林志穎老婆晒台北過億豪宅睡房 智能家居樓底超高 好住過5星級酒店!

林志穎老婆晒台北過億豪宅睡房 智能家居樓底超高 好住過5星級酒店!

電視電影 娛樂新聞
By Cheryl on 20 May 2022
Digital Editor

凍齡男神」林志穎嘅老婆陳若儀最近在社交網拍片曝光兩人睡房,可見環境闊落,佈置富有氣派。一家人住在台北價值過億豪宅,仲好住過5星級酒店,相當惬意!

林志穎一家五口住宅台北過億豪宅!Photo from 《婆婆和媽媽》截圖

林志穎一家住台北億元豪宅

林志穎2010年與細9年女模陳若儀結婚,並育有三子,佢哋居所位於台北十大豪宅之一嘅「國美大真」,男方早年分別以2.3億及2.29億台幣買下頂層嘅兩個單位,所以整層都屬於林志穎一家。女方不時分享日常點滴,最近佢在小紅書拍room tour影片,大曬同老公嘅睡房。

老婆陳若儀拍片分享睡房環境。Photo from 陳若儀 小紅書

老婆公開睡房環境

片中可見,整間房以柔和米色調為主,king size大床前放了一張四人座位梳化,旁邊設有大型衣櫃。若儀笑言梳化被愛貓抓爛,但都會等到佢更加殘破才換掉。而床上擺放了四個枕頭,加四個抱枕後仲有好多空間,佢更選用了名牌真絲床單和枕頭套,所以瞓得好舒服。

床前有小梳化Photo from 陳若儀 小紅書

真絲床單好舒適~Photo from 陳若儀 小紅書

智能家居空間超大

林志穎早在前年就在綜藝節目《婆婆和媽媽》中,曝光了豪宅內部。佢曾透露自己係科技產品狂迷,所以都在家中安裝了智能系統,方便生活。節目可見,其大廳空間超大,中間放有巨型三面梳化,後方更放置一張超長工作枱,和兩張電競椅。

超大客廳Photo from 《婆婆和媽媽》截圖

工作枱後嘅牆壁都好有睇頭,有許多賽車獎座、頭盔、紀念品等。林志穎表示,工作枱上有一個圓形智能裝置,一呼喊名字就可以進行各種預設指令,例如開窗簾、關燈等。

好多賽車紀念品Photo from 《婆婆和媽媽》截圖

廣告
廣告

智能家居小助手Photo from 《婆婆和媽媽》截圖

另外,飯廳樓底好高、燈飾頗有藝術風格,飯枱坐起碼7個人都無問題。

飯廳樓底高Photo from 《婆婆和媽媽》截圖

成架賽車擺屋企

客廳旁有一條長走廊通往另一區域,入面竟放著一架只作裝飾用途嘅紅色F1法拉利賽車,同時可將遊戲畫面投放到大牆上,好有氣氛。

好友feel~Photo from 楊秀蓉 IG

另外,家中亦設有練舞室,讓老婆可以請老師上門教跳舞,相信練習意慾會大增!林志穎同時為大仔設計了《星球大戰》主題房間,好有心思!

老婆在家中嘅專屬空間:練舞室Photo from 陳若儀 IG

仔仔嘅《星戰》睡房Photo from 《婆婆和媽媽》截圖

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel