宋智雅假貨風波4個月後近況曝光 樸素打扮做義工洗底 獲網民支持復出？

憑Netflix真人騷《單身即地獄》爆紅嘅宋智雅早前被爆用假貨後形象插水，佢在一月底上載道歉影片後已暫停所有活動。不過，消失4個月後終於有新消息，佢近日被發現到教會做義工，引發網民熱議。

Photo from 宋智雅IG

宋智雅爆紅時被揭用A貨

25歲宋智雅去年以KOL身份參演戀愛真人騷《單身即地獄》，擁有亮眼外型及超強自信嘅佢話題不斷。

Photo from Netflix《單身即地獄》截圖

散發著千金氣質嘅佢常穿名牌，所以好多人都會參考佢嘅造型。正當佢人氣爆燈之際，卻被爆多次穿名牌A貨，更曾在節目上送盜版貨畀主持人，以及送A貨LV球鞋畀爸爸做生日禮物。

Photo from Youtube@【탈덕수용소】 Sojang

情緒深受惡評影響

由於佢曾透露將來想開設個人品牌，所以被大批網民指責不尊重原創，認為佢無資格賣設計。宋智雅經紀公司表示，看到惡評嘅佢情緒崩潰並以淚洗面；在風波爆發後數天，佢更雙眼紅腫、硬著頭皮來到雜誌拍攝現場工作。

Photo from 宋智雅IG

素顏拍道歉片

「白富美千金」人設毀於一旦後，宋智雅素顏拍片向網民們公開道歉，又希望大家停止攻擊其家人。之後，佢將IG帳號與YouTube頻道都清空，只留下手寫道歉信及短片。

Photo from 宋智雅 YouTube

Photo from 宋智雅 IG

人氣瞬間跌落谷底

宋智雅出事後人氣跌落谷底，據悉佢失去不少代言。大熱綜藝騷《全知干預視角》宣布會刪除佢嘅鏡頭；而《認識的哥哥》人員則表示，由於宋智雅鏡頭較多所以難以剪輯，最後只能如常播出，而節目開播後收視都有下降跡象。

Photo from 《認識的哥哥》截圖

4個月後近況曝光

爭議後，宋智雅已淡出幕前，但近日終於有消息流出。一個韓國天主教教會嘅IG帳號，日前上載了宋智雅及經理人強藝元在廚房做義工照片，帖文指佢哋每個月都來幫忙一次，協助送飯盒到貧困地區，並希望兩人能繼續傳播正能量。

Photo from IG @catholic_lp

與經理人一起做義工

照片可見，宋智雅以一身白色休閒造型現身，頭戴cap帽及穿上粉紅色圍裙，由於佢戴上口罩，所以未能清楚看見容貌，但感覺非常認真。

Photo from IG @catholic_lp

近照曝光後即引起網民討論，唔少人表示，相比起酒駕和學暴，宋智雅嘅罪狀根本微不足道，又認為大家對佢太苛刻，希望佢反省過後可以回歸，睇嚟義工照激起了唔少人嘅同情心。不過，亦有網友指出宋智雅處理食材時沒有綁起頭髮，有欠衛生，質疑佢為打卡才做義工。但無論如何，佢至少在檢討期內身體力行，幫助了更多弱勢人士。

Photo from 宋智雅 IG

相關文章：【單身即地獄】宋智雅爭議後首度現身道歉！整合網民翻出4大黑歷史！復出無了期？

相關文章：【單身即地獄】宋智雅公開道歉承認用名牌A貨！富貴千金形象盡毀!就連節目CP都係假?

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）