download HolidaySmart 假期日常 app
汪小菲稱想念子女,欲飛台灣相見!張穎穎與張蘭現「婆媳不和」?

汪小菲稱想念子女,欲飛台灣相見!張穎穎與張蘭現「婆媳不和」?

娛樂新聞
By Jennifer on 30 May 2022
Digital Editor

汪小菲與大S(徐熙媛)離婚後,兩人都開展新生活。近日汪小菲開直播時就提到有同仔女視像通話,仲話好掛住佢哋想飛去台灣見面!不過佢又大呻台灣一日確診8萬宗新冠肺炎,令佢十分擔心仔女安全。

廣告
廣告

汪小菲與大S(徐熙媛)離婚後,兩人都開展新生活。Photo from 大S微博

大S汪小菲離婚後,一對子女隨母親定居台灣

大S(徐熙媛)宣佈離婚後就極速同韓星具俊曄閃婚,再婚後大S狀態甚佳,更被影到年輕不少!大S前夫汪小菲喺大S再婚後雖表示祝福,但就取消關注前妻,又出言大鬧小S。大S汪小菲離婚,一對仔女跟大S定居台灣,而汪小菲就喺北京居住。

大S(徐熙媛)宣佈離婚後就極速同韓星具俊曄閃婚Photo from 具俊曄 IG

大S前夫汪小菲喺大S再婚後雖表示祝福,但就取消關注前妻,又出言大鬧小S。Photo from 汪小菲微博

汪小菲曾表明容許仔女留喺台北已經好妥協,又透露自己想要仔女,絕對唔會畀仔女叫一個唔識嘅人做爸爸,佢將微博簡介欄改為「希望玥兒每天都開開心心的」,盡顯慈父之心。

汪小菲曾表明容許仔女留喺台北已經好妥協,又透露自己想要仔女,絕對唔會畀仔女叫一個唔識嘅人做爸爸Photo from 汪小菲微博

廣告
廣告

汪小菲直播指掛念仔女,有意飛台灣見面

早前大S疑似朋友圈對話內容流出,大爆仔仔好唔中意爸爸,更加唔想爸爸去台灣!不過最近汪小菲就開直播表示啱啱同仔女視像通話,又感慨稱好掛住一對子女,透露通話過程十分愉快:「(子女)都想我了。」

早前大S疑似朋友圈對話內容流出,大爆仔仔好唔中意爸爸,更加唔想爸爸去台灣!Photo from 大S微博

汪小菲就開直播表示啱啱同仔女視像通話,又感慨稱好掛住一對子女Photo from 微博

汪小菲指台灣一日錄得8萬宗肺炎確診個案,仔女受疫情影響,只能留喺屋企:「受得了嗎?」但佢表示因為防疫政策,如果仔女飛去北京要隔離20幾日,要見面寧願自己飛去台灣:「回來得隔離20多天,算了!還是自己去吧!」

汪小菲指台灣一日錄得8萬宗肺炎確診個案,仔女受疫情影響,只能留喺屋企:「受得了嗎?」Photo from 微博

汪小菲表示因為防疫政策,如果仔女飛去北京要隔離20幾日,要見面寧願自己飛去台灣Photo from 微博

提到仔女汪小菲滿臉慈父笑容,提到女兒玥兒已經8歲,佢由細抱到個女大,感歎愛女大得太快。汪小菲直播大晒親子關係,但佢嘅新歡張穎穎同媽媽張蘭之間關係卻似乎變得緊張。

廣告
廣告

提到仔女汪小菲滿臉慈父笑容,提到女兒玥兒已經8歲,佢由細抱到個女大,感歎愛女大得太快。Photo from 微博

汪小菲將微博簡介欄改為「希望玥兒每天都開開心心的」,盡顯慈父之心。Photo from 大S微博

汪小菲同張穎穎酒吧擁抱照曝光

汪小菲同張穎穎緋聞傳咗好耐,但兩人一直都未有承認戀情。即使被影到一齊出門、返家佢哋都無正面回應。近日有台灣資深傳媒人大爆疑似汪小菲同張穎穎嘅合照,仲話係汪小菲離婚前拍攝,直指汪小菲疑婚內偷食。

汪小菲同張穎穎緋聞傳咗好耐,但兩人一直都未有承認戀情。Photo from 張穎穎 小紅書

近日有台灣資深傳媒人大爆疑似汪小菲同張穎穎嘅合照,仲話係2021年9月汪小菲離婚前拍攝,直指汪小菲疑婚內偷食。Photo from 葛斯齊 Facebook

張穎穎曾指唔會揀拋妻棄子男人

緋聞女主角張穎穎就曾多次否認同汪小菲拍拖、同居,又直言唔會選擇拋妻棄子嘅男人:「誰會那麼傻跟這種男人生孩子」,似乎睇唔起男方偷食行為。

廣告
廣告

緋聞女主角張穎穎就曾多次否認同汪小菲拍拖、同居,又直言唔會選擇拋妻棄子嘅男人Photo from 張穎穎 小紅書

張穎穎:「誰會那麼傻跟這種男人生孩子」Photo from 張穎穎 抖音

張穎穎同汪小菲各自晒野餐照,被揭一齊出遊Photo from 張穎穎 小紅書

汪小菲承認自己係照片當事人?

對於攬攬照,汪小菲喺微博回應指2021年2月份已同大S商討離婚嘅事,但佢否認有偷食:「期間因情緒問題的確出現過酒後失態,照片也為朋友所拍,在此向大家道歉。」汪小菲一開始發文有提及「S與我」,但其後重新編輯微博,刪走大S名字。

汪小菲喺微博回應指2021年2月份已商討離婚嘅事,但佢否認有偷食Photo from 汪小菲微博

汪小菲一開始發文有提及「S與我」,但其後重新編輯微博,刪走大S名字。Photo from 汪小菲微博

汪小菲之後再發微博爆料離婚真相,爆料大S「精神出現狀況」,仲話對方每月要求佢支付100萬台幣藥費!但汪小菲發文後秒刪帖文。大S經理人回應指100萬係兩人商議後汪小菲支付嘅家用。

廣告
廣告

汪小菲之後再發微博爆料離婚真相,爆料大S「精神出現狀況」,仲話對方每月要求佢支付100萬台幣藥費!Photo from 微博

張蘭被揭與張穎穎汪小菲出遊

緋聞傳足幾個月,內地傳媒亦拍過佢哋一齊做PCR、十指緊扣嘅影片,而汪小菲媽媽就喺兒子離婚後多次於直播中提及前兒媳大S,又曾表明只認大S一個新抱,但被揭汪小菲未離婚就已經帶媽媽張蘭同新歡張穎穎出遊,張蘭仲同張穎穎戴同款頸鏈。

汪小菲未離婚就已經帶媽媽張蘭同新歡張穎穎出遊?!Photo from 微博

張蘭同張穎穎戴同款頸鏈。Photo from 微博

張蘭直播指唔會容許張穎穎入門?

近日汪小菲同張穎穎多張同行嘅相片曝光,愛談論兒子家事嘅張蘭亦有回應,佢指啲相都係合成照:「這不都是P圖嗎?」更指係記者造新聞。對於張穎穎,張蘭嘅態度亦十分堅決,稱絕對唔會畀張穎穎進汪家家門:「蘭姐在這裡表態了,我不會承認這個兒媳(張穎穎),也不會同意她和汪小菲在一起!」張蘭同張穎穎嘅「婆媳關係」仍然存在暗湧。

 近日汪小菲同張穎穎多張同行嘅相片曝光,愛談論兒子家事嘅張蘭亦有回應,佢指啲相都係P圖Photo from 微博

廣告
廣告

對於張穎穎,張蘭嘅態度亦十分堅決,稱絕對唔會畀張穎穎進汪家家門Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

大S爆結婚受盡委屈,汪小菲唔畀食飯?對話疑曝光,兒子唔想見爸爸

6 Apr 2022

廣告
廣告

大S(徐熙媛)汪小菲宣佈離婚後各自都有唔少消息傳出,近日大S疑似朋友圈對話內容流出,直指與汪小菲結婚10年受盡委屈,更透露婚姻生活非常唔愉快,佢又大爆仔仔唔中意爸爸,唔想汪小菲嚟台灣見面!

大S(徐熙媛)與汪小菲宣佈離婚後各自都有唔少消息傳出

大S與汪小菲結束10年婚姻

大S 2010年同內地商人汪小菲結婚,兩人婚後育有一子一女,不過佢哋因疫情分隔兩地,聚少離多,最終於2021年11月宣佈離婚。而大S更喺離婚後4個月即再嫁前男友具俊曄,引起中港台三地熱議!

大S喺離婚後4個月即再嫁前男友具俊曄Photo from 具俊曄 IG

汪小菲突發火鬧小S,堅拒子女叫具俊曄做「爸爸」

汪小菲亦被指另結新歡張穎穎,更為對方爭風呷醋。雖然大S同汪小菲都曾公開表示祝福彼此,但離婚至今兩人不斷傳出各種消息。汪小菲仲突然於微博公開大鬧小S,又強硬表示不允許自己嘅仔女叫一個佢唔識嘅人做爸爸。

汪小菲日前突然於微博公開大鬧小S,又強硬表示不允許自己嘅仔女叫一個佢唔識嘅人做爸爸。

廣告
廣告

不過小S喺節目《小姐不熙娣》繼續提及姐夫具俊曄,稱去兩日一夜旅行,如果住所有多一間房可以叫埋姐姐、姐夫一齊去,更指會乘機攬具俊曄,似乎未有將汪小菲所講嘅嘢放喺心上。

小S喺節目《小姐不熙娣》繼續提及姐夫具俊曄,稱去兩日一夜旅行,如果住所有多一間房可以叫埋姐姐、姐夫一齊去,更指會乘機攬具俊曄

唔少網民都認為汪小菲「管太多」,指佢都另有新歡,仲對前妻嘅家庭生活指指點點。當初大S同汪小菲離婚時就有傳係因為兩人聚少離多,亦有傳汪小菲未離婚就戀上張穎穎,同大S離婚係遲早嘅事。

當初大S同汪小菲離婚時就有傳係因為兩人聚少離多

大S朋友圈對話紀錄疑曝光,大爆結婚10年受盡委屈?

大S一直未曾回應與汪小菲離婚原因,對於汪小菲同張穎穎嘅緋聞大S亦無表態,但有傳媒爆出疑似大S朋友圈對話紀錄,大S原來曾向朋友透露10年婚姻嘅苦況?!

汪小菲同張穎穎傳緋聞,大S亦無表態

大S原來曾向朋友透露10年婚姻嘅苦況?!

廣告
廣告

喺2021年3月佢就向朋友大吐苦水,發言前兩日正係佢同汪小菲舉行婚禮嘅紀念日,但大S似有感慨,佢表示本來以為做女明星好難,估唔到做媽媽仲難,而最難嘅係做人老婆。

2021年3月大S向朋友大吐苦水,發言前兩日正係佢同汪小菲舉行婚禮嘅紀念日

大S表示本來以為做女明星好難,估唔到做媽媽仲難,而最難嘅係做人老婆。

報道仲指汪小菲非常「大男人」,曾嫌棄大S唔keep fit,佢哋去韓國旅行汪小菲竟唔畀大S食飯!另外汪小菲又中意飲酒,成日飲醉就將衣物亂咁掟,即使有傭人幫忙亦要大S執手尾。

報道仲指汪小菲非常「大男人」,曾嫌棄大S唔keep fit,佢哋去韓國旅行汪小菲竟唔畀大S食飯!

另外汪小菲又中意飲酒,成日飲醉就將衣物亂咁掟,即使有傭人幫忙亦要大S執手尾。

大S透露兒子唔想見汪小菲,疑因偏心女兒導致?

汪小菲曾表明「想要孩子」,又話容許仔女留喺台北已經好妥協,但大S疑透露仔仔好唔中意爸爸,根據大S喺2021年2月嘅發言,佢問兒子爸爸就嚟返屋企開唔開心,點知仔仔竟大喊稱唔要爸爸返嚟,要爸爸去北京,令大S好無奈。

廣告
廣告

汪小菲曾表明「想要孩子」,又話容許仔女留喺台北已經好妥協

大S透露仔仔好唔中意爸爸

根據大S喺2021年2月嘅發言,佢問兒子爸爸就嚟返屋企開唔開心,點知仔仔竟大喊稱唔要爸爸返嚟,要爸爸去北京,令大S好無奈。

有指係因為汪小菲疼愛女兒、對仔仔嚴厲,令兒子好怕佢。喺大S公開再婚消息後汪小菲曾將微博簡介欄改為「希望玥兒每天都開開心心的」,可見佢對愛女嘅重視。

有指係因為汪小菲疼愛女兒、對仔仔嚴厲,令兒子好怕佢。

喺大S公開再婚消息後汪小菲曾將微博簡介欄改為「希望玥兒每天都開開心心的」,可見佢對愛女嘅重視。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel