download HolidaySmart 假期日常 app
林芊妤被網友爆料蘭桂坊與外國人去蒲?Coffee置頂留言大反擊

林芊妤被網友爆料蘭桂坊與外國人去蒲?Coffee置頂留言大反擊

娛樂新聞
By Jennifer on 24 May 2022
Digital Editor

Coffee(林芊妤)係人氣瑜伽導師,佢同老公、仔仔嘅日常生活亦十分受網民愛戴。近日佢IG有網民留言疑爆料喺蘭桂坊見到Coffee同一班外國男士玩得好開心,又叫佢:「快啲放生你老公!」Coffee即刻將留言置頂並回覆反擊!

Coffee(林芊妤)係人氣瑜伽導師,佢同老公、仔仔嘅日常生活亦十分受網民愛戴。Photo from Coffee IG

網友爆料Coffee現身蘭桂坊與外國人蒲

Coffee同圈外老公翟志榮結婚4年,感情一直穩定,佢亦不時喺IG分享佢同老公兒子一家三口嘅日常。Coffee最近喺IG晒出近照,表示因為兒子「彥彥」開始復課,所以突然多咗自由時間。

Coffee最近喺IG晒出近照,表示因為兒子「彥彥」開始復課,所以突然多咗自由時間。Photo from Coffee IG

點知竟然有網民留言「挑機」,直指見到Coffee喺中環蘭桂坊同一班外藉男士玩得好開心,又稱:「希望你快啲放生你老公」

有網民留言「挑機」,直指見到Coffee喺中環蘭桂坊同一班外藉男士玩得好開心,又稱:「希望你快啲放生你老公」Photo from Coffee IG

Coffee置頂留言指當日同老公一齊

該網民連續留咗3次言,仲叫Coffee唔好刪留言「咁無品」,Coffee亦不甘示弱即時將呢位網民嘅留言置頂,並回覆稱當日同老公喺將軍澳練車,之後就返屋企氹仔仔瞓覺,質疑對方認錯人,Coffee又指自己期間有影過Story post上網:「好心你作故仔都作得好啲啦,啲人一睇得Story都知我琴晚喺邊啦」

該網民連續留咗3次言,仲叫Coffee唔好刪留言「咁無品」,Coffee亦不甘示弱即時將呢位網民嘅留言置頂Photo from Coffee IG

Coffee回覆稱當日同老公喺將軍澳練車,之後就返屋企氹仔仔瞓覺Photo from Coffee IG

Coffee又將有關留言cap圖放喺Story:「佢叫我放生我老公,佢係咪對我老公有興趣」,又指自己同咗老公講呢件事,對方得啖笑,仲忍唔住反咗白眼。

Coffee又將有關留言cap圖放喺Story:「佢叫我放生我老公,佢係咪對我老公有興趣」Photo from Coffee IG

網民疑自動刪除留言,Coffee稱唔再容忍

之後有關留言全部消失,Coffee再post Story指對方自己刪除,又話以前佢老公講得啱,自己畀人蝦就係因為太怕事,Coffee表示對方連用真ac嘅勇氣都無,但好彩有save到個留言,畀大家知發生咩事:「真係佛都有火!」

之後有關留言全部消失,Coffee再post Story指對方自己刪除Photo from Coffee IG

Coffee表示對方連用真ac嘅勇氣都無,但好彩有save到個留言,畀大家知發生咩事Photo from Coffee IG

Coffee又指Story係用語音回覆所以勁多錯字:「真係打字嘅時間都費事益咗佢」,其實之前有網民指佢成日晒個仔同話佢要學做媽媽,Coffee都有直接回應網民,並獲唔少fans支持。

Coffee又指Story係用語音回覆所以勁多錯字:「真係打字嘅時間都費事益咗佢」Photo from Coffee IG

之前有網民指佢成日晒個仔同話佢要學做媽媽,Coffee都有直接回應網民,並獲唔少fans支持。Photo from Coffee IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Coffee林芊妤晒兒子相片被嫌煩「其實你個仔唔得意」!發長文回應

