download HolidaySmart 假期日常 app
台灣女學霸出售公開試精美筆記爆紅!成功售出逾2,600份,大賺近188萬!客人評價一致好評

台灣女學霸出售公開試精美筆記爆紅!成功售出逾2,600份,大賺近188萬!客人評價一致好評

生活熱話
By Stephanie on 31 May 2022
Digital Content Writer

溫書嘅時候,唔少人都會選擇紀錄筆記,令自己能夠更容易將學習內容記入腦。最近,一位從名校畢業嘅台灣學生將自己預備公開試嘅筆記出售,圖文並茂、色彩繽紛,成功賣出近2,700份,大賺超過700萬台幣(約188萬港元)!

有台灣名校女學生於網上出售自己嘅筆記而爆紅!Photo from 《18歲的瞬間》劇照

台灣女學霸出售手寫筆記!

相信大家讀書時期都一定試過寫筆記~日前,一位曾就讀名校台北市立第一女子高級中學(簡稱:北一女)嘅女畢業生於網上出售高中時期嘅筆記,產品名稱為「北一女國中會考筆記-全科(彩色影印)108年(2019年)改版」,簡直就係中學生們嘅「救星」!

女學霸最暢銷嘅筆記係「全科國中會考筆記」,一本大約係港幣$704!Photo from 蝦皮網站

全科筆記已經售罄,大賺184萬!

從照片中所見,筆記內容非常詳細,圖文並茂,睇落十分吸引!而且賣家嘅字體整齊,並且會使用唔同顏色嘅筆作為標記,就算冇用螢光筆都能夠輕易搵到重點~一份全科筆記大約係2,600台幣(約港幣$704),成功售出逾2,600份,即係賺咗近680萬台幣(約港幣184萬);現時呢份筆記已經售罄!

仲會附上圖片令內容變得更加易明~Photo from 蝦皮網站

女學霸亦有用唔同顏色嘅筆去寫筆記,從而標記出內容重點!Photo from 蝦皮網站

現時尚有2份筆記出售中!

不過,呢位女學霸現時仲有另外2份筆記出售中,分別係「學測(高中考大學)筆記-自然科 」及「學測(高中考大學)筆記-社會科 」,仲標明係全新修訂版,而且經改良後已經變成以膠釘裝形式整理好!而佢亦細心解釋指彩色影印成本比較昂貴,所以筆記亦會隨住頁數比較多而喺價格上出現變化。

過往女學生提供嘅筆記係未釘裝版本Photo from 蝦皮網站

但現時已經改良咗,真係成本書咁!Photo from 蝦皮網站

已經合共賺到約60萬!

截止現時為止,自然科筆記已經售出逾2,700份,即係賺逾140萬台幣(約港幣38萬);而社會科筆記就售出逾2,100份,賺到逾81萬台幣(約港幣22萬),十分厲害!

現時呢2科嘅筆記都為佢賺到約60萬港幣!Photo from 蝦皮網站

只係出售呢2科嘅筆記都已經令佢賺到約60萬港幣!Photo from 《金錢戰爭》劇照

網民大讚:識得做生意!

唔少網民都大讚「北一女」非常有生意頭腦,亦讚揚佢筆記做得非常用心;而商品評價足足有4.9分(5分為滿分),而且「買家用後感」都好評如潮,「商品包裝好好,還寫了便條紙超貼心!」、「內容超仔細」等留言。

商品評價嘅分數係4.9分,而且仲獲得逾千個5星評價!Photo from 蝦皮網站

唔少買家都大讚筆記製作得非常用心,亦有部份家長專程為小朋友購買!Photo from 蝦皮網站

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

「斜槓青年」日本醫學生19歲創業做老闆!靠管理抖音帳號賺大錢,每月收入高達181萬!

3 May , 2022

現時唔少年輕人都希望成為「斜槓青年」,即係擁有多重職業或者身份生活,一方面亦可以提升自己嘅競爭力。最近,日本綜藝節目就訪問一位21歲嘅醫學生九島遼大(Ryota),佢2年前開始創業做老闆,成功賺取到人生第一桶金,宜家月入足足有3千萬日圓(約港幣181萬)!

九島遼大仲係日本Ferrari Owner’s Club 最年輕嘅會員!Photo from ryota_m4 @ IG

日本醫學生創立媒體顧問公司!

相信唔少人都希望能夠盡快賺到人生嘅「第一桶金」~日本綜藝節目《じっくり聞いタロウ》早前就邀請21歲醫學生九島遼大(Ryota)上節目分享佢嘅創業之路,當中提及佢2年前即係年僅19歲嘅時候自行創立媒體顧問公司,靠幫助他人成名而出名,事業起步可以話係十分順利!

現年21歲嘅Ryota仲係一位醫學生Photo from 《じっくり聞いタロウ》

佢19歲嘅時候開始創業,仲非常成功!Photo from ryota_m4 @ IG

生意超成功,已經賺取到「人生第一桶金」!

據悉現時嘅Ryota月入達到3千萬日圓(大約港幣181萬),而佢現時獨自搬出嚟住,月租大約係50萬日圓(約3萬港幣),所有生活雜費都已經自己一手包辦。節目組仲拜訪Ryota嘅住宅,佢亦大晒價值約498萬日圓(約港幣30萬)嘅名錶收藏;而佢亦擁有4架名車,其中一架仲係唔少男士夢寐以求嘅法拉利跑車,價值大約3500萬日圓(約港幣211萬)!

Ryota現時獨居於大約月租3萬嘅住宅內!Photo from 《じっくり聞いタロウ》

佢亦有收藏名錶嘅習慣Photo from 《じっくり聞いタロウ》

已經擁有4架名車Photo from 《じっくり聞いタロウ》

俾錢叫朋友幫手溫書?!

尚未畢業嘅Ryota被問到係如何分配學習以及工作時間,佢坦承會俾錢朋友,等佢哋幫手管理學業時間表!而朋友們亦非常好心地喺溫習後,將認為重要嘅考試重點劃出來,等Ryota可以節省學習時間。

平時佢就會俾錢朋友幫手制定溫書時間表Photo from 《じっくり聞いタロウ》

靠為素人/企業管理社交平台而出名!

其實Ryota出生於醫學世家,父母都係醫生,不過佢並冇因此而遊手好閒,仲決定讀緊大學嘅時候創業!佢主要透過為知名人士或者各大企業管理抖音(TikTok)等社交平台賺錢,現時幫手管理逾120間公司,仲會專門為唔同公司度身訂做適合佢哋嘅影片,從而提升佢哋嘅知名度以及曝光率,非常懂得利用社群媒體嘅優勢去做生意~而佢自己嘅抖音帳戶亦擁有逾31萬粉絲!

現時佢嘅公司已經為超過120間企業拍攝影片!Photo from 《じっくり聞いタロウ》

Ryota主要以管理抖音平台為賣點!Photo from ryota_m4 @ Twitter

自信表示非常理解社交媒體運作!

對社交媒體運作瞭如指掌嘅Ryota 自信咁話「即使係素人都能夠令佢成名」,過往佢曾用半年時間令一位只有1千位Followers嘅美妝KOL,追蹤人數飆升至14萬!佢嘅公司收費比其他廣告公司便宜,10個影片嘅價錢大約係25萬日圓(約港幣1.5萬),因此成功吸引唔少客人光顧!

佢曾經令一位寂寂無名嘅美妝KOL半年內增至14萬人追蹤!Photo from 《じっくり聞いタロウ》

如果Ryota月收入3千萬日圓係穩定嘅話,粗略估計佢一年就能夠大賺3億6千萬日圓!再加上,佢大學畢業後做埋醫生,前途真係無可限量!

節目表示保守估計佢年收入達到3億6千萬日圓!Photo from 《じっくり聞いタロウ》

若果佢將來繼續成為醫生,收入必定有增無減!Photo from ryota_m4 @ IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel