大台男團Super Tiger成員大變動,人數由10人變7人!「C位」羅天宇已退團!即將與袁偉豪合作勁歌熱舞

大台男團Super Tiger成員大變動,人數由10人變7人!「C位」羅天宇已退團!即將與袁偉豪合作勁歌熱舞

娛樂新聞
By Stephanie on 26 May 2022
Digital Content Writer

大台近來似乎好想推出全新嘅男/女團,今年初就推出限定男團Super Tiger」於賀歲節目《恭喜發財好運來》壓軸登場表演,引起網民熱議。不過事隔多個月,男團都未有推出任何新作品。近日,Super Tiger再度回歸,但就已經有人員變動,由10個人變到7個!

新年期間推出嘅限定男團SuperTiger已經有巨大人員變動!
Photo from 許俊豪IG

Super Tiger於大年初一首度登場!

10人限定男團 Super Tiger於今年新年正式於賀歲節目出道,當時就演唱咗內地節目《青春有你》主題曲以及賀年歌《喜氣洋洋》,成功引起網民們嘅熱烈討論~不過出道至今大約3個月嘅時間,男團都未有推出任何新嘅歌曲,似乎係比較著重單飛發展。

大台今年初推出嘅男團Super Tiger於年初一表演完後,就似乎甚少再出席表演
Photo from 《恭喜發財好運來》

當時成員們都為成為男團成員而感到興奮!
Photo from 《東張西望》

事隔3個月再度合體,但有巨大人員變動!

日前,Super Tiger久違地合體出席《萬益同心公益金》記者會,並揚言將會與袁偉豪合作表演張學友嘅經典名曲。然而,男團成員已經有變動,據悉已經有6位成員「退團」,包括有人氣最高嘅羅天宇、鄒兆霆、曾展望、林俊其﹑魏柏豪以及李紹堅,十分可惜!

SuperTIger原先嘅6位成員離團,包括當時經常企C位嘅羅天宇
Photo from 娛樂新聞台

除咗宋懿芳(最左邊)之外,其餘嘅成員都已經退團!
Photo from 娛樂新聞台

變做7人組合!

然而,Super Tiger亦隨即加入3位新成員,包括有前天堂鳥隊長葉泓聲(Gordon)、林子超同埋邵展鵬。不過網民就似乎唔太睇好呢個組合,認為只係剛組成幾個月就已經有咁大嘅人員變動「組咗有幾耐, 咁快cut人?」、「未有出道作就重組」、「可加可減機制」等等。

網民似乎唔太睇好組合,因為佢哋於短時間內就已經有咁大變動
Photo from 連登討論區

將與袁偉豪勁歌熱舞,向歌神張學友致敬!

再度獲得表演機會嘅Super Tiger近日就忙於練舞,一齊合作嘅袁偉豪透露2首歌曲都需要勁歌熱舞「覺得自己好似年輕返」,並大讚有Super Tiger在旁感到特別安心。期間,袁偉豪多次提及「Super Tiger」組合名稱時,全體成員都忍唔住笑出聲,令佢忍唔住話「一講Super Tiger就笑㗎喇,不如你哋改名啦!」睇嚟組合名真係由公司改,而且成員都未適應到呢個名~

最近Super Tiger正忙於練舞,並將會同袁偉豪有合作舞台表演~
Photo from 娛樂新聞台

每次袁偉豪提及組合名「Super Tiger」,其他成員都忍唔住低頭笑
Photo from 娛樂新聞台

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

TVB新男團「Super Tiger」10位成員大起底!平均年齡約28歲!男團妝容更顯疲態?

15 Feb , 2022

眼見現時歌手組合嘅發展非常順遂,TVB喺新年期間推出10人新男團「Super Tiger」於賀歲節目《恭喜發財好運來》壓軸登場表演,隨即引起網民熱議!而家就等我哋一齊睇下新晉男團嘅來頭啦~

TVB新推出嘅限定男團「Super Tiger」引起熱議!
Photo from 《東張西望》

# TVB推限定10人男團!

TVB限定推出嘅新男團「Super Tiger」出道作就喺大年初一於賀歲節目登場,演唱內地節目《青春有你》主題曲以及賀年歌《喜氣洋洋》。不過「出道」冇耐就被網民發現成個表演都「咪嘴」,但實際上成員們都為表演苦練幾日,仲話所有人都係經嚴格選拔㗎!

「Super Tiger」已經於大年初一當日出道!
Photo from 《東張西望》

而家就等我哋一齊睇下10位成員嘅來頭啦~
Photo from 《東張西望》

1. 羅天宇

現年35歲嘅羅天宇係團中「C位」備受力捧,亦係團中比較為人熟悉嘅成員。佢2008年參選《香港先生選舉》獲得少年組冠軍,曾參與多部電視劇拍攝,包括《愛回家》、《十月初五的月光》等,擁有豐富嘅演戲經驗。

羅天宇2008年參加香港先生選舉獲得少年組冠軍!
Photo from TVB

羅天宇出演《愛回家》「馬子仁」一角而人氣急升!
Photo from TVB

羅天宇接受訪問時直言「入行前已經想組男團」,相隔14年居然令佢夢想成真!同時,佢嘅感情經歷亦非常豐富,曾被指與苟芸慧、林芊妤(Coffee)、湯洛雯等交往,獲網民封為「女神收割機」!

羅天宇入行後曾與Coffee、苟芸慧等傳出緋聞。
Photo from Coffee IG

羅天宇曾與湯洛雯交往4年,二人分手後亦是朋友~
Photo from TVB

2. 許俊豪(Lincoln)

現年30歲嘅許俊豪(Lincoln)曾經係唱跳組合BOP天堂鳥嘅成員,可以話係新男團中嘅前輩!2021年,天堂鳥組合正式解散,同年佢就加入咗邵氏兄弟同無綫電視,參演《愛上我的衰神》獲網民大讚好演技~

許俊豪曾經係BOP天堂鳥嘅成員之一
Photo from Youtube @創富文化

出演電視劇《愛上我的衰神》獲讚演技好!
Photo from TVB

3. 丘梓謙

現時28歲嘅丘梓謙其實係童星出身,就連哥哥丘竣霆細個嘅時候都有出演電視劇。自細就好有表演慾嘅佢一直都夢想成為演員,所以畢業後就加入TVB,其中佢最為人熟悉嘅角色就係《愛回家之開心速遞》「蔥頭」一角!

成為男團後,丘梓謙嘅樣貌都未有太大分別,造型風格都同佢尚算合襯!
Photo from 《東張西望》

丘梓謙有份出演《愛回家》「蔥頭」一角,扮演當紅偶像!
Photo from TVB

而女友就係麥皓兒,二人至今已經交往8年,感情十分穩定!

丘梓謙與麥皓兒交往8年!
Photo from 丘梓謙IG

丘梓謙其實係童星出身!
Photo from 丘梓謙IG

4. 鄒兆霆

現時25歲嘅鄒兆霆2018年正式加入TVB,參與嘅電視劇戲份都並唔算多,直到出演《愛回家之開心速遞》富家子「賈明昇」一角!上年就被爆出同《東張西望》主持潘梓鋒因為「爭女」而發生爭執。

有份出演《愛回家》 有錢仔「賈明昇」
Photo from TVB

鄒兆霆上年被爆與潘梓鋒因為感情問題而打架!
Photo from 鄒兆霆IG

成為男團成員後,佢就染咗藍髮,應該係想望落更加新潮,但有網民就認為反而更加老土!

鄒兆霆亦係成為男團後染咗藍髮!
Photo from 《東張西望》

5. 曾展望(GM)

24歲嘅曾展望(GM)係《#後生仔傾吓偈》嘅成員之一,大多出演綜藝節目以及於電視劇客串。男團訪問時,佢就解釋GM嘅意思係「Good man」,簡單又直接!

曾展望(GM)解釋GM背後意思!
Photo from TVB

有網民就認為曾展望本身其實並唔差,但一成為男團成員之後反而好似顯得比較老,覺得係因為妝感太厚而引致嘅!

曾展望過往係《#後生仔傾吓偈》主持之一~
Photo from 曾展望IG

6. 林俊其

25歲嘅林俊其2016年加入TVB,並曾以模特兒身分拍攝廣告同微電影。因為外型同聲線極似王浩信,而三度飾演王浩信喺劇中嘅年輕版同替身,可以話係「王浩信專業替身」!佢仲喺男團訪問時向鏡頭大放電,對自己嘅外型非常有自信~

林俊其因外型極似王浩信,被稱為王浩信2.0
Photo from 林俊其IG

曾3度飾演王浩信於劇中嘅少年版及替身
Photo from TVB

未知係咪因為連續幾日排舞所影響,林俊其嘅樣貌睇落好似好疲倦,黑眼圈非常明顯!

