樣。

親自傳授洗菜秘訣!
Photo from 李冰冰微博

其實李冰冰對洗菜嘅執著都曾經喺節目中顯露過出嚟:拍攝節目《嚮往的生活》時,佢就多次主動話要負責洗菜,仲暴露自己用鹽水洗菜嘅習慣;而且佢認為洗菜過程太草率,將菜清洗咗好幾遍,令人不禁驚嘆佢對食物衛生嘅要求真係好高!

會用鹽水洗菜 去除農藥!
Photo from 《嚮往的生活》

認為洗嘅過程唔夠乾淨!
Photo from 《嚮往的生活》

李冰冰除咗注重食物衛生之外,當然亦好注重家居嘅清潔程度啦!每個到訪佢屋企嘅朋友都必須戴上鞋套,想坐佢屋企嘅梳發之前都要舖好衛生坐墊先;而長頭髮嘅客人就一定要將頭髮綁起,以免頭髮掉落喺地墊上!睇嚟做得佢朋友都要頂得住佢嘅嚴重潔癖先得喇~

當然唔少得保持家居衛生啦!
Photo from 李冰冰微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
AmberHeard要求上訴重審 指裁決唔合理 1原因疑有人假冒陪審員
AmberHeard要求上訴重審 指裁決唔合理 1原因疑有人假冒陪審員
15 hours ago
「星女郎」黃聖依自爆每日幫丈夫洗腳?!嫁入豪門隱婚8年,居住逾7千呎豪宅!
「星女郎」黃聖依自爆每日幫丈夫洗腳?!嫁入豪門隱婚8年,居住逾7千呎豪宅!
16 hours ago
【雷神4】《雷神奇俠4:愛與雷霆》8大看點搶先睇!雷神裸臀無碼登大銀幕/屠神者成MCU最佳反派!
【雷神4】《雷神奇俠4:愛與雷霆》8大看點搶先睇!雷神裸臀無碼登大銀幕/屠神者成MCU最佳反派!
18 hours ago
《開心無敵獎門人》正式回歸!3位新「獎老」加入!曾志偉解釋重啟節目原因:想拍俾年輕人睇!
《開心無敵獎門人》正式回歸!3位新「獎老」加入!曾志偉解釋重啟節目原因:想拍俾年輕人睇!
21 hours ago
爾冬陞靠人緣好贏金像獎 最佳導演贏咗周星馳 「因為我朋友多過佢」
爾冬陞靠人緣好贏金像獎 最佳導演贏咗周星馳 「因為我朋友多過佢」
2 days ago
林二汶忠實男粉絲寫下7,000字長文,批評對方「成個人變晒」!猜測受信仰所影響?道教師傅真身公開!
林二汶忠實男粉絲寫下7,000字長文,批評對方「成個人變晒」!猜測受信仰所影響?道教師傅真身公開!
2 days ago
Hottest Articles
最熱文章
《開心無敵獎門人》正式回歸!3位新「獎老」加入!曾志偉解釋重啟節目原因:想拍俾年輕人睇!
《開心無敵獎門人》正式回歸!3位新「獎老」加入!曾志偉解釋重啟節目原因:想拍俾年輕人睇!
21 hours ago
英國科學家成功研發「長生不老藥」,揚言:人人都可活到200歲!預計10年內推出市面
英國科學家成功研發「長生不老藥」,揚言:人人都可活到200歲!預計10年內推出市面
2 days ago
40歲宋慧喬零P圖照曝光!DeepV出席公開活動,罕晒性感成焦點
40歲宋慧喬零P圖照曝光!DeepV出席公開活動,罕晒性感成焦點
2 days ago
「星女郎」黃聖依自爆每日幫丈夫洗腳?!嫁入豪門隱婚8年,居住逾7千呎豪宅!
「星女郎」黃聖依自爆每日幫丈夫洗腳?!嫁入豪門隱婚8年,居住逾7千呎豪宅!
16 hours ago
林二汶忠實男粉絲寫下7,000字長文,批評對方「成個人變晒」!猜測受信仰所影響?道教師傅真身公開!
林二汶忠實男粉絲寫下7,000字長文,批評對方「成個人變晒」!猜測受信仰所影響?道教師傅真身公開!
2 days ago
老公好想移民英國但遭港媽拒絕,列出5大原因!唔想放棄專業工作
老公好想移民英國但遭港媽拒絕,列出5大原因!唔想放棄專業工作
14 hours ago