李根大尉醫院療傷照曝光 將返韓國養傷 望復原後重回烏克蘭作戰
南韓前海軍出身嘅YouTuber「李根大尉（이근대위）」早前遠赴烏克蘭參軍抗俄，兩個月來多次傳出佢已陣亡消息，情況令人擔憂。日前，其YouTube團隊上載佢進行磁力共振掃描（MRI）照片，證實佢將返韓國接受治療！
Photo from Instagram @rokseal
南韓海軍出身YouTuber到烏克蘭參戰
38歲李根大尉出身於韓國海軍特戰隊（UDT），退役後開設戰術YouTube頻道《ROKSEAL》，並擁有超過78萬訂閱者。今年3月初，佢突然宣布已低調前往烏克蘭，雖然南韓政府強烈反對佢嘅行動，但李根大尉未有退縮，更稱打完仗就會返國接受懲罰。
Photo from Instagram @rokseal
李根大尉曾被傳已陣亡
俄烏戰爭爆發後，李根大尉在烏克蘭加入國際志願軍，外界都非常關注其近況，網上曾多次有傳佢已經陣亡。三月底時，李根大尉貼出公告澄清不實傳言，佢稱加入志願軍後，便負責組織多國籍作戰小隊，期間已進行過多次任務，但基於安全理由不能透露細節，而軍隊代表亦授權帖文，令網民終於可以放心一下。
Photo from Instagram @rokseal
最近，有消息指佢在指揮偵察任務時受傷，隨後被送往當地醫院，令不少人再次擔心其安危。
Photo from Instagram @rokseal
Photo from Korea Defense Blog FB
上傳醫院照，將回國養傷
到日前，李根大尉嘅YouTube頻道上傳了一張照片，可見佢躺在醫療設備上接受磁力共振掃描（MRI），帖文表示佢傷勢唔嚴重，但醫生建議需花數個月時間做進一步治療，又指佢將「請病假」回到南韓休養。待身體復原後，李根大尉希望重返烏克蘭作戰，並期望南韓政府屆時准許佢嘅行動。
Photo from YouTube @ROKSEAL
昨日（24日），烏克蘭國際志願軍發言人Damien Magrou在IG貼出與李根大尉嘅握手合照，表示一星期前曾到醫院探望對方，同時讚揚佢勇敢、正義，做事極有效率，並將佢視為朋友，又希望對方能早日回到軍團，繼續並肩作戰。
Photo from Instagram @damiensorell
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