18 Mar 2022

Coffee(林芊妤)IG除咗做瑜伽嘅照片外,亦不時大晒兒子「伯伯」翟德彥嘅日常趣事。近日有網友私訊佢並直言「其實你個仔真係唔得意」,指唔想再喺佢IG見到佢兒子,Coffee即喺Story公開有關對話。

Coffee(林芊妤)IG除咗做瑜伽嘅照片外,亦不時大晒兒子「伯伯」翟德彥嘅日常趣事Photo from Coffee IG

Coffee愛於IG分享兒子「伯伯」日常照

Coffee 2018年誕下仔仔「伯伯」翟德彥後就經常分享兒子嘅日常照。兒子初出生時Coffee曾為佢開咗一個專屬IG,不過後來表示因為仔仔唔中意決定尊重佢唔再更新。

兒子初出生時Coffee曾為佢開咗一個專屬IG,不過後來表示因為仔仔唔中意決定尊重佢唔再更新。Photo from Coffee IG

Coffee之後就喺自己嘅IG分享仔仔嘅生活照,如今伯伯已經3歲大,Coffee嘅個人IG亦超過103萬個followers,有唔少都係伯伯嘅fans。

Coffee之後就喺自己嘅IG分享仔仔嘅生活照,如今伯伯已經3歲大,Coffee嘅個人IG亦超過103萬個followersPhoto from Coffee IG

網民mean爆稱唔想再見到Coffee放仔仔上網

不過亦有網民不滿Coffee日日晒個仔,日前有網民私chat Coffee,表示:「其實你個仔真係唔覺得得意,你成日好自戀你個仔,可唔可以唔好再放上網,其實你啲行為好cheap」,又稱自己無聊先會撳Coffee IG嚟睇但開始頂唔順。

日前有網民私chat Coffee,表示:「其實你個仔真係唔覺得得意,你成日好自戀你個仔,可唔可以唔好再放上網」Photo from Coffee IG

Coffee發長文認真回覆

網友言論用字幾mean,Coffee亦唔客氣喺Story公開兩人對話,佢回覆該網民自己無逼人睇佢IG,表示:「我真係覺得我個仔好得意,同埋我真係好鍾意我個仔,所以我嘅IG都充滿着佢嘅足跡」,盡顯母親對兒子嘅愛!

Coffee亦唔客氣喺Story公開兩人對話,佢回覆該網民自己無逼人睇佢IG,表示:「我真係覺得我個仔好得意,同埋我真係好鍾意我個仔」Photo from Coffee IG

稱自己IG中意擺咩就擺咩,獲其他網民力撐

Coffee稱佢從來無要求過其他人都要中意佢仔仔,但佢個人IG想擺咩就擺咩,唔需要他人過問。Coffee又認為既然對方咁睇唔過眼就唔應該繼續follow佢,呼籲對方盡快unfollow。

Coffee稱佢從來無要求過其他人都要中意佢仔仔,但佢個人IG想擺咩就擺咩,唔需要他人過問Photo from Coffee IG

Coffee指好少收到啲message令佢會認真回覆,希望大家唔好因為無聊而嘥時間睇啲唔想睇嘅嘢。佢之後都收到其他網民嘅支持,力撐伯伯帶咗唔少歡樂畀大家,指Coffee唔使理會「無謂人」。

Coffee之後都收到其他網民嘅支持,力撐伯伯帶咗唔少歡樂畀大家,指Coffee唔使理會「無謂人」。Photo from Coffee IG

曾被指唔識做媽媽,Coffee發火反駁

其實今次唔係Coffee第一次反擊網民留言,之前伯伯因為生牙瘡搞到塊面腫咗,Coffee都被質疑「唔識做媽媽」,當時佢嬲爆回覆斥對方無同理心,當時都獲其他網民力撐。

之前伯伯因為生牙瘡搞到塊面腫咗,Coffee都被質疑「唔識做媽媽」,當時佢嬲爆回覆斥對方無同理心Photo from Coffee IG

今次事件Coffee有再喺Story表示如果自己IG出post都要考慮他人感受:「咁我咪好唔得閒?」佢又指收到好多人嘅私訊,發現佢哋比自己更激動,佢稱無咁易畀人影響到。

今次事件Coffee有再喺Story表示如果自己IG出post都要考慮他人感受:「咁我咪好唔得閒?」Photo from Coffee IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel