馬德鐘兒子馬在驤公開與同性好友親密合照，惹「中途轉基」嫌疑？！上年與美籍女友分手！熱愛戶外運動，男性朋友多！
馬德鐘早前就帶埋仔仔馬在驤一齊拍攝電視劇《我家無難事》，現年24歲嘅佢身型健碩，俊俏樣貌仲被指獲得爸爸真傳～最近，佢就好似返咗澳洲完成學業，仲大晒同外籍同性朋友嘅親密畢業合照，隨即惹來「轉基」嫌疑？！
Photo from big big channel
24歲馬在驤與爸爸馬德鐘外型相似！
現年24歲嘅馬在驤過往承認對演戲有興趣，據悉佢現時已經簽約成為邵氏兄弟旗下藝人。而作為爸爸嘅馬德鐘亦非常支持仔仔嘅演藝事業，上年二人父子檔拍攝劇集《我家無難事》，但由於馬在驤飾演年輕時期嘅馬德鐘，所以並冇同框出現！然而，有網民直指覺得仔仔外型比較成熟「睇落年紀甚至比爸爸大」，引起熱議。
Photo from 《我家無難事》花絮
Photo from 馬德鐘小紅書
上載與同性好友親密合照！
有指，本身於澳洲悉尼修讀機械工程學嘅馬在驤現時已經返去完成學業。日前，佢嘅外籍同性好友於IG上載同佢嘅畢業合照，只見二人關係非常親密，而馬在驤心情大好，興奮親吻對方臉頰；而好友仲以「Boyfie」（Boyfriend（男友）+wifey（老婆）混合詞）稱呼馬在驤，令網民好奇佢係咪「中途轉基」？！
Photo from IG 圖片
平時熱愛戶外運動，人脈超廣！
翻查馬在驤過往嘅IG post，佢喺澳洲都擁有唔少朋友㗎！熱愛戶外運動嘅佢十分活躍地參加唔同嘅活動，包括：游水、爬山、滑水等，又難怪佢人緣會咁好嘅～
Photo from mazai132 @IG
Photo from mazai132 @IG
2020年曾公開與美籍女友戀情！
其實喺2020年，馬在驤曾公開與美籍女友Marissa嘅戀情，有傳女方係游泳健將，亦係美國華盛頓大學嘅高材生，據悉二人係因為一場游泳活動而認識嘅。可惜上年馬在驤回港同爸爸一齊接受訪問時表示已經回復單身，感情最終都係敵不過異地戀！
Photo from marissaemartin @ IG
Photo from mazai132 @IG
曾擔任國際品牌時裝騷模特兒
馬德鐘透露仔仔將會先完成學業，加上馬在驤本身對工程及演藝事業都有興趣，所以尚未決定好未來嘅發展，強調會俾仔仔自行決定未來！而身型高大威猛嘅早於2017年嘅時候就曾經出席過國際知名品牌Hermès時裝騷行catwalk，睇嚟有潛質入行。
Photo from mazai132 @IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
馬德鐘與兒子拍抖音，內地網民指馬在驤睇落比爸爸年紀大，馬家母子都係學霸
25 Apr , 2022
Photo from 馬德鐘 抖音
馬德鐘馬在驤父子檔拍住上
馬德鐘24歲兒子馬在驤有做模特兒行catwalk，更簽約公司加入娛樂圈，父子檔合體拍廣告同電視劇。現年53歲嘅馬德鐘同仔仔同場完全唔輸蝕，外型都keep得好好。
Photo from 娛樂新聞台
Photo from 娛樂新聞台
兩父子近日亦喺抖音拍片，馬在驤留長髮有紮辮，同爸爸馬德鐘齊齊做運動，其實佢哋都經常一齊拍短片，差唔多每次都獲幾萬個讚好。
Photo from 馬德鐘 抖音
Photo from 馬德鐘 抖音
內地網民直言兒子馬在驤外型不及爸爸馬德鐘？！
不過抖音下面嘅留言大部分都係表示馬德鐘比仔仔更帥更型，認為馬在驤更顯成熟，甚至有網民直言：「兒子不比爸爸帥就算了，為甚麼感覺兒子比爸爸還老？」有關嘅留言仲獲馬德鐘讚好，睇嚟佢都對自己外型好有自信。
Photo from 馬德鐘 抖音
Photo from 馬德鐘 抖音
馬在驤大學一級榮譽畢業，更係游泳健將
24歲嘅馬在驤今年啱啱大學畢業，佢曾代表學校於澳洲比賽，更勇奪8項個人金牌同全場總冠軍，成績驕人，佢仲考獲沙灘衝浪救援員（Bondi Beach）！馬在驤喺澳洲嘅大學就讀機械工程，佢媽媽張筱蘭早前喺微博公開家庭照，又透露兒子已獲取機械工程一級榮譽學士學位：「非常感恩有緣份成為你的父母」
Photo from 張筱蘭 微博
Photo from 張筱蘭 微博
馬在驤身材高大，有行catwalk嘅經驗，同父母一樣都曾經做過模特兒，如今成功一級榮譽畢業，仲遺傳埋媽媽嘅聰明才智，馬德鐘老婆張筱蘭其實都係一名學霸！
Photo from 張筱蘭 微博
Photo from 張筱蘭 微博
馬德鐘老婆張筱蘭亦係學霸
張筱蘭喺澳洲讀大學，之後回流香港並於香港科技大學進修，2003年佢完成哲學博士學位，期間更獲得2次尤德爵士獎學金。佢又喺意大利、法國研究健康、人口老化、認知障礙支援等議題，仲喺多份國際人口期刊出版過文章。
Photo from 張筱蘭 微博
張筱蘭12歲與馬德鐘相識，晒年輕合照賀結婚周年
張筱蘭自2011年出任香港大學名譽助理教授，佢同馬德鐘嘅結婚周年慈善晚宴仲捐出$100萬港元善款畀港大，支持認知障礙護理方面嘅學術舉措。馬德鐘同老婆於1993年結婚至今已近30年，張筱蘭12歲就認識馬德鐘，佢曾於微博晒出兩人年輕時合照慶祝結婚28周年，馬德鐘的確係keep得好好！
Photo from 香港大學
Photo from 香港大學
Photo from 張筱蘭 微博
Photo from 張筱蘭 微博
Photo from 張筱蘭 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
馬德鐘父子首度合體拍劇！馬在驤演馬德鐘年輕版！馬神大讚仔仔演戲自然
18 Nov 2020
馬德鐘馬在驤餅印父子一齊出演《我家無難事》，馬在驤飾演爸爸年青版，爸爸馬德鐘指聽導演講，仔仔嘅演出都好自然。其實馬在驤之前已經表明唔抗拒演戲，更表示想挑戰做奸角！
馬德鐘（馬神）21歲仔仔馬在驤之前簽約邵氏兄弟為加入娛樂圈作準備，更同爸爸拍檔合體拍廣告。
當時馬在驤已經表明唔抗拒演戲，更表示想挑戰做奸角！估唔到佢哋真係合作做新劇《我家無難事》～
同劇仲有好耐無拍劇嘅車婉婉同鮑起靜，而馬在驤就飾演爸爸馬德鐘角色嘅年輕版。
問到對仔仔表現有咩評價，馬神就話未睇過仔仔嘅演出，但聽佢同導演講，表現都ok，馬神又指個角色唔需要好大嘅發揮，相信仔仔都會演得幾自然。
新劇試造型時，馬在驤就話會同爸爸喺屋企研究下點做個角色，更即場同爸爸表演「神同步」做同一個表情。
不過今次新劇兩父子並無對手戲，馬在驤就指如果爸爸在場一定會有好大壓力！而唐詩詠就話可以同到兩位「馬神」合作超開心～
即睇片：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
