內地爸爸陪兒子減磅卻反成贏家 一起運動半年勁減67磅 仔仔卻維持原狀

減磅有人陪真係動力倍增，最近內地就有一名爸爸為鼓勵兒子減磅，決定陪對方一起做運動。不過，兒子體重未有減少，而陪人嘅爸爸卻在短時間內瘦了66磅！消息熱爆網絡，不少網民都大讚爸爸變帥了很多。

Photo from 微博

爸爸身體力行與兒子一起減磅

綜合內媒報道，來自河北嘅陳佳昆有2個兒子，當中細仔身形同自己接近，都較為臃腫。所以，陳爸爸2年前決定與細仔同行，同佢一齊減磅。兩父子會一起跳繩、跑步等，促進體能同時增進父子感情。

Photo from 微博

Photo from 微博

Photo from 微博

凌晨4點起身跑步

陳佳昆表示，其體重最高曾達到270磅，自從開始跟兒子啟動減磅大計後，佢每日凌晨4點就落街跑步。

Photo from 微博

Photo from 微博

由於長期缺乏運動，所以陳爸初時只能快步走。但經過一段適應時間後開始可以慢跑，2年來更跑了7200公里。一番努力並無白費，只需半年，佢已經由270磅降至203磅，足足減了67磅，相信呢家嘅佢更加輕。

Photo from 微博

Photo from 微博

減磅後變身帥哥

陳爸曾經有大肚腩，臉部圓潤，同佢減磅後嘅模樣相比真係有極大變化，猶如一名油膩大叔變身成帥爸爸。現在嘅佢瘦了兩個碼，睇落年輕了5年。網民見到對比都大感驚訝，大讚佢好有毅力同靚仔。有人表示，單係早上4點起床已足以令佢放棄，所以好欣賞陳爸，故事也非常勵志。

Photo from 微博

Photo from 微博

為兒子做好榜樣

雖然兒子仍未能瘦下來，但陳爸爸就樂觀表示，自己能先給孩子做個榜樣，相信對方見到自己成功會更有動力做鍛煉。網民都同意，父母對仔女嘅影響力可以好大，所以都為兒子打氣，深信佢遲啲就可以變到同爸爸一樣咁帥氣。

Photo from 微博

Photo from 微博

相關文章：印尼男因外貌遜色被女友狠飛 發奮減磅終變男神 網民：入得男團！

相關文章：200磅內地女扮楊貴妃爆紅 穿漢服重拾自信 樂觀對抗網民負評

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）