【泰女星墮河案】整合7大新疑點!發現船上再多一名乘客?船隻曾短暫消失1小時?

【泰女星墮河案】整合7大新疑點!發現船上再多一名乘客?船隻曾短暫消失1小時?

時事熱話 娛樂新聞
By Stephanie on 25 May 2022
Digital Content Writer

泰國女星Tangmo墮河案件持續受到關注,昨日(24日)佢已經完成火化儀式,然而真相尚未能公諸於世;而爆料者亦繼續於FB上載疑似同案件有關嘅線索!以下係最新嘅爆料資訊,有人發現船隻曾經短暫「消失」,而且船上原來仲有多一位乘客?!

泰國女星Tangmo今年2月不幸墮海,連日來有「神秘人」於FB爆料,案件依然疑點重重!
Photo from melonp.official @IG

1. 時間點有可疑

據悉,Tangmo與友人們當日上船後曾到河邊嘅餐廳食飯,而爆料者就表示餐廳位置鄰近Thewes Pier,而佢哋一行人離開餐廳嘅時間大約係20:08,上船後駛往Koh Kret 方向。然而,根據Phra Nang Klao大橋附近嘅閉路電視所見,船隻於大約21:23駛過;不過睇返Google map顯示由餐廳到達呢條橋嘅時間只係30分鐘左右,亦即係佢哋足足比正常用多咗成個鐘!最詭異嘅就係船隻從餐廳行駛到橋嘅過程都並冇被拍到,令大家不禁聯想「消失」期間可能係關鍵時刻?!

Tangmo同友人們上船後,亦有一齊到河邊嘅餐廳進食!
Photo from Happy Melon official @FB

而根據大橋嘅閉路電視,船隻晚上9點半左右先經過,比原先時間遲咗1小時!
Photo from Happy Melon 0fficial @FB

2. 浮標位置有古怪?!

爆料帳號「Happy Melon 0fficial」上載咗多段當日嘅CCTV片段,並發現船隻航行期間有啲古怪,航行期間曾將類似浮標嘅物體拋下。其中一段影片可以見到船隻經過大橋後,船尾嘅位置可能因為有浮標而導致水花比較多;然而喺船隻駛離後,卻依然有「白色物體」存在,而該區域亦係「意外」發生嘅附近!

爆料者上載多段事發當日嘅閉路電視影片!
Photo from Happy Melon 0fficial @FB

發現即使船隻駛離後,但船尾位置依然有好大嘅「白色物體」,非常可疑!
Photo from Happy Melon 0fficial @FB

3. 暗示離開餐廳後被帶往酒店

爆料者早前嘅圖片中曾大晒Tangmo生前拍下嘅食物照片,之後就上咗船「They take me to hotel(他們帶我去酒店)。」據悉,當地有一間比較隱蔽嘅水上酒店,只有搭船先能夠到達,令大家不禁猜測Tangmo可能曾被帶到該酒店?!雖然現時FB有多個類似嘅爆料帳號,但爆料者們都曾不約而同地提及Tangmo係被迫上船,未知係咪因為唔肯就範,而導致造成「意外」。

爆料者早前就大爆Tangmo生前最後一餐嘅照片,仲話之後疑似被人帶返酒店?!
Photo from Happy Melon official @FB

日前,爆料者曾大爆富商Robert曾想過帶Tangmo到酒店
Photo from Happy Melon official @FB

4. 新受害人「Younger brother」出現?

爆料者提供嘅新證據中就提及一位未曾出現過嘅證人「Younger brother」,原來船上並非得5位證人?!有指「Younger brother」都疑似係被迫上船,而佢就因為太害怕,所以就藏於船尾倉庫位置,因此未有即時發現佢嘅存在。

被爆出原來船上仲有一位「Younger brother」嘅人?!
Photo from Happy Melon 0fficial @FB

5. 實際上有2艘船

爆料者再一次上載咗事發當日Tangmo同朋友嘅合照,並寫上「How many boats are there in this picture?(圖片中有幾多艘船?)」,並暗示當日其佢哋係有2艘船出海!然而,外界一直都以為佢哋只係駕駛一艘船,所以並未有調查另一艘船,好有可能錯失咗尋找線索嘅機會!

爆料者表示其實當日係有2艘船出海!
Photo from Happy Melon 0fficial @FB

若果屬實,可能已經錯失尋找關鍵證據嘅時機!
Photo from Happy Melon 0fficial @FB

6. 經紀人已報警舉報「神秘人」!

根據泰國傳媒報導,Tangmo經紀人Katick於昨日(24日)火葬儀式前已經報警,指「神秘人」擅自公開女兒Easter嘅照片。當地網絡警察已經介入調查,表示已經掌握到「神秘人」嘅位置,相信佢現時人在美國,並且掌握FB帳號 ID、密碼以及120萬張照片!

據悉,經紀人(右)昨日已經報警指「神秘人」擅自上載囡囡嘅照片,而網絡警方亦介入調查!
Photo from melonp.official @IG

7. DSI拒絕介入調查案件!

泰國特別調查局(DSI)大多負責調查比較複雜嘅案件,連慈善家「天才大叔」都曾喊話希望DSI幫手調查是次案件,但卻竟然遭到正式拒絕!而「天才大叔」表示暫時唔會公開手上所擁有嘅證據,認為現時未有可信嘅執法機關可以幫助破案,並且懷疑船廠老闆聲稱嘅「8部閉路電視全部故障」係謊言。

而「天才大叔」就表示暫時唔會公開手上嘅證據,等待合適時機再交俾值得信賴嘅人
Photo from FB圖片

現時網民們都非常留意新嘅爆料,並且希望透過民眾嘅壓力,令泰國當地警方再一次重啟調查成個案件,希望能夠還一個交代俾Tangmo!

現時大家都非常關注事件,希望盡快還Tangmo一個交代!
Photo from melonp.official @IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

【泰女星墮河案】Tangmo媽媽堅持今午進行火化!生前手機去向不明!爆料者身份依然成謎?

24 May , 2022

37歲泰國女星Tangmo今年2月意外墮海身亡,而早幾日佢嘅個人Facebook帳號突然「翻生」,仲上載咗唔少疑似係事發當日嘅照片,令案件再次受到關注!據悉,Tangmo將會於今日(24日)進行火化儀式,而最新嘅post亦表示「於儀式結束後將會公開證據」,希望能夠令Tangmo得以安息。

泰國女星Tangmo意外墮海案件似乎有新進展?!
Photo from melonp.official@IG

個人FB帳號突然「翻生」,並上載多張船上照片!

今年2月24日,泰國女星Tangmo 與5位友人一齊登上快艇出海,但佢卻墮海意外身亡。5位證人證詞不一,導致案件疑點重重,大眾都認為事件並唔單純。事隔幾個月,案件似乎已經陷入膠著,直到星期六當日(21日),Tangmo嘅個人Facebook帳號突然「翻生」,並且上載多張於快艇上嘅照片,令網民非常震驚!

仲附上「我被一個我愛和信任的朋友傷害了」
Photo from Happy Melon official FB

亦寫上「我哪都沒去,我仍在等5人口中的真相,如果他們不說實話,我會揭露真相,讓大家知道船上發生什麼事」,真相似乎即將揭開?!
Photo from Happy Melon official FB

爆料者身份成謎?!

唔少網民都非常好奇背後出post嘅「神秘人」到底係邊個?!其實「神秘人」最初所使用嘅FB帳號係Tangmo嘅個人FB遭到刪除,隨後立刻再開咗「Happy Melon official」繼續大爆料。有網民曾經懷疑係咪Tangmo嘅家人,但Tangmo媽媽已經透過律師回應否認傳聞;而Tangmo嘅哥哥亦有於FB回應「這是我妹妹的帳號,我不知道你是誰,但如果你知道甚麼就丟出來吧!」;而網民亦正在瘋傳「神秘人」應該係現時於國外嘅Bang Jack,傳佢已獲得Tangmo 備份好嘅手機資料!

大家都對於「神秘人」嘅身份感到好奇!
Photo from Happy Melon official FB

Tangmo哥哥亦否認係出post人,不過亦希望儘快還妹妹一個公道!
Photo from 泰譯聞 นักแปล กระแสไทย-ไต้หวัน FB

泰國「天才大叔」亦掌握案件證據!

另一邊廂,被稱為「天才大叔」嘅慈善家開直播時,表示案已經掌握到「Tangmo墮海案」嘅關鍵證據,並且透露案件中嘅污點證人將會逐漸將實情上載到FB。而佢亦透露咗少少案件嘅資訊,指Tangmo右邊大腿嘅傷口其實被刀割到,揚言掌握咗當地警方捏造證據嘅過程等,無論如何都希望令案件真相公諸於世!

「天才大叔」表示Tangmo右邊大腿嘅傷痕並非由螺旋槳所弄傷
Photo from 泰二代Vita Travel With Vita @YouTube

泰國慈善家「天才大叔」過往曾經多次為唔同嘅案件伸冤,但今次大家都好驚「天才大叔」會因此受到威脅,因為佢揚言掌握到警方嘅捏造證據嘅事!
Photo from Twitter

經紀人主張爆料者心懷不軌?

被視為其中一位最大嫌疑人嘅經紀人Gatick指曾經收到過「神秘人」利用Tangmo身前LINE帳戶嘅視像電話,並於媒體面前接通電話,發現對方居然播放Tangmo過往自拍嘅影片,而且衣著仲非常暴露!而Tangmo唔少圈中好友都表示收到呢位「神秘人」嘅視像電話,揚言有急事需要幫忙,但打開之後卻發現係Tangmo衣著暴露嘅視頻,令唔少人都開始質疑佢嘅真正意圖。

經紀人表示收到疑似係幕後爆料者嘅視像電話,但對方卻向佢大晒Tangmo嘅「大膽」影片
Photo from melonp.official@IG

然而,我哋發現Gatick所指嘅「神秘人」所用嘅FB帳號,同爆料事發當日照片所使用帳號係唔同嘅,所以兩位未必係同一個人!

然而,呢個FB帳號並非爆料嘅帳號!
Photo from FB

Tangmo手機去向不明!

儘管案件依然有好多疑問,但Tangmo 媽媽堅持於今日(24日)進行火葬儀式,其實Tangmo媽媽近來接受媒體訪問時,曾提及Tangmo手機嘅去向,指當初將手機俾咗律師,但律師早前卻表示並冇收到,導致手機去向不明!

Tangmo媽媽表示將女兒生前手機交俾律師,但對方原來並冇收到?!
Photo from melonp.official@IG

火葬儀式於今日下午舉行!

Tangmo火葬儀式於下午舉行,並於YouTube上全程直播,希望能夠令未能進場嘅粉絲好好送別Tangmo!場地主要以全白色為主,配上鮮花作為裝飾,而Tangmo 媽媽亦難掩哀傷心情上台致詞,願逝者安息,早日還Tangmo一個清白🙏🏻而「神秘人」今晨曾表示「喺儀式結束後將會發佈重要訊息!」,然而直到截稿前都尚未發佈任何新嘅資訊。

Tangmo 火化儀式於今日(24日)下午舉行!
Photo from CJConnect @YouTube

場地主要以全白色為主,並擺放咗唔少鮮花咗裝飾,希望能夠令佢在天之靈好好安息!
Photo from CJConnect @YouTube

而Tangmo媽媽亦有上台致詞
Photo from CJConnect @YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
2 days ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
2 days ago
港男分享於英國工作感受!列出4大優點 25日AL/準時收工!網民認為:視乎咩工種
港男分享於英國工作感受!列出4大優點 25日AL/準時收工!網民認為:視乎咩工種
3 days ago
老公陪產興奮影BB出世 不慎影埋老婆私密處 奶奶傳上家庭gp
老公陪產興奮影BB出世 不慎影埋老婆私密處 奶奶傳上家庭gp
3 days ago
改名即變貴價食物!豬肉vs豚肉/牛肉飯vs牛肉丼/海綿蛋糕vs古早味蛋糕
改名即變貴價食物!豬肉vs豚肉/牛肉飯vs牛肉丼/海綿蛋糕vs古早味蛋糕
3 days ago
內地幼稚園老師激似Angelababy成熱話!爸爸爭相接送子女惹媽媽不滿?!
內地幼稚園老師激似Angelababy成熱話!爸爸爭相接送子女惹媽媽不滿?!
3 days ago
Hottest Articles
最熱文章
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
2 days ago
內地知名女創業家公開徵友!列出12項擇偶條件!強調:每個條件都需要滿足
內地知名女創業家公開徵友!列出12項擇偶條件!強調:每個條件都需要滿足
3 days ago
港男分享於英國工作感受!列出4大優點 25日AL/準時收工!網民認為:視乎咩工種
港男分享於英國工作感受!列出4大優點 25日AL/準時收工!網民認為:視乎咩工種
3 days ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
2 days ago