林俊其仲向住鏡頭擺出chok樣~
Photo from 《東張西望》

7. 魏柏豪

現年31歲嘅魏柏豪任職機槍服務員長達7年時間,2020年參加由TVB舉辦嘅《衝上雲霄大選》,隨後加入TVB成為藝人!

魏柏豪參加《衝上雲霄大選》入行!
Photo from TVB

廣告
廣告

魏柏豪外型比較成熟穩重
Photo from 魏柏豪IG

然而加入男團後,佢就染咗一頭藍髮,並穿上窩釘黑色外套,同佢嘅形象格格不入!

魏柏豪本身做機槍服務員長達7年!
Photo from 《東張西望》

8. 劉展霆(Eden)

25歲嘅劉展霆(Eden)係霹靂舞dancer,喺2021年參加真人騷《盛舞者》入行,並拍攝首部電視劇《青春本我》。而受訪當日,佢嘅面容有啲蒼白,未知係咪因為受妝容影響?!

劉展霆本身就係dancer,夢想成為男團成員!
Photo from 《東張西望》

劉展霆亦有出演《青春本我》
Photo from 劉展霆IG

9. 李紹堅

李紹堅喺IG稱自己係港泰混血兒,擁有健康膚色,相當有異國風情~喺2019年加入TVB,並於2021年參加《盛舞者》,屬於王君馨隊伍「HOT FLAVAZ」嘅成員;亦有出演過《愛回家之開心速遞》同埋《青春本我》。

李紹堅亦有出演《盛舞者》
Photo from 《東張西望》

李紹堅亦出演電視劇《青春本我》~
Photo from 李紹堅IG

10. 宋懿芳

宋懿芳係應屆藝員訓練班嘅學員,可以話係演藝事業剛剛起步~喺接受訪問時,佢自爆小時候係逾300磅嘅肥仔,但減磅後隨即成為身高1米8嘅韓國oppa!

宋懿芳演藝歷練最淺,係TVB應屆藝員訓練班畢業~
Photo from 《東張西望》

宋懿芳表示過往自己足足有300磅!
Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【青春本我】TVB將推跳唱男團「兄弟幫」?!5位聲夢學員+TVB藝人組成

4 Feb , 2022

TVB電視劇《青春本我》由《聲夢傳奇》第一季學員同埋《盛·舞者》參賽者參演,最近有網友搵返之前公開嘅MV,發現TVB似乎有意推出5人跳唱男團「兄弟幫」,成員分別由聲夢學員同TVB藝人組成。

TVB電視劇《青春本我》由《聲夢傳奇》第一季學員同埋《盛·舞者》參賽者參演

《聲夢傳奇》女團「After Class」率先出道

《聲夢傳奇》有話題度,TVB乘勝追擊開拍《青春本我》,以《聲夢傳奇》班底做主演,當中仲有另一個舞蹈真人騷節目《盛·舞者》嘅參賽者出演。

《聲夢傳奇》有話題度,TVB乘勝追擊開拍《青春本我》,以《聲夢傳奇》班底做主演

《聲夢傳奇》三甲都係女生,TVB亦為佢哋度身定做歌曲。ViuTV嘅當家男團MIRROR成績驕人,《聲夢》學員炎明熹(Gigi)、姚焯菲(Chantel)、鍾柔美(Yumi)、詹天文(Windy)組成女團「After Class」搶頭啖湯出道。

《聲夢》學員炎明熹(Gigi)、姚焯菲(Chantel)、鍾柔美(Yumi)、詹天文(Windy)組成女團「After Class」搶頭啖湯出道。

TVB將推出跳唱男團力撼MIRROR?!

有咗女團,網民關心之後會唔會都有男團推出?!早前曾有傳TVB有意力捧「千禧五虎」,成員分別為余德丞、丁子朗、羅天宇、周嘉洛同朱敏瀚,不過周嘉洛就否認有啲咁嘅事:「點可能贏到姜濤?!」

早前曾有傳TVB有意力捧「千禧五虎」,成員分別為余德丞、丁子朗、羅天宇、周嘉洛同朱敏瀚

周嘉洛直言:「點可能贏到姜濤?!」

不過最近有網友搵返《青春本我》插曲MV,指TVB早有準備推出跳唱男團!MV入邊5位成員又唱又跳,大顯功架!佢哋又打籃球展現青春活力一面。

最近有網友搵返《青春本我》插曲MV,指TVB早有準備推出跳唱男團

MV入邊5位成員又唱又跳,大顯功架

兄弟幫打籃球展現青春活力一面。

《青春本我》5人男團「兄弟幫」成員公開

下面都有唔少留言力撐「兄弟幫」男團:「兄弟幫男團多元化,唱得Rap得跳得有戲有感情」、「香港最佳男團」、「有實力的男團終於出現」

《青春本我》5人男團「兄弟幫」成員公開

有唔少留言力撐「兄弟幫」男團

除咗唱仲有跳同rap!

網友力撐:「有實力的男團終於出現」

「兄弟幫」由聲夢學員冼靖峰(Archie)、張馳豪(Aska)、何晉樂(Rock)以及《盛·舞者》參賽者劉展霆(Eden)、李紹堅(Markii)5位組成,歌曲更有冼靖峰(Archie)、張馳豪(Aska)等參與製作。

聲夢學員冼靖峰(Archie)

張馳豪(Aska)係兄弟幫一員

兄弟幫成員何晉樂(Rock)

《盛·舞者》參賽者劉展霆(Eden)

李紹堅(Markii)都係兄弟幫

歌曲更有冼靖峰(Archie)、張馳豪(Aska)等參與製作。

網友直言:「天堂鳥、FAITH都好過佢哋!」

雖然只係電視劇插曲,但5位兄弟幫成員都有份快閃唱live,更獲fans大讚跳唱實力強!不過連登討論區亦有網民直言:「新版十兄弟選角咁就搞掂5個」、「好似泰國cosplay f4流星雨啲fd」

雖然只係電視劇插曲,但5位兄弟幫成員都有份快閃唱live

連登討論區亦有網民直言:「新版十兄弟選角咁就搞掂5個」

兄弟幫表現評價兩極,討論區網友稱好kam:「天堂鳥、FAITH都好過佢地喇」,天堂鳥、FAITH當年因為「浮誇、騎呢」嘅造型同舞姿被封為香港MK-POP嘅始祖,兩個組合嘅代表作《登陸太陽》、《Ma Ma Easy(媽媽今天不必擔心我)》仍然流傳至今。

兄弟幫表現評價兩極

討論區網友稱好kam:「天堂鳥、FAITH都好過佢地喇」

天堂鳥、FAITH當年因為「浮誇、騎呢」嘅造型同舞姿被封為香港MK-POP嘅始祖

兩個組合嘅代表作《登陸太陽》、《Ma Ma Easy(媽媽今天不必擔心我)》仍然流傳至今。

雖然兩隊男團都已經解散,但有網友睇完兄弟幫MV就表示其實天堂鳥、FAITH「當年走得太前」,又指兄弟幫幾位成員啲pose非常奇怪,令人難以理解。

網民直言唔識欣賞!

網民指兄弟幫幾位成員啲pose非常奇怪,令人難以理解。

即睇《兄弟幫》MV:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
威威劉宋威自費驗毒證清白 被網民狂爆黑歷史 無懼與爆料者當面對質
威威劉宋威自費驗毒證清白 被網民狂爆黑歷史 無懼與爆料者當面對質
4 days ago
《披荊斬棘》陳小春林峯吳卓羲同組,公演曲目曝光,大灣仔2.0組成在望!
《披荊斬棘》陳小春林峯吳卓羲同組,公演曲目曝光,大灣仔2.0組成在望!
4 days ago
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!
4 days ago
戀講嘢|林作下屬Bronte獲全公司男性追求?一日三餐有人請大感困擾
戀講嘢|林作下屬Bronte獲全公司男性追求?一日三餐有人請大感困擾
4 days ago
蒙嘉慧素顏朝聖打卡熱點 居日生活寫意 保養得宜充滿自然美
蒙嘉慧素顏朝聖打卡熱點 居日生活寫意 保養得宜充滿自然美
5 days ago
Hottest Articles
最熱文章
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
3 days ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
童話世界農莊|大埔30萬呎農莊!向日葵花田+餵白馬山羊BB
童話世界農莊|大埔30萬呎農莊!向日葵花田+餵白馬山羊BB
3 days ago