download HolidaySmart 假期日常 app
日本「原始人撞樣」比賽結果公開!37歲冠軍得主被稱為祖先轉世!最後10強有2大共通點!

日本「原始人撞樣」比賽結果公開!37歲冠軍得主被稱為祖先轉世!最後10強有2大共通點!

生活熱話
By Stephanie on 02 Jun 2022
Digital Content Writer

世上無奇不有,經常都會出現好多奇特嘅東西~最近,日本舉辦咗「原始人撞樣比賽」(彌生人選舉),從215位參賽者中選出最後10強,而結果亦已經出爐!冠軍樣貌究竟同原始人有幾相似呢,而佢仲專登為咗勝出而留長髮,非常用心。

日本舉辦「最似原始人大賽」,從200幾位參加者中選出最後10強!Photo from 日テレNEWS @YouTube

日本發現原始人頭骨,透過DNA技術將其樣貌重組!

上年10月,日本研究人員喺鳥取市遺跡中尋找到1,800年嘅「青谷彌生人」頭部骨頭,並進行DNA分析,將該彌生人嘅樣貌重現於大家眼前!根據網上資料,「彌生人」係指活動年代為公元前3000年至公元1500年前;該時代嘅文化特徵為陶器。

日本研究學家們已經透過DNA技術,將該原始人嘅樣貌模擬出來!Photo from とっとり弥生の王国推進課青谷上寺地遺跡 @YouTube

舉辦「最似彌生人」比賽!

而鳥取縣政府亦因此而舉辦一場「彌生人選舉」,從日本各個城市搵出與「彌生人」極度相似嘅人,反應熱烈,吸引215人報名參加。其後主辦單位選出最後10強,並於5月28日舉行比賽公佈結果!

5月28日於鳥取市舉辦一場「彌生人選舉」!Photo from とっとり弥生の王国推進課青谷上寺地遺跡 @YouTube

順便宣揚原始人過往文化

其實呢10位候選人喺參加決賽前都有親身到訪彌生時代最大嘅村莊,並體驗當地傳統文化,嘗試生火以及參觀坑居,希望令大家更加了解原始人嘅歷史。

決賽前10位候選人仲有一齊體驗原始人嘅生活Photo from 日本新聞

候選人們仲嘗試當地傳統文化Photo from The Asahi Shimbun Company @YouTube

最後10強晉身決賽!

該彌生人被重新命名為「青谷上寺朗」,並與比賽當日展示復原後嘅樣貌,等觀眾可以睇清楚啲!而10位候選人就逐位上台表演才藝以及自我介紹,嘗試為自己拉票;最終由在場觀眾以及網上投票選出「與彌生人最相似嘅選手」,以下就俾大家睇下候選人們嘅樣貌啦~

決賽當日一共有10位候選人Photo from 日本新聞

以下係幾位有力候選人嘅照片~Photo from とっとり弥生の王国推進課青谷上寺地遺跡 @YouTube

唔少參賽者都似乎為咗比賽而留長頭髮!Photo from とっとり弥生の王国推進課青谷上寺地遺跡 @YouTube

10位候選人嘅團體照,全部都擁有健康膚色!Photo from とっとり弥生の王国推進課青谷上寺地遺跡 @YouTube

冠軍人選公開!

最終冠軍由來自大阪嘅35歲打工仔吉田昌弘獲得,佢仲贏取咗一尊彌生人金像作獎品。佢表示為咗比賽故意將留鬍子以及頭髮留長,喺3個月內減掉6Kg,務求令自己嘅外型同彌生人更相似!賽後接受採訪時,佢表示女兒並不喜歡佢嘅打扮,出街都唔願意同佢一齊行,但佢就風趣咁話「對不起女兒!但爸爸像彌生人是光榮的事,你就開心一點吧!」唔知大家又覺得佢似唔似呢~

最終由來自大阪嘅35歲吉田昌弘勝出比賽!Photo from とっとり弥生の王国推進課青谷上寺地遺跡 @YouTube

吉田昌弘為咗比賽專登減肥,以及留長頭髮及鬍子。Photo from とっとり弥生の王国推進課青谷上寺地遺跡 @YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

日本最帥高中生冠軍出爐!8強名單公開個人照曝光!網友嘲質素參差:個樣似青蛙

10 Aug , 2021

日本「Model Press」每年都舉辦「最帥/最美高中生」評選,其中更有單獨嘅高中一年級選舉「高一ミスターコン2021」,結果已出爐,不過網友就對入圍嘅8強有唔少意見。

日本「Model Press」每年都舉辦「最帥/最美高中生」評選Photo from Model Press

最帥高中一年級生每年都吸引唔少高中生報名參加,因為冠軍可以獲得出演電視劇、舞台劇、上雜誌嘅機會。不過呢啲「最帥」嘅選舉以往都經常會有網友質疑評選嘅標準係咩。

最帥高中一年級生每年都吸引唔少高中生報名參加Photo from Model Press

最帥高中一年級生評選日前已完滿結束,當日有最後入圍8強出現,佢哋嘅個人照亦喺網站試公開,但有唔少網友見到照片都不禁疑惑入圍嘅高一生真係「最帥」?

最帥高中一年級生評選Photo from Model Press

「Twitter投票數」第1位:入江流風

都有啲日本男星嘅感覺,可能係日本人中意嘅類型。

「Twitter投票數」第1位:入江流風Photo from Model Press

「轉發次數」第1位:榎本剣

一頭金毛總令人諗起旺角呢個地方......

「轉發次數」第1位:榎本剣Photo from Model Press

「轉發次數」第2位:七戸緑彬

呢位高一生嘅個人照有一種朦朧嘅feel~

「轉發次數」第2位:七戸緑彬Photo from Model Press

「網頁瀏覽次數」第1位:山本架衣

「紅都面晒」喎!好似好重filter,同真人好大落差!

「網頁瀏覽次數」第1位:山本架衣Photo from Model Press

山本架衣現場照Photo from Model Press

Model PressPhoto from Model Press

「直播放送」第1位:藤岡元耀

雖然高中一年級實際年齡應該唔大,但藤岡同學個樣真係十分年幼。

「直播放送」第1位:藤岡元耀Photo from Model Press

「影片提交審核」第1位:萩原耀平

萩原同學笑容相當燦爛,但就被網友無情直言佢似青蛙!又質疑佢點解會入到8強。

「影片提交審核」第1位:萩原耀平Photo from Model Press

「模特新聞投票」第1位:山崎蒼空

個耳環有點mk......

「模特新聞投票」第1位:山崎蒼空Photo from Model Press

「總點數」第1位:山崎陽翔

係咪戴咗大眼con?

「總點數」第1位:山崎陽翔Photo from Model Press

最終冠軍係嚟自新潟嘅山崎蒼空!其實睇佢現場相比個人照好睇,但唔少網友對於其他嘅8強人選仍有好大疑問:「究竟評選準則係咩?」、「睇嚟報名嘅人真係好唔掂」

最終冠軍係嚟自新潟嘅山崎蒼空Photo from Model Press

山崎蒼空現場相比個人照好睇Photo from Model Press

山崎同學行catwalkPhoto from Model Press

唔少網友對於其他嘅8強人選仍有好大疑問Photo from 山崎蒼空IG

山崎蒼空IGPhoto from 山崎蒼空IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel