download HolidaySmart 假期日常 app
言承旭凍齡21年完美還原道明寺,《流星花園》演員現況

言承旭凍齡21年完美還原道明寺,《流星花園》演員現況

生活熱話 娛樂新聞
By Moon Lam on 20 May 2022
Digital Content Writer

近日內地綜藝節目《萌探探案》邀請台灣男星言承旭現身再扮《流星花園》嘅道明寺,唔理係造型定外表都同以前無乜分別,係微博吸引超過1000萬瀏覽量!仲被稱為「永遠的道明寺」!台版《流星花園》絕對係唔少人心目中嘅經典作品,到底一眾演員以前同依家有咩轉變?

《流星花園》Photo from 《流星花園》

言承旭(道明寺)

言承旭係未做《流星花園》前已經為台灣做緊世界知名品牌嘅模特兒,超高顏值加上壞男孩嘅氣質,演活漫畫入面對道明寺「個性跋扈的紈絝子弟」嘅描寫。

《流星花園》截圖Photo from 《流星花園》截圖

加上剩係對女主角溫柔嘅一面,好多人都係為咗睇道明寺而追劇。

《流星花園》截圖Photo from 《流星花園》截圖

《流星花園》完結後言承旭亦有接拍唔同嘅電視劇!出過個人專輯都好好成績,仲打入日本市場!

言承旭 微博Photo from 言承旭 微博

去年佢係大陸宣傳新戲被影低零修圖嘅相,已經轟動一眾網民,好似食咗防腐劑咁無老過!近日《萌探探案》入面佢再扮道明寺,頭巾髮型同無袖上衣,加上保養得勁好嘅凍齡外表同壯碩身材,完美重現當年嘅道明寺呀!

微博圖片Photo from 微博圖片

杉菜(徐熙媛)

徐熙媛(大S)當年憑《流星花園》紅遍全亞洲,一頭烏黑亮麗嘅中分長直髮成為杉菜嘅經典形象!出演時只係20出頭,青春又清純嘅外表飾演衣著斯文但好勝倔強嘅衫菜,令佢成為唔少人心目中嘅女神。

《流星花園》截圖Photo from 《流星花園》截圖

大S原來係曾經係社交媒體表示當年其實好唔鍾意衫菜呢個角色!唔少網民仲深感認同,衫菜嘅角色設定其實就係「綠茶」,當年自己努力美化咗呢個角色,仲話當年嘅觀眾好單純,先令呢個角色成為經典!

大S 微博Photo from 大S 微博

依家嘅大S已經無以前嘅baby fat,但外表依然亮麗有氣質,唔少台灣傳媒仲以「辣媽」稱呼佢!最近佢同初戀具俊曄閃電結婚,仲為對方紋身,大哂幸福!

大S 微博Photo from 大S 微博

花澤類(周渝民)

《流星花園》係周渝民(仔仔)第一套拍嘅劇,憑係呢部劇一舉成名!眼神憂鬱又風度翩翩嘅花澤類同原版漫畫描述嘅一模一樣,連原著作者都驚訝!當年俘虜咗幾多少女嘅心,完全係天使一樣嘅存在。

《流星花園》截圖Photo from 《流星花園》截圖

仔仔都曾經接拍唔同嘅電視劇,無論係長髮、短髮、古裝定留鬚,顏值一樣爆燈!仲有網民話佢愈老愈似梁朝偉!不過佢本人非常注重私隱,社交媒體上接近見唔到佢更新,最近一次現身已經係2021年,仍然保養得宜更有男人味

YouTube 木曜4超玩Photo from YouTube 木曜4超玩

美作(吳建豪)

吳建豪當年係《流星花園》令人印象最深刻嘅一定係佢一把飄逸嘅「掃把頭」,到依家都無乜男星敢carry呢個中分直髮!佢本身係美籍華人,加上ABC語調更加有花花公子嘅氣質!

《流星花園》截圖Photo from 《流星花園》截圖

依家既吳建豪間唔中都會留長髮,依舊殺食,就算係剪短頭髮都英氣十足!影視歌三棲都發展得相當唔錯,識六種語言仲有各類投資項目,堪稱天才典範!

吳建豪IG @vannesswuPhoto from 吳建豪IG @vannesswu

西門(朱孝天)

劇入面嘅西門係花花公子,間唔中嘅眼鏡造型令佢更加貴氣逼人。劇入面佢同小優一段情未有結果令人覺得可惜。

《流星花園》截圖Photo from 《流星花園》截圖

朱孝天係婚後比較少出現係幕前,不過最近都有接受媒體採訪,直言自己係F4入面混得最差嘅一個,網民更加指佢變成普通中年大叔。不過佢亦坦白當年突然爆紅令佢好唔適應,反而依家同太太過住普通人既生活,過得開心最重要。

朱孝天 IG @kenchu9Photo from 朱孝天 IG @kenchu9

小優(楊丞琳)

除咗花澤類嘅外型最貼近原著,小優呢個可愛嘅角色由當時只得十七歲嘅楊丞琳飾演絕對無搵錯人。當時佢仲未被封為「可愛教主」,亦係第一次拍劇,只演配角角色已經令人留下深刻印象。

楊丞琳 微博Photo from 楊丞琳 微博

依家嘅楊丞琳已經完全轉型,完全搣甩「可愛教主」嘅稱號,仲被稱為「全能天后」。轉型後嘅佢經常以唔同造型示人,不論長短髮都女人味十足。

楊丞琳 IG @rainie77Photo from 楊丞琳 IG @rainie77

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

44歲言承旭零修圖近照曝光!以為返咗去流星花園!網民:真人好瘦

11 May 2021

日前,44歲台灣男星言承旭於大陸宣傳新戲時,被人上載零修圖嘅原相上網。佢嘅凍齡狀態轟動一眾網民,仲登上咗微博熱搜!

人民文娛 微博Photo from 人民文娛 微博

昨日(10/5),言承旭現身天津宣傳新戲《有一點心動》。當日,佢以一身白T侐、米色西裝外套、及牛仔褲示人。網民唔單止認為其配搭極顯活力,仲覺得佢身材維持得相當唔錯,望落狀態極佳!

微博圖片Photo from 微博圖片

微博圖片Photo from 微博圖片

微博圖片Photo from 微博圖片

微博評論Photo from 微博評論

言承旭嘅逆天顏值喺微博曝光後,隨即引嚟大批網民熱議,更一度令「#言承旭狀態」登上微博熱搜!網民都大讚佢係真正嘅不老男神,無需濾鏡,一啲都睇唔出佢已經4字頭,問道:「食咗防腐劑嗎?」

微博圖片Photo from 微博圖片

微博評論Photo from 微博評論

微博評論Photo from 微博評論

網友仲覺得自己好似返咗去流星花園年代,就連言承旭嘅髮量都一樣咁茂盛!

微博圖片Photo from 微博圖片

微博評論Photo from 微博評論

微博評論Photo from 微博評論

亦有網民表示佢到過現場嘅朋友話言承旭真人好瘦,隨即進入流星花園嘅集體回憶模式!

微博評論Photo from 微博評論

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel