download HolidaySmart 假期日常 app
與Baby離婚4個月!黃曉明網紅新歡富貴背景大公開!深圳豪宅價值逾1億,至少坐擁3架名車!

與Baby離婚4個月!黃曉明網紅新歡富貴背景大公開!深圳豪宅價值逾1億,至少坐擁3架名車!

娛樂新聞
By Stephanie on 30 May 2022
Digital Content Writer

內地男藝人黃曉明今年初同Angelababy正式對外宣佈離婚,為7年婚姻畫上句號。不過近日黃曉明被網民大爆與網紅葉珂陷入熱戀,二人最近去過嘅地方都有所重疊,令唔少網民都深信二人已經交往咗一陣子。而新歡葉珂嘅來頭亦不小,係身價上億嘅小富婆,財力驚人,名下仲有唔少生意及投資!

黃曉明被大爆與內地網紅葉珂熱戀中,而女方都來頭不小!Photo from 珂kerrr @微博

黃曉明離婚4個月被爆已有新歡?!

內地男星黃曉明同Angelababy於今年1月28日同時宣佈離婚消息,並表示未來將會共同撫養兒子「小海綿」。回復單身嘅二人感情生活都備受外界關注,最近黃曉明就被網民大爆同樣貌有幾分似baby嘅網紅葉珂交往中?!

黃曉明與Angelababy於2015年結婚,並於今年初宣佈離婚,結束7年婚姻!Photo from 黃曉明工作室微博

最近黃曉明被爆與內地網紅戀愛中?!Photo from 黃曉明微博

女方係內地知名網紅企業家葉珂!

有指,黃曉明同葉珂呢幾個月到訪過嘅地方大多數都有重疊,包括:大理度假、喺上海居住同一間酒店等,網民仲表示曾見過女方嘅手袋出現於黃曉明嘅車上;而最明顯嘅就係二人喺2月時一齊上載過「熊貓湯圓」嘅照片!以上種種巧合都令內地網民深信二人關係並不單純。,唔少網民都認為女方外型同Baby十分相似「簡直是Baby2.0」、「曉明哥喜歡這一類」等。

二人嘅行程經常有重疊?!Photo from 珂kerrr @微博

當中二人同一日上載熊貓湯圓嘅照片,令網民更加對緋聞深信不疑!Photo from 微博

校花級風雲人物

其實葉珂係知名嘅網紅企業家,學生時期就已經憑美貌獲封「廣東高校最美校花100強」、「深圳大學十大女神」等稱號,係大學嘅風雲人物!喺2010年參與湖南電視台美女主播「星姐」選拔,雖然50強就止步,但依然成功入電台工作擔任主播。

葉珂學生時期就已經憑著美貌,獲封為校花!圖片係佢10年前嘅自拍照。Photo from 珂kerrr @微博

其畢業後入電台做主播Photo from 珂kerrr @微博

曾與深圳「礦山太子」結婚!

葉珂同黃曉明一樣有過一段婚姻,曾經與深圳「礦山太子」結婚,並誕下一對子女,可以話係嫁入豪門,衣食無憂~然而,婚後佢開始創業,創立自己嘅服裝品牌、開美容院、投資房地產等,收入大增。直到最近網民翻出佢結過婚,並懷疑黃曉明係「小三」後,佢就於微博公開澄清自己已經離婚;有網民仲疑似翻出佢過往同Baby嘅合照,被網民指二人樣貌相似!

葉珂曾經與深圳「礦山太子」結婚!Photo from 微博

葉珂早幾日澄清自己已經離婚,但就未有回應同黃曉明嘅緋聞! Photo from 珂kerrr @微博

內地網民仲翻出葉珂同丈夫以及Baby三人曾經一齊合照!Photo from 微博

生活越來越富貴!

據悉,女方現時居住嘅深圳豪宅價值約9千萬人民幣(約港幣逾1億),同時擁有幾架名車,包括:粉藍色勞斯萊斯(Rolls-Royce)、紅色法拉利、粉紅色賓利等,就咁加埋都至少價值1,700萬港幣!

葉珂仲大晒居住嘅豪宅內部,裝潢華麗!Photo from 葉珂小紅書

葉珂過往經常大晒自己所擁有嘅名車!Photo from 葉珂小紅書

曾向網民表示粉藍色勞斯萊斯大約要680萬人民幣!Photo from 葉珂小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Angelababy哭訴被黃曉明拋棄,嘗試挽救婚姻不果?!細數二人昔日5大甜蜜事!此情不再令人唏噓

4 Apr , 2022

Angelababy(Baby)與內地男星黃曉明於今年1月28日同時宣佈離婚消息,為6年婚姻正式劃上句點。最近,Angelababy嘅一段訪問就被瘋傳,而佢激動自爆「是黃曉明不要我了。」;而黃曉明近日亦辭去Baby公司大股東嘅身份,引起網民一番熱議!

二人於2015年結婚,直到今年離婚,6年婚姻結束!Photo from 黃曉明工作室微博

# Baby 及黃曉明今年宣佈離婚!

Angelababy同黃曉明嘅婚變消息被盛傳多年,直到今年初二人終於於微博承認離婚,並以「感恩過去所有,未來仍是家人」為婚姻結束作解釋,二人似乎係和平分開。

今年1月二人同時於微博宣佈離婚!Photo from 黃曉明/Angelababy微博

# 網上瘋傳Baby哭訴被黃曉明拋棄片段?

雖然二人表示會保持家人關係,近日黃曉明已經退出Baby公司大股東嘅身份,似乎係想徹底劃清界線!另外,網上最近正瘋傳Baby嘅一段訪談,佢仲崩潰大喊「是黃曉明不要我了」,直言曾花費心機挽救婚姻「我已經試圖去挽救這個婚姻,但是為了給他體面,我這麼做又委屈,還打動不了他」,言談間可見佢非常珍惜過去嘅婚姻。

近日,網上流傳Baby於訪談中指「是黃曉明不要我」!Photo from 微博

有指,黃曉明最近退出Baby公司股東身份!Photo from 黃曉明微博

# 片段疑似經網民剪輯而成!

不過事實上呢段訪談係Baby出演節目《心動的信號4》嘅畫面,佢近日並未有接受其他訪問,片段好大機會係網民們剪輯而成,真實性唔太高!

畫面係Baby上年出演《心動的信號4》時嘅圖片,而近日亦冇接受任何媒體訪問。Photo from 《心動的信號4》

重溫高調甜蜜事

過往黃曉明同Baby熱戀時期,高調大晒恩愛,甜蜜感情羨煞旁人,如今此情不再亦令唔少網民直呼可惜!宜家就一齊重溫二人昔日甜蜜往事啦:

1. 愛的宣言

2015年,Baby同黃曉明於結婚前夕接受傳媒訪問,當時二人都甜蜜示愛,Baby仲喊話「有什麼挺不過去,我都會在」,仲話即使30年後都甘願為對方整早餐;而黃曉明就話等Baby老了願意餵佢食飯,二人當時果然處於熱戀時期~

Baby甜蜜稱無論點都會陪伴丈夫!Photo from 微博

黃曉明表示30年後都會願意餵Baby食飯!Photo from 微博

Baby就話30年後都會為對方整早餐!Photo from 微博

2. 貼心關心對方身體狀況

Baby曾經講笑咁話「有一種冷叫老公覺得你冷」,指自己經常都被迫穿保暖褲等,雖然口裡面好似抱怨緊,但相信Baby當時應該覺得十分窩心~而佢哋曾一齊出演綜藝節目《快樂大本營》,黃曉明接Baby放工擔心佢凍,所以專登喺車內開定暖氣,並且送上溫暖嘅擁抱,超貼心!

Baby曾講過黃曉明經常都會擔心佢凍!Photo from Angelababy微博

黃曉明接Baby放工時,仲會專登開車內暖氣Photo from 《開心大本營》

3. 節目公然放閃

黃曉明以嘉賓身份上Baby主持嘅《奔跑吧兄弟》,當中「撕名牌」環節時,二人因隊伍不同而成為比賽對手。不過男方一見到Baby就立刻話「我不想撕妳,離我遠一點。」而Baby隨即撒嬌「求抱抱」,二人立刻上演一場愛情重逢畫面,閃盲大家~

黃曉明曾上《奔跑吧兄弟》擔任獵人角色!Photo from 《奔跑吧兄弟》第二季

而黃曉明見到Baby後一反常態,不停後退叫對方離開,表示唔想撕佢名牌Photo from 《奔跑吧兄弟》第二季

最終Baby撒嬌求擁抱,二人於鏡頭前甜蜜擁抱!Photo from 《奔跑吧兄弟》第二季

4. 為女方豪花$2億辦婚禮

黃曉明同Baby於2015年10月8日於上海展覽中心舉行世紀婚禮,現場佈置夢幻華麗,仲邀請咗逾2千名來賓,非常有睇頭~當時男方仲專登搵十幾架名車接Baby,當中包括法拉利、勞斯萊斯等,足足花咗2億人民幣!

黃曉明同Baby於2015年結婚!Photo from 黃曉明工作室 微博

二人於上海展覽中心辦婚宴,邀請近2千人參加!Photo from 黃曉明工作室 微博

黃曉明為咗哄Baby仲專登化身Big Bang成員大跳《Fantastic Baby》,而交換誓詞時超霸氣咁話「我的baby,你完蛋了,接下來你等著吧。我從來沒有對一個女人這麼好過,除了我媽」令在場來賓起哄!

黃曉明於婚禮霸氣結婚誓言,曾引起熱話!Photo from 微博

5. 男方送名車作為生日禮物

2014年,黃曉明為慶祝Baby生日花費230萬購買藍色林寶堅尼作為生日禮物,為女友花錢可以話係毫不手軟!有指該車子嘅第一手車主係張智霖,而Baby已經係第三位車主,但車子價格依然十分驚人。

黃曉明曾為Baby送上林寶堅尼跑車作為禮物!Photo from 楊穎工作室 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel