女生不滿媽媽逛DIOR被無視 隔日重返店舖報仇 卻被網民笑指中伏?

女生不滿媽媽逛DIOR被無視 隔日重返店舖報仇 卻被網民笑指中伏?

生活熱話
By Cheryl on 30 May 2022
Digital Editor

去Shopping被店員無視難免會感到不快。最近,外國一名女生拍片大爆媽媽被DIOR店員無禮對待,於是佢進行昂貴嘅報復行動,帶同媽媽重回店舖,向另一態度良好嘅店員買下多個手袋,女生同時霸氣向觀眾表示:「我會做任何事令我媽媽高興!」

一名居住外國嘅女生Amjea,最近拍片分享自己和媽媽在意大利一間DIOR門市購物嘅體驗。Photo from TikTok @nahtyourbby

女生不滿媽媽逛名店被無視

與一般店舖不同,顧客逛名店都期望被店員關注。海外一名女生(Amjea)在TikTok拍片,表示佢媽媽前一天獨自到意大利羅馬一間DIOR門店購物,豈料被一名店員無視,對方更拒絕向佢展示心儀商品;除此,該店員殷勤地服務另一家庭時,Amjea媽媽卻要一個人站在店內等十分鐘。

Amjea媽媽早前獨自到DIOR購物後,認為被店員無禮對待。Photo from TikTok @nahtyourbby

Amjea立刻安慰媽媽,猜測店員係因為看到佢嘅衣著而瞧不起對方。Amjea明白做售貨員嘅辛酸,但佢直言:「你可以不尊重我,但絕不能對我媽媽不敬。」

Amjea聽罷對該店產生不滿。Photo from TikTok @nahtyourbby

重回名店進行報復大計?

於是,隔天佢帶同媽媽一起回到店鋪,並點名要另一有禮貌嘅男店員招呼兩人。兩母女亦獲得誠意款待,包括免費咖啡和水。男店員指,佢哋可以先去午膳,再回來取貨。所以二人渡過了一個愉快中午,中間仲有時間逛其他名店。

隔天,Amjea帶同媽媽一同回到那間DIOR店購物。Photo from TikTok @nahtyourbby

更獲另一店員友善招呼。Photo from TikTok @nahtyourbby

花過萬美元向另一店員買手袋

最後,Amjea豪爽地買下男店員推薦嘅所有手袋,包括5300美元(約41500港元)嘅Lady Dior袋、3900美元嘅馬鞍袋(約3.1萬元)等等,戰利品至少有5件,保守估計花了過萬美元。

第二次來到店舖,Amjea向另一店員買下多個手袋。Photo from TikTok @nahtyourbby

豪買Photo from TikTok @nahtyourbby

買得非常爽快Photo from TikTok @nahtyourbby

廣告
廣告

戰利品Photo from TikTok @nahtyourbby

願為媽媽做任何事

Amjea亦分享了一件趣事,當日兩母女買袋時,早前冷待媽媽嘅店員都在場,走來八卦一下,更用諷刺語氣祝賀服務二人嘅男店員,酸味十足。孝順嘅Amjea在短片結尾表示,只要媽媽開心,佢咩都肯做。

Amjea願為媽媽做任何事。Photo from TikTok @nahtyourbby

霸氣表示「別讓人不尊重你的媽媽。」Photo from TikTok @nahtyourbby

網民兩睇

影片發布不久便引起熱議,瀏覽次數已超過790萬人次,不少網民都替佢媽媽受冷待感到不值,但亦有人認為Amjea只是另類炫富,而且,大撒金錢到同一間店舖做法亦不明智,「為何讓這家令你不悅嘅店舖賺錢?」,更有人覺得Amjea其實掉進了陷阱:受不著店員嘅「激進法」,繼而用自己金錢進行報復。

有網民認為片主掉進店員的陷阱。Photo from TikTok @nahtyourbby

Amjea留意到事件被傳媒廣泛報道,所以近日都上載新片,澄清自己無心進行任何報復,或意圖令店員被炒,佢目的只想有一個良好購物體驗,以及被有禮店員招待。

Amjea近日拍片澄清自己嘅目的。Photo from TikTok @nahtyourbby

片主絕對有料掃名牌

另外,有網民亦好奇為何Amjea有能力買咁多名牌袋。對此,佢表示自己在一間增長迅速嘅軟體公司Tapcart任職產品銷售經理,年薪達11萬美元(約87萬港元),加上分紅,絕對有能力掃名牌。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel