荃灣豬肉檔AK走紅疑似集團操作？盤點9位素人店員 爆紅後命運超不同！
Photo from 劉宋威IG
荃灣豬肉檔威威
豬肉檔型男劉宋威（威威）最近成為全城熱話，數天前更開設了社交頻道正式出道，亦開始接拍廣告，人氣爆燈。
Photo from Facebook群組 荃灣鮮肉威威應援團
不過，有網民質疑「威威現象」係由市場營銷團隊精心策劃出來。佢工作嘅豬肉檔本身屬於全港最大豬肉零售商「建華集團」，旗下有數十個蔬果、凍肉等食品零售牌子。據悉，集團計劃安排威威拍YouTube、做帶貨直播，希望用人氣推高銷量。雖然有網民嫌商業味過濃，但都無阻一眾「 威威豬（粉絲名）」繼續支持偶像！
Photo from 連登討論區
Photo from Facebook群組 荃灣鮮肉威威應援團
海鮮檔Alton
「街市型男」熱潮興起後，有網民又在社交網報料，稱葵盛東街市一個海鮮檔有靚仔職員，網民指佢青靚白淨、貌似MC張天賦和MIRROR成員Alton（王智德）。相比威威嘅粗礦形象，佢較為斯文害羞。近日佢被媒體採訪時，強調只想做普通人，又話自己唔靚仔，直言威威帥得多。為人咁低調，相信佢背後應該無團隊支持。
Photo from FB圖片
Photo from FB圖片
除此，仲有人將不同街市中嘅帥氣店員雲集起來，笑指可以組成「街市MIRROR」或「Super Market」，成員包括屯門海鮮檔「翻版Tyson yoshi」、荃灣海鮮檔「翻版Stanley」、及牛池灣「韓系花美男」，唔通街市特別多隱世靚仔？
Photo from FB圖片
Photo from FB圖片
銅鑼灣女侍應-鄧月平
2016年，鄧月平在銅鑼灣一間泰式餐廳做侍應時被偷拍，照片在網上瘋傳後引來熱議，更獲封「巨胸翠如」。同年，佢參加ViuTV選美騷《美選D.n.A》，加入娛樂圈後，佢參演過多部電影，亦發行過數支單曲。由於佢很快從素人變成藝人，所以有網民懷疑初時嘅偷拍係有人在背後指點。
Photo from 網上討論區截圖
Photo from 《美選D.n.A》截圖
先達嘉盈
嘉盈現時係「熊仔頭」YouTube頻道《FHProduction》成員之一，其實佢曾在旺角先達廣場打工，因為佢身材火辣而獲得關注。當「熊仔頭」表示想尋找願意出鏡講粗口嘅女演員，嘉盈便拍了一條自薦短片，繼而加入頻道，頗受觀眾愛戴。
Photo from YouTube截圖
Photo from 先達嘉盈 IG
Photo from FH Production YouTube
元朗牛雜妹-李亦喬
李亦喬（原名李美琪）2015年憑元朗一間牛雜檔嘅太子女身份報名參選大台嘅選美節目，雖未能進入16強，但仍獲得簽約機會進行廣告工作嗎，在2016年更與韓國知名娛樂公司Fantagio有合作關係。之後佢參加過《美選D.n.A》，雖未能晉級，但已賺取人氣，現時主要以特約演員身份參與不同電視台嘅劇集拍攝。
Photo from 李亦喬IG
Photo from 李亦喬 IG
港版羅拉-朱芊佩
任職運輸從業員嘅朱芊佩於2017年被人拍下工作照後爆紅，由於佢娟好外貌與健碩身材形成反差，好多媒體都爭相邀請合作，更封佢為「港版羅拉」和「最美搬運工人」。之後佢更獲邀北上，參演內地綜藝《送一百位女孩回家2》，又擔任節目《女人四十》訪問嘉賓。
Photo from 朱芊佩FB
Photo from 朱芊佩FB
到2019年，佢參加由江蘇衛視主辦嘅戀愛真人騷《新相親大會》，當中佢分享了兩次愛情經驗和擇偶條件，最後成功與「富二代」男參加者配對，但節目結束後沒有下文，故被質疑係節目效果而已。之後，朱芊佩淡出幕前，佢曾透露娛樂圈收入不穩定，所以重操故業，最近亦為駕駛學校拍宣傳片，相當貼地。
Photo from 江蘇衛視截圖
Photo from 江蘇衛視截圖
Photo from 朱芊佩FB
馬鞍山KFC女經理
除了以上「素人變藝人」嘅例子，亦有其他外表亮麗嘅在職人士曾被偷拍上網，例如馬鞍山KFC女經理，但照片引起熱話後，女經理本人在社交網發千字文表示非常困擾，顯然佢極度不想出名，所以外界之後都無再打擾佢。
Photo from 網上討論區圖片
豆花妹-蔡黃汝
「素人店員變明星」案例並非香港獨有，其實台灣都有不少代表人物，例如女星蔡黃汝2008年在一家豆花店打工，憑甜美長相及親切態度在網上走紅。同年已亮相吳宗憲主持嘅綜藝節目，之後發行過不少歌曲，又多次做過偶像劇女主角，近年亦發展主持事業，努力備受肯定。
Photo from 台視截圖
Photo from 蔡黃汝IG
雞排妹-鄭家純
鄭家純2012年為一間雞排店拍宣傳片後爆紅，其後正式進入娛樂圈，推出過性感寫真集和出演不少節目，佢現時主要靠商演和直播賺取收入，在港台都很有人氣。
Photo from YouTube截圖
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
