download HolidaySmart 假期日常 app
IU李知恩參與康城影展險被撞倒,法國網紅疑藉事件搏關注

IU李知恩參與康城影展險被撞倒,法國網紅疑藉事件搏關注

娛樂新聞
By Moon Lam on 01 Jun 2022
Digital Content Writer

南韓女星IU(李知恩)同一眾演員憑電影《嬰兒轉運站》受邀第75屆國康城影展,但當日竟然被一位法國美妝網紅撞開,令佢差啲跌倒!事件引發大批IU歌迷憤怒!

IU係韓國出道13年,今次係佢首次以演員李知恩嘅身份進軍康城,因此佢嘅一舉一動都受媒體關注。佢當日身穿灰色薄紗禮服,顯得優雅有氣質。

IU IG@dlwlrmaPhoto from IU IG@dlwlrma

豈料當日發生一件小插曲,IU當時同幾位演員係紅地毯旁傾偈等待,中途有一名金髮女子經過,將IU向外撞,而且睇片仲覺得應該幾大力,IU被撞開後重心不穩差啲跌倒。不過該名女子撞到人不但無道歉,仲直行直過咁離開!

討論區截圖Photo from 討論區截圖

影片曝光後即刻受到關注,引起唔少歌迷嘅憤怒,要求撞人者道歉,仲話佢係睇唔起東方人,所以特登撞開IU,事件亦係國際間發酵。

討論區截圖Photo from 討論區截圖

事後網民起底原來金髮女子係法國嘅美妝網紅Maria,係社交平台有近3.8萬粉絲,佢意識到自己嘅無禮行為後亦係動態發表道歉影片,不過網民就唔買單,話佢明明唔知IU係邊個又特登搵佢嘅歌做背景音樂,係片入面又笑笑口咁完全睇唔到歉意!

IG@mariartravelPhoto from IG@mariartravel

被網民狙擊嘅Maria就再發文第二道歉,並附上佢私訊IU嘅對話,除咗道歉之外仲介紹自己係美妝網紅,黎到康城係為咗工作,為表歉意希望可以幫IU化妝,希望IU睇到可以回覆。不過呢番言論就令IU嘅粉絲更加不滿,覺得Maria提出化妝呢個提議太荒唐。

Maria向IU道歉嘅截圖全文Photo from 討論區截圖

大批網民認為Maria想藉呢件事宣傳自己,仲話佢可能成世人都未試過咁受關注,所以就提出幫IU化妝蹭熱度!而且佢仲開始追蹤IU嘅IG,更上載當日自己係康城嘅相,相入面仲擺埋IU嘅歌,令網民一頭霧水。

網民認為佢嘅行為完全係想藉呢次機會上位!Photo from 討論區截圖

而網民就反其道而行,提出檢舉Maria社交平台嘅行動,而經過兩日Maria嘅帳號已經係社交平台消失。唔少網民都話抵,仲紛紛表示有份檢舉!

螢幕截圖 2022-06-01 下午1.48.26

討論區截圖Photo from 討論區截圖

討論區截圖Photo from 討論區截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel