離家20年媽媽突向女兒借錢買樓 被拒後反罵女兒：十幾萬都拎唔出咁廢！

家人有需要時，伸出援手為正常反應。但如果對方一早離棄自己，你還願意付出一切幫忙嗎？最近，一名女生在網上討論區發文，稱媽媽20多年來從未與自己一起生活過，但結識新伴侶後突然向自己借錢買樓，事主拒絕後更被罵一無是處！

Photo from 《我的婆婆怎麼這麼可愛》劇照

樓主從未與媽媽同居

近日，一名上班族女生（下稱樓主）在香港討論區發文，表示年幼時父母已離婚，爸爸負責照顧樓主與其胞姐，而媽媽從來無跟兩姐妹一起生活過，只會提供物資與零用錢，和偶爾跟兩姐妹外出用膳。不過，樓主認為媽媽畀嘅物質並非必需品：「但老實嗰啲野我地可能唔需要，但係佢唔買都買咗，同佢講返唔好晒錢，佢又鬧返我哋唔珍惜佢送嘅嘢...」

Photo from 《都挺好》劇照

媽媽離婚後多次被不同伴侶欺騙

長大後，由於樓主認為媽媽越來越古怪，所以佢同胞姐都減少跟媽媽吃飯。佢續稱，父母在離婚後都各自有新歡，爸爸結識了一名好女友，並交往多年；而媽媽就換過多名男友，但每次都被騙財騙感情，幸好，佢現任男友似乎不錯，兩姐妹都替佢開心。

Photo from 《和媽媽一起談戀愛》劇照

媽媽向女兒借錢不果，斥對方無用

不過，媽媽嘅新戀情同樣帶來煩惱。最近，佢跟男友計劃買樓，又稱將來可以將房子當作遺產留給兩姐妹，但兩人未有足夠資金畀首期，於是突然向兩位女兒借錢。而樓主則表示，佢同胞姐真係無咁多錢可借，豈料媽媽即指責兩人：「咁大個人連十幾萬都拎唔到出嚟咁廢」。

Photo from 《我的婆婆怎麼這麼可愛》劇照

樓主曾建議住公屋嘅媽媽暫停買樓大計，惟對方無動於衷，更轉向同事、親朋戚友，甚至樓主爸爸借錢。成功籌錢後，媽媽仍出言怪責樓主和姐姐：「我養咗你哋咁多年，點解我有需要時你哋唔出錢幫我？」

Photo from 《親愛的小孩》截圖

樓主：「遲啲仲要幫你供樓？」

樓主大感無奈，媽媽當初嫌爸爸人工不夠高而堅決離婚，到現在卻為錢銀回頭向爸爸呼救。佢又反問：「咁我借錢畀你，可以等你畀到首期啦，咁你供樓有困難嗰陣我又要借錢畀你？咁點解你唔直接叫我哋兩姊妹幫你供埋樓？」

Photo from 香港討論區

Photo from 《流金歲月》劇照

網民：樓主媽媽不應不自量力，影響他人

帖文引來熱議，有網民認為再借錢畀樓主媽媽等同害佢，加上媽媽有機會再被欺騙，造成更多損失。另有回應指，有公屋住已經係最好方案，「自己連首期都唔夠，夾硬買樓為乜，年紀咁大仲要供樓，咁佢都預咗要你哋幫手供埋啦。」

Photo from 香港討論區

Photo from 香港討論區

Photo from 香港討論區

Photo from 《媽媽在等你》劇照

有網民表示，媽媽離婚時已選擇離棄樓主，往後嘅物質只係補償；更有人套用樓主被罵嘅說法，反諷佢媽媽：「咁大個人十幾萬都攞唔到出嚟咁廢，佢幾廿歲人都係攞唔到呢！」而樓主則回應指，好想跟媽媽斷絕來往，甚至有考慮到外國放working holiday，在當地搵到好工後便落地生根，唔使再回來面對媽媽。

Photo from 香港討論區

相關文章：高薪厚職港爸賣樓移民英國，卻只能搵基層工作！最終決定回流返港！網民理性分析呢2類人更適合移民？

相關文章：爸爸欠債媽媽賣樓救全家 子女揭父出軌「應否踢爆？」網民：同老豆私了！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）