【年度限定1折瘋搶懶人包】東港城「Happy Shopping購物折2022」全場超過30,000件產品低至1折＋教你$1換購iPhone 13同Dyson產品！會員獨家尊享Point Dollar購物優惠～

By Twinky Chan on 25 May 2022

Project Editor

一年一度嘅「東港城Happy Shopping購物折」又嚟啦！由即日起至7月10日，東港城一連58日聯同場內超過70個商戶品牌，提供多過30,000件低至1折嘅超值產品！加上購物折仲強勢推出多重激筍購物獎賞，首推就係消費滿指定金額可以用「HK$1瘋狂換購貨品」系列嘅Apple同Dyson產品！另外The Point會員仲可尊享多個獨家優惠，包括「The Point優先預留」、「初夏消費三重賞」、「Point Dollar獨家優惠貨品」、「一田購物優惠日」及「殿堂級購物多重賞」回贈高達HK$25,000等等，咁多一連串嘅優惠，小編已經為大家整理好懶人包，即刻睇落去Mark實瘋狂Shopping時間表啦～

Photo from 東港城

#$1精選產品換購－消費滿指定金額加$1～即可輕鬆換走潮流家電！

有無諗過喺東港城購物折期間，有機會用HK$1就換到超過HK$10,000嘅禮品？講緊嘅係由5月30日起至6月12日期間，只要消費滿指定金額*，即可隨時用$1換購iPhone 13 Pro Max - 256GB、Dyson Airwrap多功能造型器同AirPods耳機！如果你係The Point會員就要留意啦～由5月27日下午約1時開始，The Point會員喺The Point手機應用程式仲可以5,000積分兌換「優先預留證」，即日以電子貨幣累積消費滿指定金額，就有機會優先用$1換領以下禮品啦！自問精明嘅你絕對唔可以錯過咁著數嘅換購優惠，數量有限，大家要記得留意換領日子！

Photo from 東港城

*消費滿指定金額
滿HK$50,000＋$1 即可換｜AirPods（第3代）連HK$ 1,900東港城指定電子贈券；價值︰HK$3,399（名額10個）
滿HK$80,000＋$1 即可換｜Dyson Airwrap™ 多功能造型器（顏色隨機）加HK$1,000「東港城零售電子贈券」；價值︰HK$5,480（名額10個）
滿HK$140,000＋$1 即可換｜iPhone 13 Pro Max - 256GB（松嶺綠色）；價值︰HK$10,199（名額10個）

#小資女Bookmark定－近千件產品1折超抵價發售！性價比極高～

Photo from 東港城

除咗電子產品，東港城Happy Shopping購物折仲為大家搜羅近千件1折貨品，無論時尚、美容或者個人護理全面照顧大家所需！想喺精明消費嘅同時保持高顏值，由內靚到外，各位小資女一定要Bookmark住啦～當中激筍優惠包括有：以1折價錢，低至HK$160購買原價過千元嘅OWNDAYS太陽眼鏡，或者唔使HK$10可以買走一套五塊嘅足底舒適貼片、鹹蛋黃魚皮或者練力帶，實行幫大家邊消費邊慳錢！

#The Point會員尊享－優先預留證＋積分當錢使「Point Dollar獨家優惠」

Photo from 東港城

為咗答謝一眾The Point會員嘅支持，商場推出咗「優先預留證」俾會員憑積分盡情享受尊貴Shopping嘅樂趣！即日起The Point會員憑500分積分兌換指定貨品「優先預留證」後，即可於優惠期內到東港城指定商戶以特惠價錢購買心頭好！而今年隆重新推出嘅「Point Dollar獨家優惠」可以俾The Point會員用Point Dollar付款購買特選產品，價錢仲係全港獨家最優惠！用$50 Point Dollar就可以帶澳洲佳釀返屋企嘆到啦～積分當錢使，慳慳埋埋又可以再買過啦！

#掃貨賺優惠－必換「初夏消費三重賞」超值福袋＋「一田購物優惠日」

精明嘅你當然要留意埋東港城推出嘅「初夏消費三重賞」，一邊掃貨，一邊賺更多優惠！會員即日起至6月12日的指定周末喺場內以電子消費滿指定金額，即有機會換領超值主題福袋，當中包括全城搶手嘅少女粉系BRUNO氣炸鍋、養生保健同電子贈券等等產品，換領同時賺取積分就係咁簡單！優惠又點止得咁少，即日至5月31日仲聯乘一田推出百貨購物優惠精選，多款人氣卡通床上用品，同廚具用品都以優惠價發售，又係時候幫屋企換啲新床品同廚具啦！

#Jetso攻略－限量優惠多羅羅！

Photo from 東港城