【端午節食粽宜忌】食糭最怕飽滯又易肥？1隻鹹肉糭等於3碗飯！9大食糉/蒸糉貼士！

Digital Editor

一年一度嘅端午節將至，應節當然少不了食糭喇！雖然糭子種類選擇多又滋味，不過糭子嘅熱量相當高，食太多不但難消化仲會肥~尤其一隻300克鹹肉糭約有500至600卡路里，相等於3碗白飯嘅熱量！以下整合9大食糭和蒸糉貼士，在端午節期間可以更開心無負擔食糭喇！

Photo from IG@黃翠如

·食糭貼士 | 以糙米/五殼米/紫米取代糯米

一般傳統糭子主要食材係糯米，不過糯米比較難消費，食多仲容易脹氣、肚痛~因此，不妨以糙米、五殼米或紫米等取代糯米，既高纖維，又可降低熱量。另外，如想減少糯米份量，可選擇以綠豆、腰豆、紅豆、三角豆、黃豆及眉豆等豆類取代。

除咗糯米，傳統糭子嘅餡料通常會加入肥豬肉、鹹蛋黃及火腿等，鈉質和熱量相對更高。建議以瘦肉或雞肉取代肥豬肉；而金華火腿、臘肉和鹹蛋黃等加工食材，可選擇鹽分較少嘅瑤柱、冬菇和蝦米等~

Photo from FB@陳自瑤

雖然素糭比鹹肉糭嘅熱量低，不過如果係偏甜嘅鹼水糭，加入蓮蓉或豆沙等餡料，糖分含量其實仍然高，反而建議揀鹹味素糭會更好。因為鹹味素糭一般以菇類、各式米類及豆類製作，富含高纖維，較低卡路里~

不論邊種糭子，建議搭配蔬菜水果一齊食，不但增加飽足感，仲可以控制熱量，並且攝取更多纖維素，才不會對身體造成過大的負擔~不過，同樣不宜一次食太多隻粽子。

除咗蔬果，食糭仲可以配茶飲，有助消脂及消滯！特別注意不要揀含糖嘅茶類，推薦可飲黑茶、普洱茶、烏龍茶、菊花茶、玫瑰花茶、綠茶、薄荷茶和山楂茶等~另外，食完糭要避免凍飲、冰淇淋或偏生冷嘅生果，容易引起噁心、嘔吐、胃酸及胃痛等腸胃道不適。

Photo from IG@Ella陳嘉樺

一隻糭子嘅熱量幾乎等於一份主餐嘅份量，所以可直接取代正餐，反而不建議在正餐時配飯食或當下午茶宵夜，攝取過高嘅熱量反而容易導致肥胖啦！另外，因為糭子嘅糯米不易消化，所以食糭時最好細嚼慢嚥，有助胃部消化和增加飽足感。

Photo from IG@胡定欣

不少人在食糭時都鍾意沾醬，不過一般嘅豉油、甜醬、辣醬甚至砂糖等多半都屬於高油、高鹽及高糖，所以最好適量沾取、減半或直接不點！

Photo from IG@Hebe田馥甄

無法一下子食哂啲糭子，通常都會擺入雪櫃保存~如果係冷藏，最好在兩至三日内食完；冷凍則可保存一個月。不過，如果發現糭子嘅糭葉出現黑點，即代表這粒糭子已經發霉，絕對不能再食啦！

經冷凍保存嘅糭子，記得先解凍再蒸，以免糭子最中心沒有完全被加熱，食落去可能會導致腹瀉！一般細隻糭子須蒸約15~20分鐘，大隻糭子則需時約30分鐘以上。另外，由於糭子裡嘅糯米在蒸時會發生糊化作用，當糊化程度越高，升糖指數亦會越高，所以糖尿病患者每次進食不宜多過1/3隻。

Photo from UrbanLife Health

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel