download HolidaySmart 假期日常 app
【阿媽有咗第二個】8月上映!首預告Jer同姜濤爭寵勁呷醋!姜濤罕見露額頭/Jer高中生look不違和(有片)

【阿媽有咗第二個】8月上映!首預告Jer同姜濤爭寵勁呷醋!姜濤罕見露額頭/Jer高中生look不違和(有片)

美食推介
By Haitaeng on 02 Jun 2022
Digital Editor

MIRROR姜濤Jer(柳應廷)初登大銀幕,並搭檔毛舜筠主演的電影《阿媽有咗第二個》,預計將於8月上映!日前終於公開首條預告,正式揭曉三人之間微妙的關係!毛毛要捧茶餐廳伙記姜濤做歌手,卻遭阿仔Jer極度不滿,勁呷醋爭寵搞針對,1分鐘幾的預告喜感十足~

MIRROR姜濤及Jer初登大銀幕的《阿媽有咗第二個》推出首條預告~Photo from 《阿媽有咗第二個》預告截圖

·Jer爭寵勁呷醋姜濤?

《阿媽有咗第二個》於6月1日公開首條預告,可見美鳳姐(毛舜筠飾)告訴阿仔盧子軒(Jer飾),決定出山做明星經理人,原因係睇中在茶餐廳做伙記的方晴(姜濤飾)有唱歌天份,不想埋沒這位年輕人的才華。不過,當她邀請方晴到家中住,卻引起子軒諸多不滿,勁呷醋,言語中處處玩針對~

方晴(姜濤飾)雖然是茶餐廳做伙記,但擁有唱歌天份!Photo from 《阿媽有咗第二個》預告截圖

美鳳姐(毛舜筠飾)為咗造星,決定出山做明星經理人~Photo from 《阿媽有咗第二個》預告截圖

姜濤和Jer在戲中的互動喜感十足,其中最搞笑的一幕係兩人齊齊坐在梳化,姜濤邀請Jer一起唱卡拉OK,Jer卻表示自己唔識唱。對於身為MIRROR主唱的Jer,在戲中表示自己唔識唱歌 ,不少粉絲都直言好搞笑!

姜濤和Jer在戲中之間的互動,喜感十足!Photo from 《阿媽有咗第二個》預告截圖

·姜濤罕有露額頭/Jer高中生look不違和

MIRROR姜濤與Jer首次登上大銀幕,即與影后級人馬毛舜筠合作,首條預告公開後更令人期待電影上映!話説姜濤一向多以標誌性的劉海造型示人,不過在《阿媽有咗第二個》卻罕有露出額頭,加上飾演茶餐廳伙記穿著樸素,整個look戇直但好可愛!至於現實中已經29歲的Jer,今次以冬菇頭造型再穿上校服,扮演高中生卻完全不違和~

姜濤罕有露出額頭~Photo from FB@阿媽有咗第二個

Jer的高中生look完全不違和!Photo from FB@阿媽有咗第二個

毛舜筠變成姜濤和Jer的爭寵對象~Photo from FB@EmperorMotionPictures

·未上映先獲國際影展肯定

《阿媽有咗第二個》未正式上映已在國際影展獲得亮眼成績~電影不但入圍第17屆大阪亞洲電影節競賽項目,在當地放映亦獲得熱烈回響,不少觀眾對於首次出演電影的姜濤和Jer的表現感到驚訝,大讚兩人不論演技和唱歌都相當出色!之後,電影再奪得第14季芝加哥亞洲躍動電影節「觀眾票選獎」,影展創辦人Sophia Wong Boccio在睇完電影後,更特別在官方社交網站發文送上祝賀,給予相當高的肯定~

《阿媽有咗第二個》未正式上映已接連得到國際影展的肯定。Photo from FB@阿媽有咗第二個

《阿媽有咗第二個》計劃於8月在香港上映!Photo from FB@阿媽有咗第二個

·《阿媽有咗第二個》首預告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel