download HolidaySmart 假期日常 app
冼靖峰不獲邀任張敬軒演唱會嘉賓,軒公寄語做好作品比做嘉賓更有意義

冼靖峰不獲邀任張敬軒演唱會嘉賓,軒公寄語做好作品比做嘉賓更有意義

生活熱話 娛樂新聞
By Moon Lam on 31 May 2022
Digital Content Writer

張敬軒26場《張敬軒THE NEXT 20 演唱會》終於順利完結,最近就有傳嘉賓名單無邀請《聲夢傳奇》冼靖峰(Archie),令到對方嘅粉絲不滿!

張敬軒IG @hinscheungPhoto from 張敬軒IG @hinscheung

張敬軒嘅紅館個場受疫情影響令場次延期,近日終於完成補場,重開後軒公繼續邀請唔少新生代歌手做嘉賓。

JER IG @jeremylaousPhoto from JER IG @jeremylaous

有超強人氣Mirror成員嘅姜濤、Jer、Ian、女團COLLAR、張天賦MC、Tyson Yoshi,唱作人Gareth.T(湯令山)、陳蕾、吳林峰,樂隊ToNick、Dear Jane等,連未出道素人Arvin Tsans都係嘉賓之一。令到「今晚邊個做演唱會嘉賓」成為熱話!

陳蕾IG @pantherchanPhoto from 陳蕾IG @pantherchan

ToNick IG @tonick_officialPhoto from ToNick IG @tonick_official

而來自《聲夢傳奇》嘅學員冼靖峰不嬲都當張敬軒偶像,比賽時更被指由髮型、衣著外形甚至到唱腔都充滿張敬軒嘅影子。

有網民就整合咗話佢唔係似張敬軒,而係模仿張敬軒Photo from 網上討論區截圖

有冼靖峰嘅粉絲就不滿張敬軒邀請咁多樂壇新血,但係就無邀請佢!佢認為軒公明知冼靖峰係自己嘅粉絲,冼靖峰又被人攻擊,張敬軒作為前輩應該比機會佢,邀請佢做嘉賓,不過言詞間提到冼靖峰當時並非身處香港,又話有心一早邀請咗,似乎有啲矛盾。

聲夢傳奇通訊群組截圖Photo from 聲夢傳奇通訊群組截圖

係順利完結演唱會後張敬軒接受媒體訪問,記者提及點解無邀請冼靖峰,張敬軒話對方有搵佢,希望呢幾日嘅新聞唔會影響到佢,同時寄語冼靖峰都要加油,做多啲好作品比觀眾比起做嘉賓更有意義,可能將來會有合作機會,仲要磨練應對傳媒同同粉絲維繫。

張敬軒IG @hinscheungPhoto from 張敬軒IG @hinscheung

冼靖峰嘅個人粉絲群組入面嘅成員就強烈指責有人冒認係冼靖峰嘅粉絲,又話真正嘅粉絲係哂呢個群組,而係「睇聲夢時學會入群」口出狂言嘅根本唔係佢地嘅一份子,佢地根本無討論過呢件事,又係群組內呼籲大家做好份內事支持Archie就夠!

冼靖峰fans通訊群組截圖Photo from 冼靖峰fans通訊群組截圖

網上討論區嘅網民就話張敬軒回應得非常得體同厚道!不過網民又密切留意聲夢嘅非官方討論群組,發現有聲夢嘅支持者以小氣簿形式記低「呢兩年某些人如何對待聲夢」,發帖以騎呢組合四怪形容Error完全唔識得尊重人,又以黑面先生形容古天樂,最後仲以張公公形容軒公,覺得張敬軒嫌棄緊聲夢出身嘅人。網民話軒公一番寄語真係比埋聲夢同Archie嘅粉絲睇。

網上討論區截圖Photo from 網上討論區截圖

冼靖峰曾經參加《全民造星2》但成績一般,後來參加第一屆《聲夢傳奇》入圍最後5強,年初推出首支個人單曲《一個人的幸運》正式出道。但出席一個網上直播音樂會時失言,講咗一句「03年姐係沙士死剩種呀?」,引起大批網民反感。

Youtube截圖Photo from Youtube截圖

連搵過冼靖峰出席活動嘅電訊商都立刻割蓆,出聲明話佢只係出席過一次活動,並唔係品牌代言人!

3 網站截圖Photo from 3 網站截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

冼靖峰以沙士疫情開玩笑,被指口出狂言用字極難聽!網友:好黑心

28 Jan 2022

節目《聲夢傳奇》捧出一班學員成為旗下歌手,早前幾位學員就喺網上開live,其中冼靖峰(Archie)突然以2003年「SARS」疫情開玩笑,一句失言惹網民狠批心地差:「你對唔住全香港嘅人!」

節目《聲夢傳奇》捧出一班員成為旗下歌手,早前幾位學員就喺網上開live

聲夢4位學員網上開live唱歌

《聲夢傳奇》播出後成功令炎明熹(Gigi)、姚焯菲(Chantel)、鍾柔美(Yumi)等人得到觀眾關注,佢哋亦陸續於樂壇出道。除咗知名度較高嘅Gigi、Chantel外,其他參賽者都簽約成電視台旗下歌手。

《聲夢傳奇》播出後成功令炎明熹(Gigi)、姚焯菲(Chantel)、鍾柔美(Yumi)等人得到觀眾關注

日前其中4位聲夢學員冼靖峰(Archie)、詹天文(Windy)、林智樂(Felix)、蔡愷穎(Lolita)就喺網上開live唱歌,吸引唔少fans收睇。

日前其中4位聲夢學員冼靖峰(Archie)、詹天文(Windy)、林智樂(Felix)、蔡愷穎(Lolita)就喺網上開live唱歌

現場4人有「代溝」,林智樂、蔡愷穎都係2003年出世

期間佢哋都有傾偈,林智樂就指現場4人有3個generation,冼靖峰即表示:「兩個咋嘛!」並指佢同林智樂、蔡愷穎係同一個世代,詹天文係另一個世代。

期間佢哋都有傾偈,林智樂就指現場4人有3個generation,冼靖峰即表示:「兩個咋嘛!」

事實上在場4人以冼靖峰年紀最大,1998年出生,現年23歲;林智樂同蔡愷穎同年,都係2003年出生,今年19歲;年紀最細嘅係詹天文,2006年出世,今年16歲。

在場4人以冼靖峰年紀最大,1998年出生,現年23歲

林智樂同蔡愷穎同年,都係2003年出生,今年19歲;年紀最細嘅係詹天文,2006年出世,今年16歲。

冼靖峰一句拎沙士疫情開玩笑,全場愕然

林智樂反問冼靖峰:「你係咪00後?」,之後表示佢同蔡愷穎都係03年出世,此時冼靖峰突然爆出一句:「03年即係咩?即係沙士死剩種呀?」

林智樂反問冼靖峰:「你係咪00後?」,之後表示佢同蔡愷穎都係03年出世,此時冼靖峰突然爆出一句

其他人都好似反應唔切,一臉愕然。而冼靖峰似乎都意識到失言,即時笑住講:「哈哈!講笑啫講笑啫!其實都唔係差好多年」,之後就再次唱歌。

其他人都好似反應唔切,一臉愕然。

網友狠批佢口出狂言唔識尊重人

但呢個小插曲都被網友發現,仲狠批佢唔應該攞呢啲嘢嚟開玩笑:「03年係令所有香港人惶恐地過,同時好多家庭天人相隔」,直指經歷過沙士嘅人無可能會拎嚟講笑:「無辦法原諒有如此心地差嘅人。」

呢個小插曲都被網友發現,仲狠批佢唔應該攞呢啲嘢嚟開玩笑

有網友指冼靖峰嘅細佬都係2003年出生,認為佢只係一時口快快,但亦有人指佢口出狂言:「覺得自己好幽默?」,好唔尊重人。

有網友指冼靖峰嘅細佬都係2003年出生,認為佢只係一時口快快,但亦有人指佢口出狂言

冼靖峰於聲夢另一直播公開道歉,承認自己唔夠成熟

近日聲夢學員再喺同一平台開第二場live,今次冼靖峰、詹天文都照樣有參加,另外仲有Yumi、Chantel、何晉樂(Rock),喺live尾聲嘅時候,年紀最大嘅Rock就話:「Archie你係咪有啲嘢想講?」

近日聲夢學員再喺同一平台開第二場live,喺live尾聲嘅時候,年紀最大嘅Rock就話:「Archie你係咪有啲嘢想講?」

冼靖峰表示:「想講聲對唔住,因為上一個live講咗啲唔應該講嘅說話。」佢指同學員之間私底下成日講嘢都會「有啲over」,但有啲嘢唔應該講就唔應該講,佢又稱明白到自己唔夠成熟,日後會改善談吐舉止。

冼靖峰表示:「想講聲對唔住,因為上一個live講咗啲唔應該講嘅說話。」

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel