港女難頂男友經常亂噏!講到似層層,亂認阿媽終於「狼來了」

港女難頂男友經常亂噏!講到似層層,亂認阿媽終於「狼來了」

時事熱話
By Jennifer on 19 May 2022
Digital Editor

唔少女生都會崇拜學識淵博嘅男士,不過如果被踢爆只係亂噏就會好失威。近日討論區有女網友發文分享佢嬲咗男朋友,全因對方愛亂講嘢,仲要講到似層層,令佢難分真假,甚至仲影響埋個人形象!

近日討論區有女網友發文分享佢嬲咗男朋友
Photo from 《鬼怪》劇照

男友經常亂講嘢

喺心儀嘅女生面前,唔少人都會想展現自己充滿智慧嘅一面。連登討論區有網友發文指男朋友成日亂噏,但佢又上當以為係真,搞到自己十分無言。

連登討論區有網友發文指男朋友成日亂噏
Photo from 《鎮魂》劇照

樓主舉咗幾個例,佢表示因為男友多次亂講嘢,自己忍唔住嬲咗佢。有一次樓主買咗杯珍珠奶茶覺得啲珍珠好好食,男友就同佢講間店啲珍珠要慢煮8個鐘,再用人手一粒粒分開,又話:「(珍珠size)大細都有嚴格規定㗎!」樓主即回:「係咪堅」,點知男主指係亂噏。

有一次樓主買咗杯珍珠奶茶覺得啲珍珠好好食,男友就同佢講間店啲珍珠要慢煮8個鐘,再用人手一粒粒分開
Photo from 《太陽的後裔》劇照

男友指模型用太空纖維製作所以貴千幾蚊

樓主又試過同男友一齊睇模型,因為樓主無研究開模型,佢見到兩款個樣同size都差唔多,但價格竟然相差千幾蚊,於是問男友兩款模型有咩分別。男友一本正經咁表示貴啲嗰款係用太空纖維做,又指飛機都係用呢種物料,樓主天真問:「真係㗎?」男友再回佢只係亂講。

樓主又試過同男友一齊睇模型,因為樓主無研究開模型,佢見到兩款個樣同size都差唔多,但價格竟然相差千幾蚊,於是問男友兩款模型有咩分別。
Photo from 《暖男爸爸》劇照

男友一本正經咁表示貴啲嗰款係用太空纖維做,又指飛機都係用呢種物料
Photo from 《暖男爸爸》劇照

男友隨便指街邊師奶係媽媽,港女以為見家長

呢啲日常小事雖然當下會令人無言以對,但都算係情趣嘅一種,但樓主指最嬲一次係初初同男友拍拖,喺佢屋企樓下遇到一位師奶,本身兩個人拖住手,男友即刻Fing開:「我阿媽!」樓主啱啱同男友拍拖仲未做好心理準備見家長,錯愕之餘不忘對師奶展現燦爛笑容,樓主心有餘悸而男友竟然又稱只係佢亂噏,師奶根本唔係佢媽媽。

樓主指最嬲一次係初初同男友拍拖,喺佢屋企樓下遇到一位師奶,本身兩個人拖住手,男友即刻Fing開:「我阿媽!」
Photo from 《當男人戀愛時》劇照

樓主心有餘悸而男友竟然又稱只係佢亂噏,師奶根本唔係佢媽媽。
Photo from 《Running Man》

男友遇父親再重複出招,女友反擊卻變成「狼來了」

後來樓主再去男友屋企,喺樓下遇見一位大叔,男友又重展故技fing開手:「我阿爸!」不過今次樓主無上當,仲忍唔住用粗口鬧男友,點知呢個真係uncle,之後每次上男友屋企食飯,世伯就同樓主講:「女仔唔好講咁多粗口呀,要乖呀!」樓主稱每次同男友正正經經咁講嘢,對方就以大量化學詞彙回應:「一時又粒子又分子,一時又納米又二氧化碳,一味喺度亂噏」,樓主表示聽到好忟憎!

後來樓主再去男友屋企,喺樓下遇見一位大叔,男友又重展故技fing開手:「我阿爸!」不過今次樓主無上當,仲忍唔住用粗口鬧男友
Photo from 《鯊魚》劇照

之後每次上男友屋企食飯,世伯就同樓主講:「女仔唔好講咁多粗口」
Photo from 《公屋‧居屋‧私樓》劇照

網民指男友好幽默

有唔少網友睇完後大讚樓主男友夠幽默,認為咁關係先可以長久,因為每日keep住有新鮮感:「咁樣既男友唔係幾fun?」、「啲文字好有畫面」,有網民指佢男友都係咁,仲「傳授」應付亂噏男友嘅秘訣。

有唔少網友睇完後大讚樓主男友夠幽默
Photo from LIHKG

每日keep住有新鮮感
Photo from 《花束般的戀愛》劇照

有網民指佢男友都係咁,仲「傳授」應付亂噏男友嘅秘訣。
Photo from LIHKG

不過亦有人指樓主9成作緊故仔,但好多網友都指就算唔係真,樓主故事亦幾有趣。

亦有人指樓主9成作緊故仔
Photo from LIHKG

好多網友都指就算唔係真,樓主故事亦幾有趣。
Photo from 《紀念日》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女呷醋男友同朋友影合照被女仔翹手!男友解釋2大原因被指係藉口

17 Mar 2022

廣告
廣告

拍拖之後同異性朋友嘅相處都要保持返啲距離,唔係好易會令另一半誤會。日前討論區有網友發文指男友同朋友合照,被企隔離嘅女生翹住隻手,網友內心介意,但男友嘅解釋令佢疑惑:「真係一啲問題都無?」

拍拖之後同異性朋友嘅相處都要保持返啲距離,唔係好易會令另一半誤會
Photo from TVB

港女發現男友合照被女生翹手

同異性朋友嘅關係一旦處理得唔好分分鐘會影響伴侶關係,所以喺愛情同友情間要盡量取得平衡。連登討論區有網友發文指男朋友早前同班fd影合照,佢卻發現企男友隔離個女仔翹住咗男友隻手。

連登討論區有網友發文指男朋友早前同班fd影合照,佢卻發現企男友隔離個女仔翹住咗男友隻手。
Photo from TVB

男友解釋同異性朋友「親密」影相原因

樓主同男友坦言佢有啲介意,但男友稱影相時班fd話佢好似「被隔離」咁孤獨一人,所以隔離個女仔就變咗翹住佢隻手。

樓主同男友坦言佢有啲介意,但男友稱影相時班fd話佢好似「被隔離」咗孤獨一人,所以隔離個女仔就變咗翹住佢隻手。
Photo from TVB

不過樓主認為男友大可以拒絕「翹手」呢個親密舉動:「我問佢點解唔同人地講話『有女朋友費事啦』」,但男友又舉出2個原因反駁佢。

樓主認為男友大可以拒絕「翹手」呢個親密舉動,但男友又舉出2個原因反駁佢。
Photo from TVB

合照中所有人都知男友有拍拖

男友認為:「唔通我要大大聲咁同人講我有女朋友?」佢直言即使樓主覺得咁講無問題,佢自己都感到好尷尬,另外佢又指唔覺得「翹手」呢個動作有幾親密。

男友認為:「唔通我要大大聲咁同人講我有女朋友?」
Photo from TVB

男友又指唔覺得「翹手」呢個動作有幾親密。
Photo from TVB

樓主表示翹手女生雖然唔認識樓主,但同男友影相嘅所有人都知佢有女朋友,所以佢都好疑惑:「咁樣係咪真係一啲問題都無?」

樓主表示翹手女生雖然唔認識樓主,但同男友影相嘅所有人都知佢有女朋友
Photo from TVB

網民斥男友唔識保持距離反而怪責女友

大部分網民指樓主會介意根本好正常,相信樓主同男性朋友影相翹對手隻手,樓主男友都同樣會介懷。網友又指男友嘅回應無乜誠意:「你男朋友咁答都幾唔尊重你」

大部分網民指樓主會介意根本好正常
Photo from LIHKG

網友稱相信樓主同男性朋友影相翹對手隻手,樓主男友都同樣會介懷
Photo from TVB

網友又指男友嘅回應無乜誠意:「你男朋友咁答都幾唔尊重你」
Photo from LIHKG

網民表示即使當下喺朋友面前唔係幾好拒絕翹手,後尾知道女友介意都應該安慰返兩句,同其他女性保持距離,但樓主男友一句安慰都無不特止,仲要怪返樓主轉頭,唔少網友都話佢太過分!

網民表示即使當下喺朋友面前唔係幾好拒絕翹手,後尾知道女友介意都應該安慰返兩句
Photo from TVB

樓主男友一句安慰都無不特止,仲要怪返樓主轉頭,唔少網友都話佢太過分!
Photo from LIHKG

翹手只係社交禮儀?!

不過亦有人覺得翹手真係唔算親密動作,認為只係普通社交禮儀,又指要偷食嘅翹唔翹手都會偷食啦。

翹手無問題?
Photo from TVB

亦有人覺得翹手真係唔算親密動作,認為只係普通社交禮儀
Photo from LIHKG

網民指要偷食嘅翹唔翹手都會偷食啦。
Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
3 days ago
港男分享於英國工作感受!列出4大優點 25日AL/準時收工!網民認為:視乎咩工種
港男分享於英國工作感受!列出4大優點 25日AL/準時收工!網民認為:視乎咩工種
3 days ago
內地知名女創業家公開徵友!列出12項擇偶條件!強調:每個條件都需要滿足
內地知名女創業家公開徵友!列出12項擇偶條件!強調:每個條件都需要滿足
3 days ago
老公陪產興奮影BB出世 不慎影埋老婆私密處 奶奶傳上家庭gp
老公陪產興奮影BB出世 不慎影埋老婆私密處 奶奶傳上家庭gp
4 days ago
改名即變貴價食物!豬肉vs豚肉/牛肉飯vs牛肉丼/海綿蛋糕vs古早味蛋糕
改名即變貴價食物!豬肉vs豚肉/牛肉飯vs牛肉丼/海綿蛋糕vs古早味蛋糕
4 days ago
內地幼稚園老師激似Angelababy成熱話!爸爸爭相接送子女惹媽媽不滿?!
內地幼稚園老師激似Angelababy成熱話!爸爸爭相接送子女惹媽媽不滿?!
4 days ago
Hottest Articles
最熱文章
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
3 days ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
童話世界農莊|大埔30萬呎農莊!向日葵花田+餵白馬山羊BB
童話世界農莊|大埔30萬呎農莊!向日葵花田+餵白馬山羊BB
3 days ago